អាការៈក្រោយពេលស្រវឹង (Hangover) គឺជាបញ្ហាមួយដែលមនុស្សភាគច្រើនតែងជួបប្រទះដោយសារវាបានរំខានដល់ការងារនិងការធ្វើសកម្មភាពប្រចាំថ្ងៃ។ នេះគឺរាល់វិធីសាស្រ្តល្អបំផុតក្នុងការបំបាត់អាការៈក្រោយស្រវឹង៖
១.ខ្ញី
ខ្ញីមិនត្រឹមតែជួយដល់ដំណើរការក្រពះនោះទេ ថែមទាំងជាឱសថទិព្វក្នុងការបំបាត់អាការៈក្រោយស្រវឹងទៀតផង។ អ្នកអាចសាកល្បងទំពារខ្ញីមួយចំណិតឬដាំជាតែផឹកក៏បាន រួចអ្នកនឹងទទួលបានលទ្ធផលភ្លាមៗ។
២.ក្រូចឆ្មារ
នៅពេលអ្នកទទួលទានស្រា វានាំឱ្យកម្រិត pH មានការផ្លាស់ប្តូរនិងឡើងជាតិអាសុីតជាងមុន។ ដូចនេះ ការទទួលទានទឹកក្រូចឆ្មារគឺមានអត្ថប្រយោជន៍ក្នុងការរក្សាតុល្យភាពក្នុងរាងកាយហើយបំបាត់ភាពចង្អោរដែលបណ្តាលមកពី Hangover។
៣.ផ្លែចេក
វិធីសាស្រ្តដែលងាយស្រួលនិងលឿនបំផុតនោះគឺផ្លែចេក។ ផ្លែចេកសម្បូរទៅដោយជាតិប៉ូតាស្យូមដែលជំនួយដល់រាងកាយឱ្យដំណើរការបានល្អ។ វាថែមទាំងសម្បូរនូវជាតិស្ករធម្មជាតិដែលជួយបង្កើនកម្រិតជាតិស្ករក្នុងឈាមរបស់អ្នក នាំឱ្យបំបាត់នូវការឈឺក្បាល វិលមុខជាដើម។
៤.ទឹកឃ្មុំ
ដោយសារតែការទទួលទានជាតិស្ករនាំឱ្យបំបាត់នូវអាការៈក្រោយស្រវឹង ការទទួលទានទឹកឃ្មុំគឺជាជម្រើសល្អបំផុត។ ទឹកឃ្មុំគឺជាប្រភេទស្ករធម្មជាតិដែលមិនប៉ះពាល់ដល់សុខភាពថែមទាំងជំនួយដល់សុខភាពទៀតផង៕
ប្រភព ៖ បរទេស