សុខ សុវណ្ណនិត្យ

យើងតែងតែគេងបើកកង្ហារស្ទើររាល់យប់នៅរដូវក្តៅដើម្បីកាត់បន្ថយកំដៅ និងឲ្យគេងលក់ស្រួល។ ប៉ុន្តែជាមួយនឹងខ្យល់ត្រជាក់របស់កង្ហារ និងការគេងស្រួលនោះ កង្ហារអាចផ្តល់ឱ្យអ្នកនូវផលលំបាកជាច្រើន។ គេងបើកកង្ហាររាល់យប់អាចបណ្តាលឱ្យអ្នកមានបញ្ហាសុខភាពជាច្រើន។ ដូច្នេះប្រសិនបើអ្នកជាមនុស្សម្នាក់ក្នុងចំនោមអ្នកដែលគេងបើកកង្ហារនៅពេលយប់ អ្នកគួរតែត្រូវដឹងពីគុណវិបត្តិរបស់វាផងដែរ។   នៅពេលដែលកង្ហារវិលនៅក្នុងបន្ទប់ វាបណ្តាលឱ្យភាគល្អិតនៃធូលីចូលក្នុងច្រមុះរបស់អ្នក ដែលអាចបណ្តាលឱ្យអ្នកមានបញ្ហាសុខភាព។ ជាពិសេសប្រសិនបើអ្នកមានជំងឺហឺត ឬអាឡែស៊ីទៅនឹងធូលី វាអាចធ្វើឱ្យខ្លួនអ្នកឈឺជាក់ជាមិនខាន។   មិនត្រឹមតែអាឡែស៊ីទេ បញ្ហាផ្សេងៗទៀត គឺកង្ហារអាចបណ្តាលឱ្យស្បែកស្ងួត។ ខ្យល់ត្រជាក់អាចមានអារម្មណ៍ស្រួល និងធ្វើឱ្យអ្នកគេងបានល្អ ប៉ុន្តែវាធ្វើឱ្យស្បែកស្ងួតផងដែរ។ ដូចគ្នានេះផងដែរប្រសិនបើអ្នកបើកកង្ហារដាក់ត្រូវភ្នែកក្នុងអំឡុងពេលគេង វាអាចបណ្តាលឱ្យភ្នែកស្ងួត និងមានការរលាកកែវភ្នែកផងដែរ។ បញ្ហាមួយទៀត គឺកង្ហារអាចបណ្តាលឱ្យមានការរលាកសាច់ដុំដែលនាំអោយមានការផលិតជាតិរំអិលលើសក្នុងសាច់ដុំ។ ជាលទ្ធផលអ្នកអាចឈឺក្បាលធ្ងន់ធ្ងរ និងឈឺចាប់សាច់ដុំ។   ប៉ុន្តែកង្ហារក៏មានផលល្អជាច្រើនផងដែរ។ កង្ហារផ្តល់ឱ្យអ្នកនូវការគេងបានស្រួលនៅពេលយប់…

ការស្រាវជ្រាវបានរកឃើញថា កុមារដែលឪពុកម្តាយមិនសូវយកចិត្តទុកដាក់ និងមិនសូវលេងជាមួយកូនៗពេលនៅពីតូច មានផលប៉ះពាល់មិនល្អ ដោយបង្ហាញថាកុមារដែលយល់ថាខ្លួនជាមនុស្សដែលគេចូលចិត្តតិច ទំនងជាប្រើថ្នាំញៀន និងប្រើបារីនៅក្នុងវ័យជំទង់។ ហើយនេះជាការពិតនៅពេលដែលគ្រួសារ ពិសេសឪពុកម្តាយ មិនមានភាពជិតស្និទ្ធខ្លាំងជាមួយកូនៗ។ វេជ្ជបណ្ឌិត Shelly Vaziri Flais គិលានុបដ្ឋាយិកា និងជាម្តាយមានកូនបួននាក់បានពន្យល់បញ្ហានោះគឺថា កុមារដែលឪពុកម្តាយមិនសូវយកចិត្តទុកដាក់ អាចប៉ះពាល់យ៉ាងខ្លាំងទៅលើការគិតរបស់កុមារ។ គាត់បានបន្ថែមថា ខ្ញុំគិតថាក្មេងៗដែលយល់ថាពួកគេមិនសូវត្រូវគេយកចិត្តទុកដាក់នឹងធ្វើសកម្មភាពមិនល្អ ជាពិសេសនៅពេលពួកគេចូលក្នុងវ័យជំទង់។ វាមិនមែនគ្រាន់តែអំពីទំនាក់ទំនងរវាងឪពុកម្តាយនិងកូនៗ នោះទេ។ ទំនាក់ទំនងរវាងបងប្អូនបង្កើតក៏អាចមានផលប៉ះពាល់ផងដែរ។

ក្មេងៗជំទង់នាពេលបច្ចុប្បន្ននេះកំពុងពេញនិយមប្រើបណ្តាញសង្គមថ្មីដ៏ស្មុគស្មាញលើអ៊ីនធឺណិត ហើយក្នុងនោះក៏មានការថតរូប Selfies ផងដែរ។ ស្ទើរតែគ្រប់ក្មេងជំទង់ទាំងអស់បាន និងកំពុងតែបន្តថតរូប Selfies ហើយបង្ហោះតាមអ៊ីនធឺណិត ជាពិសេសបណ្តាញសង្គមនានា។ សម្រាប់យុវវ័យជាច្រើនប្រព័ន្ធផ្សព្វផ្សាយសង្គម គឺជាវិធីមួយដើម្បីរក្សាទំនាក់ទំនង និងបង្ហាញពីខ្លួនឯងហើយការបង្ហោះរូបភាពខ្លួនឯង គឺជាផ្នែកដ៏ធំមួយ។ យោងតាមការស្រាវជ្រាវថ្មីមួយដែលត្រូវបានចេញផ្សាយនៅក្នុងកាសែត Journal of Early Adolescence ក្មេងជំទង់ដែលបង្ហោះរូបថតខ្លួនឯងច្រើននៅលើអ៊ីនធឺណែត ហាក់ដូចជាមានការប៉ះពាល់ដល់សតិអារម្មណ៍កាន់តែច្រើនអំពីរូបរាងរបស់ពួកគេ ហើយការប៉ះពាល់ដល់សតិអារម្មណ៍ត្រូវបានផ្សារភ្ជាប់ទៅនឹងការកើនឡើងហានិភ័យនៃរូបភាពរាងកាយអវិជ្ជមាន។ យោងតាមលោក Nancy S. Molitor បណ្ឌិតសាស្ត្រាចារ្យរងខាងផ្នែកចិត្តសាស្ត្ រនិងវិទ្យាសាស្ត្រអាកប្បកិរិយានៅសាកលវិទ្យាល័យ Northwestern University ក្នុងទីក្រុង Evanston រដ្ឋអ៊ីលីណយបានពន្យល់ថា៖…

អ្នកប្រហែលជាធ្លាប់ដឹងថាអ្នកគួរផឹកទឹកច្រើនរាល់ថ្ងៃ ប៉ុន្ដែតើអ្នកដឹងហេតុអ្វី? វាជាការពិតដែលអ្នកមិនអាចរស់នៅបានដោយគ្មានទឹកផឹកទេ។ ប៉ុន្តែការរក្សាជាតិទឹកល្អក៏មានសារៈសំខាន់ផងដែរសម្រាប់សុខភាពទូទៅ និងសុខុមាលភាពប្រចាំថ្ងៃ។ អត្ថបទនេះនឹងផ្តល់ឱ្យអ្នកនូវអត្ថប្រយោជន៍ដែលផ្អែកលើវិទ្យាសាស្រ្ត។ នៅចុងបញ្ចប់នៃអត្ថបទនេះអ្នកនឹងរៀនពីហេតុផលដ៏ល្អដើម្បីរក្សាជាតិសំណើមក្នុងខ្លួន។ តម្លៃអាហារូបត្ថម្ភរបស់ទឹក នៅក្នុងលក្ខខណ្ឌនៃអាហាររូបត្ថម្ភទឹកធម្មតាមិនមានកាឡូរីទេ នេះគ្រាន់តែជាហេតុផលដ៏សំខាន់ក្នុងការប្រើប្រាស់វាបន្ថែមទៀត។ ទឹកមិនមែនជាប្រភពនៃកាបូអ៊ីដ្រាតប្រូតេអ៊ីន ឬជាតិខ្លាញ់នោះទេ។ មុខងារតែមួយគត់របស់វាគឺដើម្បីផ្តល់ជាតិទឹកឱ្យអ្នក ហើយអ្នកអាចផឹកទឹកឱ្យបានច្រើនដោយមិនបារម្ភអំពីការឡើងទម្ងន់នោះទេ។ អត្ថប្រយោជន៍ទាំង៥ របស់ទឹក ទឹកមានអត្ថប្រយោជន៍ជាច្រើនសម្រាប់សុខភាព។ ១. ទឹកអាចជួយឱ្យអ្នកទទួលបានលទ្ធផលខ្ពស់បំផុត កាយអាចរងគ្រោះប្រសិនបើអ្នកមិនផឹកទឹកឱ្យបានគ្រប់គ្រាន់។ ជាការពិតរាងកាយមនុស្សអាចរងផលប៉ះពាល់យ៉ាងធ្ងន់ធ្ងរ ប្រសិនបើបាត់បង់ទឹក តិចជាង២% នៅក្នុងខ្លួន។ នេះអាចជាការអស់កម្លាំង ដូចជាបាត់បង់មុខងារត្រួតពិនិត្យសីតុណ្ហភាពរាងកាយ ពិបាកផ្តោតអារម្មណ៍ និងការធ្វើលំហាត់ប្រាណតិចនឹងមានការលំបាកច្រើនទាំងផ្លូវចិត្ត និងរាងកាយ។ ម៉្យាងវិញទៀតការសិក្សាបានបង្ហាញថាកម្រិតជាតិទឹក មិនត្រឹមតែជួយទប់ស្កាត់មិនឱ្យកើតមានបញ្ហាខាងលើប៉ុណ្ណោះទេ តែថែមទាំងអាចកាត់បន្ថយភាពតានតឹងផងដែរ។…

ទឹកឃ្មុំជាឱសថមាសរបស់ធម្មជាតិ។ គ្រូពេទ្យបុរាណជនជាតិអឺរ៉ុបជាច្រើនបានផ្តល់យោបល់ឱ្យផឹកទឹកដោះគោ ជាមួយទឹកឃ្មុំមួយស្លាបព្រា ដើម្បីធានាឲ្យគេងឱ្យបានល្អ។ គ្រូពេទ្យបុរាណម៉ិកស៊ិក ក៏ជាអ្នកចេញវេជ្ជបញ្ជាឱ្យតែផឹកទឹកតែជាមួយទឹកឃ្មុំមួយស្លាបព្រាកាហ្វេ មុនពេលចូលគេង ហើយប្រជាជនចិនបុរាណ ក៏ញ៉ាំទឹកឃ្មុំរៀងរាល់យប់ ផងដែរ។ ខាងក្រោមនេះគឺជាឧទាហរណ៏សំខាន់ៗមួយចំនួន ដែលអ្នកគួរញ៉ាំទឹកឃ្មុំរៀងរាល់យប់មុនពេលគេង។ ១. អ្នកនឹងគេងបានប្រសើរជាងមុន ទឹកឃ្មុំ ត្រូវបានគេផ្ដល់អនុសាសន៍ឱ្យបរិភោគមុនពេលចូលគេង! ទឹកឃ្មុំជំនួយថ្លើមអោយមានសុខភាពល្អ និងធ្វើឲ្យវាផលិតបរិមាណត្រឹមត្រូវនៃ glycogen នៅពេលយប់។ ទឹកឃ្មុំក៏ជួយខួរក្បាលដោយបង្កើនកម្រិតអាំងស៊ុយលីនដែលបញ្ចេញ tryptophan ទៅក្នុងខួរក្បាល។ Tryptophan ត្រូវបានបម្លែងទៅជា serotonin ដែលបន្ទាប់មកបង្កើតបានជា melatonin។ មនុស្សជាច្រើនហៅ Melatonin ថាជាអ័រម៉ូនល្អពីព្រោះវាជួយពង្រឹងប្រព័ន្ធភាពស៊ាំនិងបង្កើតជាលិកាឡើងវិញអំឡុងពេលសម្រាក។ មិនត្រឹមតែ…

តើអ្នកតែងតែភ្លេចរឿងអ្វីមួយដែរឬ? អ្វីៗដូចជាថ្ងៃខែឆ្នាំកំណើត ឈ្មោះមិត្តភក្ដិ ព្រឹត្ដិការណ៍កន្លងមកជាដើម ប៉ុន្តែគ្មានហេតុផលណាមួយត្រូវព្រួយបារម្មណ៍ពីបញ្ហានេះទេ ព្រោះការស្រាវជ្រាវថ្មីៗបានរកឃើញថា មនុស្សដែលពូកែភ្លេចមានភាពឆ្លាតវៃជាងអ្នកដទៃ។ ជាទូទៅវាត្រូវបានគេចាត់ទុកថាការភ្លេចភ្លាំងវិវត្ដពីការយល់ដឹងខ្ពស់។ ខួរក្បាលរបស់យើងមានសមត្ថភាពផ្សេងៗគ្នា។ ជាឧទាហរណ៍អ្នកខ្លះមានសមត្ថភាពចងចាំរឿងរ៉ាវផ្សេង ខណៈអ្នកផ្សេងទៀតមានសមត្ថភាពក្នុងការដោះស្រាយបញ្ហាគណិតវិទ្យា រៀនភាសាបរទេស។ ល។ ទោះជាយ៉ាងណាយើងជាមនុស្ស ហើយវាមិនងាយស្រួលក្នុងការចងចាំព័ត៌មានលម្អិត ជាពិសេសគ្រប់រឿងដែលកើតឡើងនៅអតីតកាលនោះទេ។ ក្រុមអ្នកស្រាវជ្រាវមកពីតូរ៉ុនតូ បាននិយាយថាការបំភ្លេចអ្វីមួយ គឺជាការបង្កើនការចាំអ្វីមួយផ្សេងទៀតដើម្បីចងចាំរឿងដែលចាំបាច់។ យោងតាមក្រុមអ្នកស្រាវជ្រាវបានឱ្យដឹងថាខួរក្បាលរបស់យើងភ្លេចពីអ្វីដែលបានកើតឡើងពីអតីតកាល ពីព្រោះព្រឹត្តិការណ៍ទាំងនេះត្រូវបានគ្របដណ្តប់ដោយព្រឹត្តិការណ៍ ដែលកើតឡើងនាពេលបច្ចុប្បន្ននេះ។ វានឹងធ្វើឲ្យងាយស្រួលក្នុងការបំភ្លេចព្រឹត្តិការណ៍មួយជាងការចងចាំ។ វាត្រូវបានគេអះអាងថាការចងចាំដ៏ល្អឥតខ្ចោះ និងភាពវ័យឆ្លាតខ្ពស់មិនត្រូវបានទាក់ទងគ្នាក្នុងរបៀបណាមួយឡើយ មានន័យថាប្រសិនបើមនុស្សម្នាក់មានការចងចាំដ៏ល្អឥតខ្ចោះ មិនមានន័យថាគាត់មានភាពវៃឆ្លាតខ្លាំងនោះទេ។ មានន័យថាមានមនុស្សដែលទន្ទេញចាំនូវព័ត៌មានលម្អិត ប៉ុន្តែងាយនឹងបំភ្លេចរឿងតូចៗ។ តើខួរក្បាលរបស់មនុស្សដំណើរការយ៉ាងដូចម្តេច? នៅក្នុងខួរក្បាលការចងចាំត្រូវបានរក្សាទុកនៅក្នុង hippocampus។…

គ្មាននរណាម្នាក់ចូលចិត្តមុននៅលើផ្ទៃមុខនោះទេ ហើយជាមូលហេតុដែលយើងព្យាយាមបំបាត់មុននៅពេលវាកើតនៅលើមុខរបស់ពួកយើង។ អ្នកអាចគិតថាអ្នកបានកម្ចាត់មុន ប៉ុន្តែវានឹងធ្វើឲ្យប៉ះពាល់ដល់ស្រទាប់ផ្ទៃមុខ។ នៅពេលអ្នកច្របាច់មុខវាអាចរុញចូលជ្រៅទៅក្នុងស្បែកមុខ រួមជាមួយជាតិខ្លាញ់ ក៏ផ្ទុកបាក់តេរីដែរ។ ហើយនៅពេលដែលអ្នកច្របាច់វា ការឆ្លងរោគក៏អាចធ្វើឱ្យវាកាន់តែមានពណ៌ក្រហមនិងហើម។ ការសង្កត់មុន ក៏អាចធ្វើឱ្យឲ្យមានស្លាកស្នាមជាអចិន្រ្តៃយ៍ផងដែរ។ ស្បែកដែលងាប់ត្រូវបានផ្លាស់ប្តូរថ្មី ប៉ុន្តែជួនកាលផ្នែកខ្លះនៃស្បែកដែលងាប់អាចប្រមូលផ្ដុំទៅជាខ្លាញ់ ហើយចាប់ផ្តើមផលិតជាតិខ្លាញ់ច្រើន។ ដូចគ្នានេះដែរជាតិខ្ទុះ ធ្វើឱ្យមានមានបាក់តេរី និងអាចបណ្តាលឱ្យមានការឆ្លងមេរោគ ដែលអាចបណ្តាលឱ្យកើតមុនផ្សេងទៀតផងដែរ។ មានវិធីសាស្រ្តជាច្រើនដែលអាចប្រើដើម្បីកម្ចាត់មុន។ ទោះជាយ៉ាងណាក៏ដោយ ការមានមុខមិនមានអ្វីធ្ងន់ធ្ងរទេ។ វាបាត់ទៅវិញដោយខ្លួនឯងលុះត្រាតែអ្នកអត់ធ្មត់មួយរយៈហើយកុំប៉ះពួកវាឲ្យសោះ។ ប៉ុន្តែប្រសិនបើអ្នកគិតថាវាកាន់តែធ្ងន់ធ្ងរ អ្នកអាចទៅជួបគ្រូពេទ្យ ហើយគាត់នឹងណែនាំអ្នកឱ្យបានត្រឹមត្រូវអំពីអ្វីដែលអ្នកគួរតែធ្វើ និងអ្វីដែលមិនគួរ៕