មនុស្សជាច្រើន ក្រោយពីធ្វើបុណ្យជាមួយព្រះសង្ឃ និងធ្វើបុណ្យទាននៅតាមវត្តអារាម គេជឿថាការព្រលែងសត្វគឺជាការធ្វើបុណ្យមួយដែរ ដែលប្រៀបបីដូចជាការផ្តល់ជីវិតថ្មីដល់សត្វ ភាពស្រដៀងគ្នានៃការជួយស្រោចស្រង់ដោះលែងសត្វជាច្រើនឱ្យផុតទុក្ខ។ តែអ្នកប្រហែលជាមិនបានដឹងនោះទេថា បុណ្យកុសលដែលទទួលបានពីការលែងសត្វនីមួយៗសុទ្ធតែមានលក្ខណៈខុសគ្នា?
តោះ មកមើលទាំងអស់គ្នា តើការដោះលែងសត្វនីមួយៗមានអត្ថន័យដូចម្តេចខ្លះ ៖
#លែងសត្វស្លាប ៖ ការដោះលែងសត្វស្លាបជួយជំរុញជីវិតឱ្យមានភាពរីកចម្រើន ភាពរុងរឿង សុភមង្គល។
#លែងគោ-ក្របី៖ ជួយធ្វើឱ្យជីវិតផុតទុក្ខ និងចេញពីសំណាងអាក្រក់ ។
#លែងអណ្តើក៖ ធ្វើឲ្យជីវិតផុតទុក្ខ ហើយមានអាយុវែង។
#លែង ខ្ចៅ ខ្យង៖ ជួយបញ្ចប់ជីវិតដ៏ជូរចត់ ហើយត្រលប់មកបានជីវិតដ៏រីករាយវិញ។
#លែងអន្ទង់៖ ជួយឱ្យជីវិតគ្រប់ផ្នែកមានភាពរលូន ទាំងហិរញ្ញវត្ថុ និងការងារផ្សេងៗ។
#លែងត្រីអណ្តែង ៖ ដើម្បីឈ្នះអស់មារសត្រូវ និងកម្ចាត់គូសត្រូវ។
#លែងកន្ធាយ ៖ សម្រាប់អ្នកពិការរភាព វានឹងធ្វើឲ្យអ្នកខ្វិនមានជីវិតប្រសើរឡើង។
#លែងកង្កែប ៖ ឧទ្ទិសដល់សប្បុរសធម៌ និងអំពើល្អឱ្យហុចផលល្អមកវិញ ។
យ៉ាងណាមិញ នៅខាងលើទាំងអស់ គ្រាន់តែជាជំនឿផ្ទាល់ខ្លួនតែប៉ុណ្ណោះ អាចយកមកពិចារណាតាមការគួរបាន៕