ពីមួយថ្ងៃទៅមួយថ្ងៃ អ្នកអង្គម្ចាស់ សែរាជវង្ស ព្រះនាងតូច នរោត្តម ជេនណា កាន់តែវិវឌ្ឍន៍ទៅៗ ទាំងរូបរាង រូបសម្រស់ ជាពិសេសគឺសមត្ថភាពនៅក្នុងសិល្បៈគ្រប់ទម្រង់ ទាំង ច្រៀង រាំរបាំបុរាណ ចង្វាក់បទបរទេស និងសមត្ថភាពសម្តែងបានយ៉ាងស័ក្តិសមឥតខ្ចោះនៅក្នុងខ្សែភាពយន្តភាគជាបន្តបន្ទាប់ រហូតទទួលបានភាពល្បីល្បាញជាខ្លាំង។
ដោយសារតែទេពកោសល្យគ្រប់ទម្រង់បែបនេះហើយ បូករួមទាំងអត្តចរិតស្រគត់ស្រគុំគួរឱ្យស្រលាញ់ មានភាពជិតស្និទ្ធជាមួយអ្នកគាំទ្រ ដោយមិនប្រកាន់ថាជាសែរាជវង្សនោះ ព្រះនាងតូច នរោត្តម ជេនណា ទទួលបានការស្រលាញ់ចូលចិត្តជាខ្លាំងពីអ្នកគាំទ្រ ហើយព្រះនាងក៏មានការងារសិល្បៈយ៉ាងមមាញឹកទាំងការសម្តែង និងការថតរូបម៉ូតទៀតផង។
ហើយថ្មីៗនេះផងដែរ ព្រះនាងតូច នរោត្តម ជេនណា បានគ្រងឈុតប្រពៃណីខ្មែរមួយឈុតពណ៌ស្វាយយ៉ាងស្រស់ស្អាត គួរឱ្យស្រលាញ់ជាខ្លាំង ពោលគឺស្រស់ស្អាតដូចនារីពេញវ័យ រហូតអ្នកគាំទ្រលាន់មាត់មិនសរសើរមិនបាន។
គួរឱ្យដឹងថាផងដែរ រូបថតឈុតប្រពៃណីរបស់ព្រះនាងតូច នរោត្តម ជេនណា តុបតែងមុខដោយ Tata make up real ធ្វើសក់ដោយ ម៉ាដាម កល ឯងឈុតសំលៀកបំពាក់ និង រូបភាពបានមកពី Love Studio Cambodia ៕
រូបភាព៖ Love Studio Cambodia
