លោក ទៀ សីហា រដ្ឋមន្ត្រីក្រសួងការពារជាតិកម្ពុជា ឆ្លើយតបទៅវិញ ក្រោយយោធា ថៃ ចោទថាទ័ពខ្មែរតម្រង់កាំភ្លើងទៅបន្ទាយខ្លួន

ក្រោយយោធាថៃចោទថា «កម្ពុជាបង្វែរកាណុងកាំភ្លើងទៅភូមិដ្ឋាន និងបន្ទាយរបស់យោធាថៃ» លោក ទៀ សីហា ដែលជារដ្ឋមន្ត្រីក្រសួងការពារជាតិកម្ពុជាបានឆ្លើយតបទៅវិញដូចខ្លឹមសារខាងក្រោម៖

« នេះជាយុទ្ធវិធីការពារជាតិរបស់កម្ពុជា ពេលយើងបំពាក់សព្វាវុធគឺដើម្បីការពារបូរណភាពទឹកដី ច្បាស់ណាស់គោលដៅគឺទម្រង់ទៅខ្មាំងសត្រូវ មិនដែលមានក្បួនទ័ពណាដែលបង្វែរកាណុង មកផ្ទះខ្លួនឯងនោះទេ!!! ឬ មួយកងទ័ពថៃរៀនយុទ្ធវិធី ខុសពីកម្ពុជា???

ជម្រើសសន្តិវិធី គឺការចរចារវាងរដ្ឋាភិបាលទាំងពីរ ទាំងផ្នែកនយោបាយ ផ្នែកសេដ្ឋកិច្ច និងផ្នែកផ្សេងៗ ចំពោះផ្នែកយោធា គឺជម្រើសចុងក្រោយ។
យើងត្រៀមរួចជាស្រេចក្នុងការការពារទឹកដីកម្ពុជា ដោយគ្មានមហិច្ឆតាឈ្លានពានទៅប្រទេសជិតខាងឡើយ»៕