បច្ចុប្បន្នការប្រកួតប្រជែងខាងទីផ្សារស្មាតហ្វូត បានក្លាយជានិន្នាការមួយដែលធ្វើឲ្យបច្ចេកវិទ្យាស្មាតហ្វូតវិវឌ្ឍន៍យ៉ាងលឿន កាន់តែងាយស្រួលប្រើ និងមានតំលៃកាន់តែថោក ក្នុងនោះមានក្រុមហ៊ុនធំៗចំនួនពីរកំពុងប្រកួតប្រជែងគ្នា គឺ Apple និង Samsung។
ស្មាតហ្វូនស៊េរីថ្មីបំផុតរបស់ក្រុមហ៊ុនទាំងពីរគឺ iPhone 12 និង Galaxy S21 រចនាឡើងពហុផ្នែកខាងក្រោយដ៏អស្ចារ្យ ម៉ាស៊ីនដំណើរការដ៏មានអានុភាព រួមទាំងភ្ជាប់មកជាមួយនូវបច្ចេកវិទ្យា 5Gទៀតផង។
ប៉ុន្តែវាមិនមែនជាម៉ាកតែមួយគត់ដែលយើងត្រូវពិចារណានោះទេ មានក្រុមហ៊ុកដទៃទៀតដូចជា OnePlus, Motorola និង Google Pixel ដែលផ្តល់ជូននូវលក្ខណៈពិសេសល្អៗ ក្នុងតម្លៃថោកផងដែរ។
ការប្រកួតប្រជែងរបស់ក្រុមហ៊ុនទាំងនោះ ផ្តល់ឱ្យយើងនូវជម្រើសដ៏ល្អក្នុងការជ្រើសរើសពីគុណភាព និងតម្លៃ ភ្ជាប់មកជាមួយនឹងបច្ចេកវិទ្យា 5G ដែលមានតម្លៃទាប។
ដើម្បីជួយដល់ការសំរេចចិត្តរបស់អ្នក គេហទំព័រ Knongsrok សូមលើកយកនូវទូរស័ព្ទស្មាតហ្វូនដែលពេញនិយម និងលក់ដាច់បំផុតសំរាប់ឆ្នាំ ២០២១។
១. កំពូទូរស័ព្ទល្អបំផុត
– Apple iPhone 12 Pro Max
ទូរស័ព្ទ iPhone 12 Pro Max គឺជាទូរស័ព្ទល្អបំផុតរបស់ក្រុមហ៊ុន Apple ហើយវាទទួលបានពិន្ទុខ្ពស់ទាំងល្បឿន គុណភាព ធន់ និងកាមេរ៉ាល្អបំផុត។ ស្មាតហ្វូននេះបំពាក់នូវបន្ទះឈីប A14 Bionic ល្បឿនលឿន និងមានកាមេរ៉ាល្អបំផុត ភ្ជាប់មកជាមួយនូវបច្ចេកវិទ្យា 5G។ បន្ថែមលើកញ្ចក់អេក្រង់ដ៏ស្រស់ស្អាត និងការរចនារប្រកបដោយភាពទាក់ទាញ ដែលអាចចាត់ទុកថា 12 Pro Max ជាទូរស័ព្ទដែលលេចធ្លោជាងគេនៅឆ្នាំ២០២១ នេះ។
២. កំពូលស្មាតហ្វូនដំណើរការដោយប្រព័ន្ធប្រតិបត្តិការ Android
– Samsung Galaxy S21
ថ្វីបើ Galaxy S21 ទទួលបានពន្ទុទាបជាង iPhone 12 Pro Max មានតម្លៃថោកជាង ប៉ុន្តែវាជាត្រកូលស្មាតហ្វូនជំនាន់ចុងក្រោយរបស់ក្រុមហ៊ុន Samsung ហើយវាបានក្លាយជាកំពូលស្មាតហ្វូនខាង ប្រតិបត្តិការ Android ដោយបំពាក់មកនូវបន្ទះឈីប Qualcomm Snapdragon 888 ថ្មី និងភ្ជាប់មកជាមួយនូវបច្ចេកវិទ្យា 5G។
៣. ទូរស័ព្ទបច្ចេកវិទ្យា5G ដែលមានតំលៃសមរម្យ
– Google Pixel 4A 5G
ប្រសិនបើអ្នកចង់បានទូរស័ព្ទ 5G ដែលមិនថ្លៃពេក គឺ Google Pixel 4A 5G ជាទូរស័ព្ទកំពុងទទួលបានការចាប់អារម្មណ៍ខ្លាំងផងដែរ។ ស្មាតហ្វូននេះមានថាមពលថ្មខ្លាំង កាមេរ៉ាថតបានល្អឥតខ្ចោះ និងមាន refresh rate រហូតដល់ 90Hz។
៤. ទូរស័ព្ទស្មាតហ្វូនល្បឿនលឿនតែមានតម្លៃថោក
– OnePlus 9
ជាមួយនឹងប្រព័ន្ធដំណើរការសាកថ្ម ថាមពលថ្មធំ និងកាមេរ៉ាខាងក្រោយថតរូបបានយ៉ាងល្អឥតខ្ចោះ ស្មាតហ្វូន OnePlus 9 គឺជាទូរស័ព្ទ Android ដែលមានរាងស្អាតបំផុត និងមានតម្លៃសមរម្យ ធ្វើឱ្យទូរស័ព្ទនេះជាជម្រើសដែលមានតម្លៃសមរម្យជាង Apple ឬ Samsung ។
៥. ទូរស័ព្ទសំរាប់អ្នកមានថវិកាតិច
– Apple iPhone SE
ជាមួយតំលៃថោកបំផុត ទូរស័ព្ទ iPhone SE ស៊េរីឆ្នាំ ២០២០ គឺជាទូរស័ព្ទថវិកាដ៏ល្អបំផុតដែលអ្នកអាចគិតគូប្រសិនបើអ្នកមានថវិការកំណត់។ ជាមួយនឹងបន្ទះឈីបA13 (ដូចគ្នានឹង iPhone 11) និងកាមេរ៉ាដ៏អស្ចារ្យ iPhone SE គឺមានថាមពលខ្លាំងជាង។
៥. ទូរស័ព្ទកាមេរ៉ាល្អបំផុត
– Google Pixel 4A
ទូរស័ព្ទដែលមានតម្លៃថោក Pixel 4A មានកាមេរ៉ាលំដាប់ខ្ពស់ដែលថតរូបភាពបានយ៉ាងស្អាតបំផុ ហើយមានតម្លៃថោកទៀតផង។
