នាយកប្រតិបត្តិក្រុមហ៊ុន SpaceX លោក Elon Musk បានបដិសេធការទាមទារសំណងលើការរបំពារបំពានផ្លូវភេទលើអតីតអ្នកបម្រើការលើយន្តហោះ ដែលក្រុមហ៊ុនបានរាយការណ៍ថាបានបង់ប្រាក់ចំនួន ២៥០០០០ ដុល្លារជាផ្នែកមួយនៃកិច្ចព្រមព្រៀងបញ្ចប់បទចោទប្រកាន់នៅឆ្នាំ ២០១៨ ។
បើយោងតាម Business Insider៖ “អតីតអ្នកបម្រើការលើយន្តហោះម្នាក់នេះធ្វើការនៅក្នុងក្រុមនាវិកសម្រាប់យន្តហោះក្រុមហ៊ុន SpaceX’s corporate jet។ នាងបានចោទប្រកាន់ Musk ពីបទបង្ហាញប្រដាប់ភេទរបស់គាត់ឱ្យនាង អង្អែលជើងរបស់នាងដោយមិនមានការយល់ព្រម និងផ្តល់ជាប្រាក់ឱ្យនាងជាថ្នូរនឹងការម៉ាស្សាបែបស្រើបស្រាល។”
សេចក្តីប្រកាសមួយដែលបានចុះហត្ថលេខាដោយមិត្តរបស់អតីតអ្នកបម្រើការលើយន្តហោះបានរៀបរាប់លម្អិតអំពីឧប្បត្តិហេតុនេះ ដែលបានឡើងក្នុងឆ្នាំ ២០១៦ ។ ការឆ្លើយឆ្លងតាមអ៊ីមែល និងកំណត់ត្រាផ្សេងទៀតដែលមិត្តភ័ក្តិបានផ្តល់ឱ្យ Business Insider បានផ្តល់ពត៌មានអះអាងបន្ថែមពីបញ្ហានេះ។
ជនរងគ្រោះបានប្រាប់មិត្តរបស់នាងថា SpaceX បានលើកទឹកចិត្តនាងឱ្យមានអាជ្ញាប័ណ្ណជាអ្នកម៉ាស្សា ដូច្នេះនាងអាចម៉ាស្សាឲ្យ Musk បាន។ នាងបាននិយាយថា Musk បានសុំនាងរួមដំណេក ក្នុងអំឡុងពេលម៉ាស្សាមួយ។
Musk បានសរសេរនៅលើ Twitter ថា៖ “ប្រសិនបើខ្ញុំត្រូវបានភ្ជាប់នឹងការបៀតបៀនផ្លូវភេទ នេះទំនងជាមិនមែនជាលើកទីមួយទេក្នុងអាជីពការងារយៈពេល ៣០ ឆ្នាំរបស់ខ្ញុំនេះ”។
នាយកប្រតិបត្តិ SpaceX បានស្នើសុំពេលវេលាបន្ថែមទៀតដើម្បីឆ្លើយតប ហើយខណៈ Business Insider បានផ្តល់ឱ្យគាត់នូវពេលវេលាបន្ថែមទៀត គាត់មិនបានឆ្លើយតបតាមម៉ោងកំណត់របស់សារព័ត៌មាននោះទេ។ លោក Christopher Cardaci អនុប្រធានផ្នែកច្បាប់របស់ក្រុមហ៊ុន SpaceX បានប្រាប់ថា “ខ្ញុំនឹងមិនធ្វើអត្ថាធិប្បាយលើកិច្ចព្រមព្រៀងទូទាត់ណាមួយឡើយ”។
SpaceX មិនបានឆ្លើយតបភ្លាមៗចំពោះសំណើ បន្ទាប់ពីប៉ុន្មានម៉ោងក្រោយមានការលើកឡើងនៅក្នុង FOX Business នោះទេ។
ប៉ុន្តែ Musk បានធ្វើការបង្ហាញជំហរលើរឿងនេះនៅលើ Twitter របស់គាត់ ដោយនិយាយថាការវាយប្រហារប្រឆាំងនឹងគាត់គួរតែត្រូវបានចាត់ទុកថាជារឿងនយោបាយ។
នាយកប្រតិបត្តិ SpaceX បានសរសេរថា “ការវាយប្រហារប្រឆាំងនឹងខ្ញុំគួរតែត្រូវបានមើលឃើញថាជារឿងនយោបាយ – នេះគឺជាប្រឌិតរឿងរបស់ពួកគេ (គួរឱ្យស្អប់ខ្ពើម) ប៉ុន្តែគ្មានអ្វីនឹងរារាំងខ្ញុំពីការប្រឹងប្រែងដើម្បីអនាគតដ៏ល្អខាងមុខ និងវាសិទ្ធិរបស់អ្នកក្នុងការបញ្ចេញមតិ” ។
នៅលើ Twitter លោក Musk បានសរសេរថា “សម្រាប់ការចោទប្រកាន់ព្រៃផ្សៃបែបនេះគឺមិនពិតឡើយ”។
ប្រភព៖ https://www.foxbusiness.com/business-leaders/elon-musk-sexual-assault-spacex-flight-attendant-massage