នៅក្នុងកម្មវិធីវិភាគកីឡាជាមួយ Rio Ferdinand ក្នុង Youtube អតីតខ្សែការពារឆ្វេងរបស់ Manchester United កីឡាករ Patrice Evra បានពន្យល់ម្តងទៀតថា ហេតុអ្វីបានជានៅក្នុងគំនិតរបស់គាត់ សមិទ្ធិផលរបស់ Cristiano Ronaldo គឺប្រសើរជាង Leo Messi ។
Patrice Evra៖ «ខ្ញុំចង់ពន្យល់ពីមូលហេតុដែលខ្ញុំនិយាយអំពី Ronaldo គ្រប់ពេលវេលា វាមិនមែនដោយសារតែគាត់ជាប្អូនប្រុសរបស់ខ្ញុំនោះទេ តែដោយសារខ្ញុំស្រលាញ់ក្រមសីលធម៌ការងាររបស់គាត់»។ 😮💨⬇️
«ព្រះជាម្ចាស់បានផ្ដល់ឱ្យ Messi នូវទេពកោសល្យមួយ ខណៈពេលដែល Cristiano ត្រូវតែធ្វើការធ្ងន់ ដើម្បីបានវា។ បើទោះជាគាត់មានទេពកោសល្យខ្លះមែន ប៉ុន្តែគាត់ត្រូវតែធ្វើការដើម្បីទទួលបានវាពេញលេញ»។
«ខ្ញុំគិតថាប្រសិនបើ Messi មានក្រមសីលធម៌ការងារដូច Cristiano នោះ Messi ប្រហែលជាមាន Ballon d’Or ដល់ទៅ 15 គ្រឿងនៅថ្ងៃនេះ។ ខ្ញុំស្រឡាញ់តែមនុស្សដែលខំប្រឹងប្រែងខ្លាំង។ នោះហើយជាមូលហេតុដែលខ្ញុំជ្រើសរើស Cristiano ជាង Messi។»
មិនថាអាជីពរបស់ពួកគេបញ្ចប់ដោយរបៀបណានោះទេ វាគឺជាក្រមសីលធម៌ការងារដែលធ្វើឱ្យ Ronaldo ក្លាយជាគំរូដ៏ល្អសម្រាប់ក្មេងជំនាន់ក្រោយ។