Arda Guler ស្នើសុំលោក Carlo Ancelotti ធ្វើរឿងមួយទោះបីជម្រើសជាតិទួរគីនៅលេងក្នុងពាន Euro 2024
Arda Guler បានស្នើឱ្យ Carlo Ancelotti បញ្ចូលឈ្មោះរបស់គាត់នៅក្នុងបញ្ជីឈ្មោះក្រុមប្រកួតមុនបើករដូវកាល បើទោះបីជាទួរគីអាចឈានដល់វគ្គពាក់កណ្តាលផ្តាច់ព្រ័ត្រ Euros ក៏ដោយ នេះបើយោងតាមសារព័ត៌មាន Fanatik ។
អ្នកទាំងពីរបានជជែកគ្នាតាមទូរស័ព្ទ បន្ទាប់ពីជម្រើសជាតិទួកគីឈ្នះ ២-១ ទល់នឹងសាធារណរដ្ឋឆេក។ Ancelotti បានប្រាប់ Arda ថាគាត់នឹងមិននាំកីឡាករូបនេះទៅសហរដ្ឋអាមេរិកទេ ប្រសិនបើប្រទេសទួរគីឡើងទៅវគ្គជ្រៅៗក្នុងពាន Euro 2024 ទោះយ៉ាងណាក៏ដោយ កីឡាកររូបនេះមិនយល់ស្របជាមួយ Carlo ហើយបានទទូចឱ្យដាក់ឈ្មោះគាត់ទៅក្នុងក្រុម។
កីឡាករវ័យ 19 ឆ្នាំរូបនេះចង់បង្ហាញយ៉ាងច្បាស់ពីតម្លៃរបស់គាត់នៅមុនរដូវកាលក្រោយ ដោយសារពេលវេលាប្រកួតរបស់គាត់មានកំណត់ក្នុងរដូវកាលនេះ។
ទួរគីត្រូវជួបជាមួយអូទ្រីសក្នុងវគ្គ 16 ក្រុមចុងក្រោយនៅថ្ងៃអង្គារ ទី 2 ខែកក្កដា។ ពួកគេស្ថិតក្នុងវគ្គ Play-off ងាយស្រួលជាងប្រទេសនានា ដូច្នេះពួកគេពិតជាអាចទៅបានឆ្ងាយ ប្រសិនបើអ្វីៗដំណើរការទៅរលូន។
ដំណើរទេសចរណ៍មុនរដូវកាលរបស់ Real Madrid នឹងធ្វើឡើងនៅចុងខែកក្កដា។ ប្រសិនបើទួរគីបានឈានទៅវគ្គពាក់កណ្តាលផ្តាច់ព្រ័ត្រនៃ Euros ពួកគេនឹងបញ្ចប់យុទ្ធនាការរបស់ពួកគេនៅពាក់កណ្តាលខែកក្កដា ខណៈដែល Arda ក៏នឹងត្រូវសម្រាកខ្លះ បន្ទាប់ពីនោះ។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ កីឡា
ព័ត៌មានថ្មីៗ
