Breaking៖ នាយករដ្ឋមន្ត្រីថៃអ្នកស្រី Paetongtarn Shinawatra បានប្រកាសប្រើវិធានការច្បាស់លាស់ ដើម្បីប្រយុទ្ធប្រឆាំងបទល្មើសអន្តរជាតិជាពិសេសបទល្មើសបច្ចេកវិទ្យា ដែលអង្គការសហប្រជាជាតិបានកំណត់ថា ប្រទេសកម្ពុជា ជាជំរកដ៏ធំដែលបណ្តាលអោយខូចខាតទឹកប្រាក់ជាង ៦០០ពាន់លានបាតក្នុងមួយឆ្នាំ (និយាយស្រួលស្តាប់ នាយករដ្ឋមន្ត្រីថៃរូបនេះ ចោទថាកម្ពុជាជាកន្លែងមជ្ឈមណ្ឌលសកលនៃឧក្រិដ្ឋកម្ម)។
វិធានការសំខាន់ៗដែលបានប្រកាសរួមមានដូចជា៖
សន្តិសុខ៖បង្កើនការត្រួតពិនិត្យតឹងរឹងនៅច្រកព្រំដែន ៧កន្លែង។
កំណត់ម៉ោងបើកបរ និងចេញចូលជាក់លាក់ (ករណីសិស្សសាលា និងអ្នកជម្ងឺត្រូវបានលើកលែង)។
មិនអនុញ្ញាតអោយជបនបរទេសលេងហ្គេមអនឡាញនៅតំបន់ព្រំដែន។
ត្រួតពិនិត្យយ៉ាងតឹងរ៉ឹងខំពោះជើងយន្តហោះទៅកាន់ ខេត្តសៀមរាប ជៀសវាងពាក់ព័ន្ធនឹងហ្គេមអនឡាញ។
បទល្មើសបច្ចេកវិទ្យា៖ក្រសួងសេដ្ឋកិច្ចឌីជីថល (DE) និងមជ្ឈមណ្ឌល AOC នឹងស៊ើបអង្កេតម៉ត់ចត់ទៅលើគណនីឈ្មួញ (mule accounts) និងផ្លូវហិរញ្ញវត្ថុដែលភ្ជាប់នឹងក្រុមហ៊ុន Call canter នៅតំបន់ព្រំដែន។
រារាំងសេវាអ៊ីនធឺណិត និងខ្សែអ៊ីនធឺណិតក្រោមសមុទ្រដែលភ្ជាប់ទៅអង្គភាពយោធា និងសន្តិសុខកម្ពុជា។
សហការជាមួយការិយាល័យប្រឆាំងនឹងការលាងលុយ (AMLO) ដើម្បីដាក់ទណ្ឌកម្ម បង្កកទ្រព្យសម្បត្តិ ដែលបានផ្ទេរចេញដោយអំពើខុសច្បាប់ទៅក្រៅប្រទេស។
ពាណិជ្ជកម្ម៖បញ្ឈប់ការនាំចេញផលិតផលដែលពាក់ព័ន្ធនឹងសកម្មភាពឧក្រិដ្ឋកម្មអន្តរជាតិ។
បញ្ឈប់ការនាំចេញប្រេងឥន្ធនៈទៅកម្ពុជា បើវាត្រូវបានប្រើសម្រាប់គោលបំណងខុសច្បាប់។
ពាណិជ្ជកម្មក្នុងប្រទេស៖ក្រសួងពាណិជ្ជកម្មនឹងបើកយុទ្ធនាការជួយកសិករ និងសហគ្រាស SMEs ដែលរងផលប៉ះពាល់ពីបញ្ហាកំណត់ព្រំដែន។
សហការជាសាធារណៈ និងឯកជនក្នុងការជួយទិញផលិតផលក្នុងស្រុក។
សហការអន្តរជាតិ៖ក្រសួងការបរទេសនឹងសហការជាមួយដៃគូអន្តរជាតិនានា ដើម្បីបង្រ្កាបបណ្តាញបទល្មើសបច្ចេកវិទ្យា។
ប្រទេសថៃនឹងក្លាយជាមជ្ឈមណ្ឌលប្រតិបត្តិការរួមនៃតំបន់។
នាយករដ្ឋមន្ត្រីបានបញ្ជាក់ថា ការសម្រេចនេះនឹងដាក់អនុវត្តរយៈពេល ៣ខែ រំពឹងថា នឹងមានការថយចុះយ៉ាងច្បាស់លាស់នៃស្ថិតិឧក្រិដ្ឋកម្ម ការខូចខាតដែលបានរាយការណ៍ ការឃាត់ទ្រព្យសម្បត្តិ និងការចោទប្រកាន់តាមច្បាប់។ រដ្ឋាភិបាលសន្យានឹងដោះស្រាយបញ្ហានេះយ៉ាងរហ័ស និងផ្តល់ព័ត៌មានត្រឹមត្រូវទៅប្រជាជនជាប្រចាំ។
ស្ដីពីជំនួញរបស់ជនជាតិថៃដែលនៅក្នុងប្រទេសកម្ពុជា នាយករដ្ឋមន្ត្រីបាននិយាយថា មិនមានបញ្ហា ឬ គ្រោះថ្នាក់ឡើយ។
– អ្នកជំនួញថៃនៅក្នុងទីក្រុងភ្នំពេញ ដូចជាម្ចាស់សណ្ឋាគារធំៗ នឹងមិនទទួលរងផលប៉ះពាល់នោះទេ។
– ខ្មែរបានប្រកាសមុននេះថា មិនទទួលប្រេងពីថៃទៀតនោះទេ ដូច្នេះវាអាចធ្វើឱ្យតម្លៃប្រេងនៅកម្ពុជា ឡើងខ្ពស់បន្ថែម។
បញ្ជាក់ថា កងយោធាថៃត្រូវបានផ្តល់សិទ្ធិអនុវត្តវិធានការជាបន្ទាន់នៅតាមព្រំដែនផ្អែកទៅលើស្ថានភាពជាក់ស្តែង៕
ប្រភព៖ Khaosod
ប្រែសម្រួលដោយ៖ ក្នុងស្រុក
