នៅពេលដែលសរីរាង្គក្នុងរាងកាយជួបប្រទះបញ្ហាមិនល្អ ការឈឺចាប់គឺជាសញ្ញាព្រមាននៃជំងឺទាំងនេះ។ ការរកឃើញមូលហេតុនៃការឈឺចាប់ទាន់ពេលនឹងជួយឱ្យអ្នកឆាប់ព្យាបាលវាទាន់ពេល។
អ្នកអាចដឹងពីទីតាំងឈឺចាប់មួយចំនួននៅក្នុងខ្លួន ដែលព្រមានពីរោគសាស្ត្រធម្មតា ហើយស្វែងរកការពិនិត្យទាន់ពេលវេលា តាមរយៈទីតាំងនៃការព្រមានខាងក្រោម៖
១. ឈឺចាប់នៅឆ្អឹងត្រគាក
ក្រលៀន៖ ប្រសិនបើការឈឺចាប់នៅឆ្អឹងត្រគាកទាំងផ្នែកខាងមុខ និងខាងក្រោយ អ្នកគួរតែពិចារណាពីបញ្ហាក្រលៀន។ ហេតុផលគឺថាការឆ្លងមេរោគនៃសរីរាង្គនេះនឹងបណ្តាលឱ្យមានការឈឺចាប់ធ្ងន់ធ្ងរនៅផ្នែកខាងក្រោមខ្នង។
២. ពោះវៀនធំ និងផ្នែកដែលពាក់ព័ន្ធ
អង្គការសុខភាពពិភពលោកព្រមានថា ការឈឺចាប់នៅកណ្តាលពោះវៀនអាចជាលទ្ធផលនៃបញ្ហាជាមួយនឹងឧបសម្ព័ន្ធ និងផ្នែកខាងស្តាំនៃពោះវៀនធំ។ លើសពីនេះទៅទៀត ការឈឺចាប់ដែលចេញមកពីផ្នែកខាងស្តាំនៃពោះផ្នែកខាងក្រោម (ខាងស្តាំ iliac fossa) គឺទាក់ទងយ៉ាងជិតស្និទ្ធទៅនឹងជំងឺរលាកខ្នែងពោះវៀន។
៣. ឈឺចាប់នៅជុំវិញទ្រូង
នៅពេលដែលអ្នកមានបញ្ហាបេះដូង អ្នកនឹងមានអារម្មណ៍ឈឺចាប់ខ្លាំងនៅជុំវិញទ្រូង។ ទោះជាយ៉ាងណាក៏ដោយ មានមនុស្សតិចណាស់ដែលដឹងថា ការឈឺចាប់នៅដៃខាងឆ្វេង ឬផ្នែកខាងលើនៃខ្នង ក៏ជាសញ្ញានៃជំងឺបេះដូងផងដែរ។ យោងតាមការស្រាវជ្រាវពីសាកលវិទ្យាល័យ Michigan School of Medicine ការគាំងបេះដូង ភាគច្រើនពាក់ព័ន្ធនឹងផ្នែកដូចគ្នា ដែលបញ្ជូនកម្លាំងទៅកាន់ខួរឆ្អឹងខ្នង ដែលអាចដឹងពីចង្វាក់បេះដូង រួមទាំងផ្នែកខាងឆ្វេងផងដែរ។
៤. ឈឺចាប់នៅក តំបន់ស្មាខាងលើ
បញ្ហាថ្លើម ឬថង់ទឹកប្រមាត់អាចបង្កឱ្យមានការឈឺចាប់នៅត្រង់ក ស្មាខាងលើ តំបន់ទ្រូងខាងក្រោម ឬផ្នែកខាងស្តាំនៃរាងកាយ។ យោងតាមសមាគមម៉ាស្សាអាមេរិក ជំងឺថង់ទឹកប្រមាត់អាចជាមូលហេតុនៃការឈឺស្មា។
៥. ឈឺខ្នង
ក្រពះ និងលំពែង៖ យោងតាមការសិក្សានៅលើគេហទំព័រ Physio-pedia.com ប្រហែល 50% នៃអ្នកជំងឺដែលមានជំងឺរលាកលំពែងស្រួចស្រាវ តែងតែមានការឈឺចាប់ខ្នង។ ការឈឺពោះនៅផ្នែកខាងលើក៏ត្រូវបានជះឥទ្ធិពលទៅនឹងបញ្ហាក្រពះ និងលំពែងផងដែរ៕
ប្រែសម្រួលដោយ៖ វីរៈ(Knongsrok)
