សាកសពមុនសម័យ Incan ត្រូវបានរកឃើញនៅក្នុងប្រទេសប៉េរូ ហើយត្រូវបានគេសន្មត់ថាមានអាយុចន្លោះពី 800 ទៅ 1,200 ឆ្នាំ ត្រូវបានដាក់តាំងបង្ហាញក្នុងសប្តាហ៍នេះ។
សាកសពត្រូវបានដាក់តាំងបង្ហាញនៅសាកលវិទ្យាល័យ San Marcos ក្នុងទីក្រុង Lima បន្ទាប់ពីអ្នកបុរាណវិទូបានរាយការណ៍ថាបានរកឃើញសាកសពនៅក្នុងផ្នូរក្រោមដីមួយកាលពីខែវិច្ឆិកា។
សាកសពដែលត្រូវបានចងភ្ជាប់ដោយខ្សែពួរ និងដៃគ្របមុខ ត្រូវបានគេរកឃើញនៅខាងក្រោមដីមួយកន្លែងនៅខាងក្រៅទីក្រុងលីម៉ា រួមជាមួយសេរ៉ាមិច សំណល់បន្លែ និងឧបករណ៍ធ្វើពីថ្ម។
បច្ចុប្បន្ននេះ ខាងសាកលវិទ្យាល័យកំពុងដាក់សាកសពម៉ាំមី និងយ៉ាងហោចណាស់សំណល់សាកសពទាយកពីរនាក់ និងវត្ថុដែលបានរកឃើញនៅក្នុងផ្នូរបុរាណ ខណៈពេលដែលអ្នកស្រាវជ្រាវរបស់ខ្លួនកំពុងធ្វើការវិភាគទៅលើសាកសពទាំងនេះ។
លោក Pieter Van Dalen Luna អ្នកបុរាណវិទ្យាដែលទទួលបន្ទុកគម្រោងនេះបាននិយាយថា “ថ្ងៃនេះនៅសាកលវិទ្យាល័យ National Major of San Marcos ក្នុងទីក្រុង Lima បានបង្ហាញពីរបកគំហើញខាងបុរាណវត្ថុពីការស្រាវជ្រាវដែលបានធ្វើឡើងនៅ Cajamarquilla ក្នុងឆ្នាំ 2021″។
“អ្វីដែលសំខាន់បំផុតគឺម៉ាំមី ដែលជាព័ត៌មានដែលបានធ្វើដំណើរជុំវិញពិភពលោក ដែលបច្ចុប្បន្នកំពុងត្រូវបានវិភាគ។”
ប្រទេសប៉េរូ ដែលជាកន្លែងប្រវត្តិសាស្រ្ត Machu Picchu មានកន្លែងបុរាណវត្ថុរាប់រយពីវប្បធម៌ដែលបានអភិវឌ្ឍមុន និងក្រោយចក្រភព Inca ដែលគ្រប់គ្រងផ្នែកខាងត្បូងនៃអាមេរិកខាងត្បូងកាលពី 500 ឆ្នាំមុន៕
ប្រភព៖ Metro