Manuel Neuer មិនមានគម្រោងឈប់លេងឱ្យ Bayern នោះទេ បន្ទាប់ពីចូលនិវត្តន៍ពីក្រុមជម្រើសជាតិអាល្លឺម៉ង់។ ទោះជាយ៉ាងណា កីឡាកររូបនេះបានមើកឃើញអនាគតរបស់គាត់ជាមួយ Bayern យ៉ាងយូរលើសពីមួយឆ្នាំ។
គាត់បានប្រាប់សារព័ត៌មាន Kicker ថា៖ «ខ្ញុំនឹងមិនឈានជើងចូលទៅរដូវកាលនេះ ជាមួយគំនិតចាកចេញក្នុងរដូវកាលបន្ទាប់នោះទេ។ ប្រសិនបើយើងបញ្ចប់រដូវកាលដោយជោគជ័យជាមួយនឹងក្រុមគ្រូបង្វឹកថ្មី និងជាមួយនឹងសន្ទុះថ្មី នោះមានន័យថាខ្ញុំនឹងរីករាយ។ ហើយបើខ្ញុំសប្បាយចិត្ត ខ្ញុំច្បាស់ជាបន្តទៀត”។
នៅអាយុ 38 ឆ្នាំ Neuer នៅតែជាអ្នកចាំទីជម្រើសដំបូង និងជាប្រធានក្រុមរបស់ Bayern ។ កាលពីរដូវកាលមុន គាត់បានលេង 33 ប្រកួតឱ្យក្លិបនៅគ្រប់ការប្រកួតទាំងអស់ និងរក្សា Clean Sheet 11 ដង និងរបូត 43 គ្រាប់។