ទៅលេងខេត្តសៀមរាប ច្បាស់ណាស់មិនមែនមានកន្លែងកម្សាន្តតែប្រាសាទបុរាណតែប៉ុណ្ណោះទេ ដោយក្នុងនោះ ខេត្តសៀមរាបមានកន្លែងកម្សាន្តបែបធម្មជាតិកែច្នៃជាច្រើនកន្លែង។ ដោយថ្ងៃនេះ « ក្នុងស្រុក » សូមណែនាំរមណីយដ្ឋានបង្កើតថ្មីមួយកន្លែងទៀតហើយលើទឹកដីដ៏ល្អពិសេសនេះ នោះគឺ « រមណីយដ្ឋាន ម្លប់ក្រូចម៉ាឡេ »។
« រមណីយដ្ឋាន ម្លប់ក្រូចម៉ាឡេ » ជារមណីយដ្ឋានថ្មីដែលស្ថិតនៅជើងភ្នំហប់ ហុំព័ទ្ធជុំវិញទៅដោយទេសភាពខៀវស្រងាត់ អមជាមួយសួនផ្កាចំរុះពណ៌ដ៏ស្រស់បំព្រង ត្រជាក់ភ្នែក ត្រជាក់កាយ សប្បាយក្រោមដើមឫស្សីដ៏ស្រស់ស្អាត អង្គុយពិសារអាហារនៅផ្ទៃទឹក ឬកន្លែងដែលខ្ពស់ក៏បានព្រោះអាចមើលទេសភាពភ្នំជុំវិញខ្លួន ។
រមណីយដ្ឋាននេះផងដែរ ពោរពេញទៅដោយ បរិយាកាសមួយដ៏សែនមនោរម្យនារដូវវស្សា អមដោយព្រៃព្រឹក្សា គឺជាកន្លែងមួយក្នុងទឹកដីឃុនរាម នៃស្រុកបន្ទាយស្រី ដែលជាកន្លែងសម្រាកលម្ហែរកាយពីការនឿយហត់នៅក្នុងទីក្រុង មករំសាយនូវរាល់ទុក្ខកង្វល់ ជាមួយទិដ្ឋភាពស្រស់ស្រាយ បរិយាកាសល្អ ខ្យល់បរិសុទ្ធ ជួបជុំមិត្តភក្តិបងប្អូន គ្រួសារ ។ ហើយកាន់តែពិសេសរមណីយដ្ឋានមួយនេះ ក៏មានបម្រើម្ហូបអាហារឆ្ងាញ់ៗបែបស្រុកស្រែជនបទ មានឱជារសជាច្រើនមុខ ថែមទាំងមានតម្លៃសមរម្យទៀតផង។
គួរឱ្យដឹងផងដែរថា « រមណីយដ្ឋាន ម្លប់ក្រូចម៉ាឡេ » មានទីតាំងនៅ ឃុំឃុនរាម ស្រុកបន្ទាយស្រី ខេត្តសៀមរាប អាចរកបានតាម
Google Map: https://goo.gl/maps/XCQtcTeo1Y9P38Sp7 ឬអាចទំនាក់ទំនងម្ចាស់កន្លែងបានតាមរយៈលេខទូរស័ព្ទ 077 906 237 / 097 271 6949 ៕
ប្រភពរូបភាព៖ ទៅលេងបន្ទាយស្រី
