អតីតកីឡាករជម្រើសជាតិម៉ាឡេស៊ីលោក Serbegeth Singh ឬដែលគេស្គាល់ថាជា ‘Shebby Singh’ គិតថាវាដល់ពេលហើយសម្រាប់ក្រុមជម្រើសជាតិខ្លាម៉ាឡេស៊ី ដែឺលលោកដែលដឹកនាំដោយលោក Tan Cheng-Hoe ផ្លាស់ប្តូរទម្រង់លេងពី ៤-៣-៣ មក ៣-៤-៣ ដើម្បីប្រឈមមុខជាមួយគូប្រកួតក្នុងពានរង្វាន់ AFF Suzuki Cup 2020 ដែលលេងនៅសិង្ហបុរីនៅខែធ្នូខាងមុខនេះ។
យោងតាមរូបគាត់! ទម្រង់ ៣-៤-៣ គឺសមស្របជាងក្នុងការប្រើប្រាស់ ព្រោះវាអាចជួយពង្រឹងជញ្ជាំងការពារដែលងាយនឹងលេចធ្លាយគ្រប់ពេលលេងទល់នឹងក្រុមខ្លាំង។ ការបង្កើតនេះអនុញ្ញាតឱ្យខ្សែបម្រើការពារស្លាបទាំងពីរចុះទៅបង្កើតខ្សែការពារ ៥ នាក់។
Shebby បានផ្តល់មតិដោយផ្អែកលើការបង្ហាញទម្រង់លេងរបស់ក្រុមជម្រើសជាតិម៉ាឡេស៊ីក្នុងការប្រកួតមិត្តភាពអន្តរជាតិនៅពេលដែលពួកគេចាញ់ហ្សកដានី ០-៤ និងអ៊ូសបេគីស្ថាន ១-៥ កាលពីសប្តាហ៍មុន។
“យើងមានបញ្ហាធំនៅខ្សែការពារកណ្តាល ព្រោះមិនមានការយល់ដឹងនិងភាពស៊ីចង្វាក់គ្នារវាងប្រធានក្រុម Mohamad Aidil Zafuan Abd Radzak និង Muhammad Irfan Zakaria ។ យើងបានឃើញ Adam Nor Azlim និង Shahrul Mohd Saad ពីមុន ដូច្នេះខ្ញុំសង្ឃឹមថានឹងឃើញ Dion-Johan Cools បង្ហាញខ្លួននៅសិង្ហបុរីនៅពេលក្រោយ” ។
បន្ថែមពីលើDion លោក ‘Shebby Singh’ បាននិយាយថា កីឡាករពីរនាក់បន្ថែមទៀតគឺ Rodney Celvin Akwensivie និង D Kenny Pallraj មានសក្តានុពលក្នុងការបំពេញចន្លោះប្រហោងនៃតំបន់ការពាររបស់ជម្រើសជាតិ។
គាត់បាននិយាយថា Matthew Davies សម្រាប់ខ្សែការពារស្តាំ និង La’Vere Lawrence Corbin-Ong សម្រាប់ខ្សែការពារឆ្វេង ដោយកីឡាករទាំងពីរអាចដើរតួជាខ្សែបម្រើការពារស្លាប ខណៈដែល Baddrol Bakhtiar និង Muhammad Akhram Mahinan លេងក្នុងតំបន់កណ្ដាល។
ចំណែកតំបន់ប្រយុទ្ធខាងលើគឺ Muhammad Safawi Rasid នៅស្លាបស្ដាំ Mohamad Faisal Abdul Halimលេងនៅស្លាបឆ្វេង ហើយកីឡាករ Luqman Hakim Shamsudin ដែលលេងនៅក្លិបបែលហ្សិក KV Kortrijk គួរតែជាខ្សែប្រយុទ្ធកណ្ដាល៕
