Erik ten Hag បាននិយាយថា មានតែក្លិបមួយប៉ុណ្ណោះដែលល្អជាង Man Utd ក្នុងរយៈពេល២ឆ្នាំចុងក្រោយ ខណៈដែល Man Utd បានឈ្នះពាន២ ក្នុងរដូវកាលចុងក្រោយ។
Man United បានឈ្នះពាន League Cup និង FA Cup ក្នុងពីររដូវកាលដំបូងរបស់គ្រូបង្វឹកហូឡង់នៅ Old Trafford ។ គ្រូបង្វឹកសញ្ជាតិហូឡង់រូបនេះបាននិយាយមុនការប្រកួតនេះថា ៖
«ទោះបីជាយើងតាមពីក្រោយ Man City យើងក៏បានឈ្នះពានរង្វាន់ច្រើនជាងគេក្នុងរយៈពេលពីរឆ្នាំចុងក្រោយនេះ… ដូច្នេះយើងធ្វើបានល្អជាងអ្នកផ្សេង” ។
បើតាមការដកស្រង់សម្តីដោយ Fabrizio Romano លោក Ten Hag បាននិយាយបន្តថា៖ “នោះជាការពិត។ ទាំងនោះគឺជាការពិត។ ឆ្នាំនេះ យើងចង់ឈ្នះពាន ហើយខ្ញុំមានទំនុកចិត្តយ៉ាងខ្លាំងចំពោះវា»។
Man United បានបញ្ចប់ក្នុងចំណាត់ថ្នាក់លេខ ៨ ក្នុង Premier League កាលពីរដូវកាលមុន តែឈ្នះបាន FA Cup ហើយទទួលបានកៅអីលេងពាន UEFA Europa League ។