ក្របខ័ណ្ឌ A-League របស់អូស្រ្តាលីបានប្រកាសពីការចុះហត្ថលេខាជាមួយក្រុមហ៊ុន Isuzu UTE Australia (IUA) ជាដៃគូម្ចាស់ឧបត្តម្ភឈ្មោះលីគបាល់ទាត់កំពូលអូស្រ្តាលីដែលប្ដូរទៅជាឈ្មោះថ្មី‘Isuzu UTE A-League Men’។
ភាពជាដៃគូនេះមានសុពលភាពរយៈពេល ៣ ឆ្នាំគឺជាព្រឹត្តិការណ៍ចុងក្រោយបង្អស់នៅក្នុងយុទ្ធសាស្ត្រអភិវឌ្ឍន៍ពាណិជ្ជកម្មប្រកបដោយមហិច្ឆតារបស់ A- League។ចាប់ផ្តើមពីរដូវកាលខាងមុខនេះ (២០២១-២២) ភាពជាដៃគូនេះក៏រួមបញ្ចូលទាំងការដាក់ឈ្មោះសិទ្ធិនៃពានរង្វាន់ A-League Men’s Finals Series និងក្លាយជាដៃគូផ្លូវការរបស់លីគកំពូលផ្នែកបុរស លីគនារី និងលីគយុវជន ព្រមទាំងលីគ E-Sports ផងដែរ។
A- Leagueថ្មីដែលបង្កើតឡើងនៅឆ្នាំ ២០២១ មានការទទួលខុសត្រូវចំពោះប្រតិបត្តិការ ការធ្វើពាណិជ្ជកម្ម និងការធ្វើទីផ្សារបាល់ទាត់អាជីពនៅអូស្រ្តាលី រួមទាំងលីគកំពូលផ្នែកបុរស លីគនារី និងលីគយុវជន ព្រមទាំងលីគ E-Sports ផងដែរ។