Eduardo Camavinga ត្រូវបានបង្ហាញជាផ្លូវការជាកីឡាករថ្មីរបស់ក្រុម Real Madrid ដោយមានការចូលរួមទទួលស្គាល់ពីប្រធានក្លឹបលោក Florentino Perez នៅល្ងាចថ្ងៃអង្គារនេះ។
នៅក្នុងពិធីធ្វើបទបង្ហាញមួយលោក Perez បានកោតសរសើរយុវជនបារាំងរូបនេះថា ជាអនាគតរបស់ក្លឹប និងបាននិយាយថារូបគេនឹងមានអនាគតភ្លឺស្វាងនៅម៉ាឌ្រីដ។
Eduardo Camavinga បានថ្លែងសុន្ទរកថាខ្លីប៉ុន្តែប្រកបដោយភាំពផ្អែមល្ហែមដោយថា៖“ អរុណសួស្តីអ្នករាល់គ្នា! ខ្ញុំសប្បាយចិត្តដែលបានមកទីនេះ ដោយមានមោទនភាពក្នុងការមកចូលរួមទីនេះ ។ ខ្ញុំចង់អរគុណលោកប្រធានក្លិបដែលជឿជាក់លើខ្ញុំ។ ប្រសិនបើមាននរណាម្នាក់ប្រាប់ខ្ញុំកាលពីប៉ុន្មានឆ្នាំមុនថា ខ្ញុំនឹងនៅទីនេះ ខ្ញុំនឹងមិនជឿទេ។ ហាឡាម៉ាឌ្រីត!”។
👕 #WelcomeCamavinga pic.twitter.com/6WCKJBawt8
— Real Madrid C.F. 🇬🇧🇺🇸 (@realmadriden) September 8, 2021
ខ្សែបម្រើសញ្ជាតិបារាំងរូបនេះក៏បានថតរូបជាមួយលោក Perez សម្រាប់រូបភាពជាមួយនឹងអាវលេខ ២៥ ថ្មីរបស់គាត់នៅក្នុងដៃផងដែរ។
