ចែកគ្នាដឹងផង! ​​ញ៉ាំ​ពង​ទាកូនក្នុងពេលវេលាមាសនេះ ល្អ​ជាង​ការ​ផឹក​ថ្នាំ​ប៉ូវ​កម្លាំង​រាប់រយដង

(Knongsrok): ពងទាកូន គឺជាមុខម្ហូបមួយមុខដ៏ពេញនិយមរបស់មនុស្សជាច្រើន ដែលអាចនាំមកនូវអត្ថប្រយោជន៍ជាច្រើនដល់សុខភាពរាងកាយ ជាពិសេសនៅពេលទទួលទាននៅពេលវេលាមាសនេះ។

យោងតាមអ្នកជំនាញអាហារូបត្ថម្ភ ពងទាកូនមួយមានផ្ទុករហូតដល់ទៅ ១៨២kcal ប្រូតេអ៊ីន ១៣,៦ក្រាម lipid ១២,៤ក្រាម កាល់ស្យូម 82 mg ផូស្វ័រ ២១២ក្រាម និង ៦០០mg នៃកូលេស្តេរ៉ុល។ លើសពីនេះ សមាសធាតុអាហារូបត្ថម្ភនៃអាហារនេះក៏មានផ្ទុកនូវវីតាមីន A, B និង C, ជាតិដែក… ល្អណាស់សម្រាប់រាងកាយ។ បើយោងតាមអ្នកជំនាញ ពងទាកូនត្រូវបានគេស្គាល់ថាជាថ្នាំប៉ូវកម្លាំងឈាម មានប្រយោជន៍សម្រាប់សុខភាព ពង្រឹងកម្លាំងរាងកាយ ធ្វើឲ្យស្រកទម្ងន់…។

ពេលញ៉ាំពងទាកូន មនុស្សទូទៅតែងតែញ៉ាំវារួមគ្នាជាមួយជី បន្លែស្រស់ មានប្រសិទ្ធភាពព្យាបាលភាពស្លេកស្លាំង រាងកាយចុះខ្សោយ ឈឺក្បាល និងវិលមុខ… ពងទាកូនគឺល្អ ប៉ុន្តែមិនមែនគ្រប់ពេលទេ។ អ្នកក៏អាចញ៉ាំអាហារនេះនៅពេលណាមួយនឹងកំណត់យ៉ាងសំខាន់នូវអត្ថប្រយោជន៍ដែលវាអាចនាំមកបាន។

ពេលវេលាដ៏ល្អបំផុតដើម្បីទទួលទានពងទាកូន

ពងទា​មិន​ស័ក្តិសម​សម្រាប់​អាហារ​ថ្ងៃត្រង់ ឬ​អាហារ​ពេល​ល្ងាច​ទេ ប៉ុន្តែ​បើ​តាម​អ្នកជំនាញ​វា​គួរ​ញ៉ាំ​ជា​អាហារ​ពេលព្រឹក។ ហេតុផលគឺថា ក្នុងរយៈពេលយូរ 10-12 ម៉ោងពីអាហារពេលល្ងាចកាលពីយប់មុន ប្រភពដ៏សម្បូរបែបនៃសារធាតុចិញ្ចឹមពីស៊ុតនឹងអាចផ្តល់ថាមពលដ៏អស្ចារ្យសម្រាប់រាងកាយដើម្បីចាប់ផ្តើមថ្ងៃថ្មី។ មិនត្រឹមតែប៉ុណ្ណោះ ពងទាកូនក៏មានផ្ទុកនូវប្រូតេអ៊ីន និងកូលេស្តេរ៉ុលខ្ពស់ផងដែរ ដូច្នេះហើយ មិនគួរទទួលទានពេលយប់ទេ នៅពេលដែលរាងកាយមិនសូវសកម្ម វានឹងធ្វើឱ្យហើមពោះ និងពិបាករំលាយអាហារ។

ហេតុអ្វី​បាន​ជា​អ្នក​គួរ​ញ៉ាំ​ពងទាកូន​ជាមួយ​ជីពងទាកូន?

ជីពងទាកូនត្រូវបានគេស្គាល់ថាជាឱសថមួយប្រភេទ មានប្រសិទ្ធភាពក្នុងការជួយបង្កើនគ្រឿងទេស និងអាចផ្សំជាមួយអាហារផ្សេងៗជាច្រើន។ ទទួលទានជីពងទាកូនអាចផ្តល់អត្ថប្រយោជន៍ជាច្រើនដល់រាងកាយដូចជា ព្យាបាលគ្រុនក្តៅ ក្តៅក្រពះ ពង្រឹងសរសៃពួរ ភ្នែកភ្លឺ មានប្រយោជន៍សម្រាប់ខួរក្បាល ប្រើជាថ្នាំសម្លាប់មេរោគ និងប្រឆាំងការហើមពោះ … យ៉ាងមានប្រសិទ្ធភាព។

យោងតាមអ្នកជំនាញ ជីពងទាកូន គឺជាឱសថមួយប្រភេទ ជាថ្នាំបង្ការ ដែលមានលក្ខណៈពិសេសដូចជា ភាពកក់ក្តៅ រសជាតិឈ្ងុយឆ្ងាញ់ និងក្លិនក្រអូប។ ពេល​ញ៉ាំ​ពងទាកូន មនុស្ស​ភាគច្រើនតែងតែ​ញ៉ាំ​វា​ជាមួយ​ស្លឹក​ជីនេះ ដើម្បី​បង្កើត​រសជាតិ​មិនឱ្យទទួលទានទៅទ្រលាន់។ លើសពីនេះ ពងទាកូន​មាន​ឥទ្ធិពល​ប៉ូវ​កំលាំង​ ប៉ូវឈាម ធ្វើអោយ​សរីរវិទ្យា​ប្រសើរឡើង បង្កើន​សារធាតុចិញ្ចឹម​សម្រាប់​រាងកាយ​។ ដូច្នេះហើយ ប្រសិនបើអ្នកទទួលទានពងទាកូនជាមួយជីពងទាកូន វានឹងជួយនាំមកនូវអត្ថប្រយោជន៍ជាច្រើនដល់សុខភាព។

អ្នកដែលត្រូវកំណត់ក្នុងការទទួលទានពងទាកូន

ទោះបីជាយើងដឹងថាពងទាកូនមានជីវជាតិច្រើនក៏ដោយ មិនមែនគ្រប់គ្នាសុទ្ធតែអាចទទួលទានបានទេ។ យោងតាមអ្នកជំនាញផ្នែកអាហារូបត្ថម្ភ ពងទាកូនមិនមែនជាអាហារមួយក្នុងចំណោមអាហារដែលសមរម្យសម្រាប់កុមារ ជាពិសេសកុមារអាយុក្រោម 5 ឆ្នាំ។ ប្រព័ន្ធរំលាយអាហាររបស់កុមារអាយុក្រោម 5 ឆ្នាំមិនទាន់មានការអភិវឌ្ឍន៍ពេញលេញនៅឡើយ។ ការទទួលទានពងទាកូន នឹងធ្វើឱ្យកុមារពិបាកក្នុងការរំលាយអាហារ។ ដូច្នេះ ឪពុកម្តាយ​គួរតែ​ឲ្យ​កូនញ៉ាំ​ត្រឹមតែ ពាក់កណ្តាល​/​ពងទាកូនមួយគ្រាន់ ហើយ​ញ៉ាំ​តែម្តង​ក្នុង​មួយ​សប្តាហ៍​។

ក្រៅពីនេះ ស្ត្រីមានផ្ទៃពោះត្រូវការសារធាតុចិញ្ចឹមច្រើនសម្រាប់ទារកក្នុងផ្ទៃដើម្បីអភិវឌ្ឍ ប៉ុន្តែមិនគួរបរិភោគពងទាលើសពី ២ គ្រាប់ក្នុងមួយសប្តាហ៍។ ញ៉ាំនៅពេលព្រឹក ដើម្បីជៀសវាងការហើមពោះ និងពិបាករំលាយអាហារ។

តើពងទាកូនប៉ុន្មានគ្រាប់ទើបគ្រប់គ្រាន់?

នៅក្នុងពងទាកូនមួយគ្រាប់មានថាមពលច្រើនជាង ១៨០kcal ប្រូតេអ៊ីន ១៣,៦ក្រាម lipids ១២,៤ក្រាម កាល់ស្យូម ៨២មីលីក្រាម ផូស្វ័រ ២១២ក្រាម និងកូលេស្តេរ៉ុល ៦០០មីលីក្រាម។ ក៏មានវីតាមីនជាច្រើននៃក្រុម A ក្រុម B និងវីតាមីន C ជាតិដែក… ដូច្នេះហើយទោះបីជាវាជាអាហារដែលមានជីវជាតិក៏ដោយ ប្រសិនបើទទួលទានច្រើនពេកក្នុងរាងកាយវាអាចបណ្តាលឱ្យកើតជំងឺសរសៃឈាមបេះដូង លើសឈាម ទឹកនោមផ្អែម។ ដូច្នេះ យក​ល្អ​សម្រាប់​មនុស្ស​ពេញវ័យ​ដែល​មាន​សុខភាព​ល្អ​ម្នាក់ៗ គួរញ៉ាំ​​តែ ៣ ទៅ ៤ គ្រាប់​ក្នុង​មួយ​សប្តាហ៍​គឺគ្រប់គ្រាន់ហើយ៕

ប្រែសម្រួលដោយ៖ វីរៈ(Knongsrok)