ក្មេងប្រុសអាយុ ៤ ឆ្នាំម្នាក់ត្រូវបានគេប្រដូចទៅនឹងតារា F1 Max Verstappen បន្ទាប់ពីយកឡានរបស់ម្តាយគាត់ទៅបើកបរនៅប្រទេសហូឡង់។
ប៉ូលីសនៅក្នុងទីក្រុង Utrecht បាននិយាយថា ក្មេងនេះបានបុកឡានចតពីរ ហើយត្រូវបានរកឃើញតែម្នាក់ឯងដោយអ្នកឈរដើរជុំវិញក្នុងខោទ្រនាប់ និងជើងទទេរកាលពីថ្ងៃសៅរ៍។
យោងតាមប៉ូលីសបានឱ្យដឹងថា ក្មេងនេះបានយកសោររថយន្តរបស់ម្តាយគាត់ “ទៅបើកឡាន” បន្ទាប់ពីគាត់ភ្ញាក់ពីគេងកាលពីថ្ងៃសៅរ៍ នៅពេលឪពុករបស់គាត់ទៅធ្វើការ។
នៅលើ Instagram បាននិយាយថា ពួកគេបានរកឃើញ “Max Verstappen ថ្មី” ហើយថាគ្មាននរណាម្នាក់រងរបួសនៅក្នុងឧប្បត្តិហេតុនោះទេ។
ប៉ូលីសបានទាក់ទងទៅម្តាយរបស់ក្មេងប្រុស ហើយខណៈពេលដែលគាត់និយាយជាមួយនាងតាមទូរស័ព្ទ ក្មេងប្រុសនោះបានធ្វើកាយវិការកាច់ចង្កូត ដែលធ្វើអោយប៉ូលីសគិតថាគាត់ប្រហែលជាកំពុងបើកបរ។ នាំទៅដល់កន្លែងកើតហេតុ ក្មេងនោះត្រូវបានគេសួរថា តើគាត់ដឹងថារថយន្តធ្វើការយ៉ាងណា។
ប៉ូលីសបាននិយាយថា គាត់បានបើករថយន្តដោយយកកូនសោរដាក់សោរបញ្ឆេះ ហើយចូលទៅក្ដាប់ដោយជើងឆ្វេងរបស់គាត់ ហើយបានជាន់ហ្គាស។
ប៉ូលីសបាននិយាយថា “ជាសំណាងល្អ ដំណើរផ្សងព្រេងរបស់អ្នកបើកឡានតូចនេះ បានបញ្ចប់ទៅដោយសំឡេងផ្ទុះ”។
កុមារត្រូវបានពិនិត្យដោយគ្រូពេទ្យ ហើយនាំទៅកាន់ប៉ុស្តិ៍ប៉ូលីស ដែលគាត់ត្រូវបានគេផ្តល់សូកូឡាក្តៅមួយ ហើយសួរថាតើគាត់មកពីណា។
Max Verstappen គឺជាអ្នកបើកបររថយន្ត Formula One ដែលជាជើងឯកពិភពលោករបស់ប្រទេសហូឡង់។
ប្រភព៖ https://news.sky.com/story/netherlands-boy-four-called-a-new-max-verstappen-after-taking-mothers-car-for-joyride-12603918