លោក Jose Mourinho បានយកឈ្នះលោក Pep Guardiola ក្នុងការប្រកួតវគ្គពាក់កណ្តាលផ្តាច់ព្រ័ត្រនៃក្របខ័ណ្ឌ Champions League ក្នុងឆ្នាំ 2010 ។ ក្នុងអំឡុងពេលប្រកួត មានការប៉ះទង្គិចគ្នារវាងលោក Mourinho និងលោក Guardiola នៅលើតំបន់បច្ចេកទេសគ្រូបង្វឹក។
អ្នកចាត់ការសញ្ជាតិព័រទុយហ្គាល់ពេលនេះបានបង្ហាញពាក្យពិតដែលគាត់បាននិយាយទៅកាន់ Pep នៅថ្ងៃនោះ។ Mourinho បានរៀបរាប់ប្រាប់ La Gazzetta dello Sport ថា៖ “នៅពេលដែល Busquets ដួលស្ទើរតែសន្លប់(ប៉ះគ្នាជាមួយ Thiago Motta) ខ្ញុំស្ថិតនៅចន្លោះកៅអីបម្រុងរបស់យើង និងកៅអីរបស់ពួកគេ និងកន្លែងដែល Thiago Motta (កាលនោះលេងនៅ Inter) ត្រូវបានបណ្តេញចេញ” ។
“នៅជ្រុងម្ខាងនៃភ្នែករបស់ខ្ញុំ ខ្ញុំបានឃើញកីឡាករនៅកៅអីបម្រុងរបស់ Barcelona អបអរដូចជាពួកគេឈ្នះពាន។ លោក Guardiola បានហៅ [Zlatan] Ibrahimovic មកនិយាយអំពីយុទ្ធសាស្ត្រ៖ យុទ្ធសាស្ត្រ១១ ទល់នឹង ១០ »។
“ខ្ញុំគ្រាន់តែនិយាយទៅកាន់គាត់ថា៖ “កុំចាប់ផ្តើមពិធីជប់លៀង ហ្គេមមិនទាន់ចប់ទេ”។
ការប្រកួតនៅកីឡដ្ឋាន Camp Nou បានបញ្ចប់ក្នុងលទ្ធផល 1-0 ប៉ុន្តែ Inter បានឈ្នះក្នុងលទ្ធផល 3-2 សរុបទាំងពិរជើង ហើយបានបន្តយកឈ្នះលើក្រុម Bayern Munich នៅវគ្គផ្តាច់ព្រ័ត្រដើម្បីលើកពាន។
ប្រភព៖ Gazzetta dello Sport (h/t Marca)