៦ផ្នែកលើរាងកាយមនុស្សស្រី អាចមើលទៅមិនស្អាតទេ តែជាចំណុចទាក់ទាញហុងស៊ុយ នាំសំណាងដល់ម្ចាស់យ៉ាងខ្លាំង

នារីដែលចំណុចខុសប្លែកទាំងនេះ មើលទៅមិនស្អាតឡើយ ហើយសូម្បីតែនាងខ្លួនឯង ក៏មិនពេញចិត្តនឹងចំណុចដែលកើតមានលើរាងកាយនាងដែរ ប៉ុន្តែមានមនុស្សតិចតួចទេដែលដឹងថា នេះជាចំណុចនៃ“ សំណាង” ដោយព្យាករណ៍ពីអនាគត ជួយឱ្យគាត់ក្លាយជាស្ត្រីជោគជ័យ ក្លាយជាអ្នកមាន និងជានារីដែលនាំសំណាងដល់ស្វាមីថែមទៀតផង។

១. មុខធំ និងមូល

មនុស្សស្រីជាច្រើនតែងតែប្រាថ្នាចង់មានផ្ទៃមុខស្រស់ស្អាត មានទម្រង់មុខ V ថ្ពាល់ខ្ពស់ ដែលមើលទៅមានភាពទាក់ទាញ គួរឱ្យស្រឡាញ់។ លើសពីនេះ គ្រប់គ្នាក៏តែងតែបង្អាប់ចំពោះមនុស្សស្រីតែមានមុខធំ ថ្ពាល់ប៉ោង ដែលមើលទៅដូចជាធាត់ណាស់ មិនស្អាតទេ។ តែគ្រប់គ្នាមិនដឹងទេថា មនុស្សស្រីដែលមានមុខធំ មូល គឺជាទម្រង់មុខដែលនាំហុងស៊ុយយ៉ាងខ្លាំងដល់ម្ចាស់។

ស្ត្រីជាច្រើនជឿថា ស្ត្រីត្រូវតែជាមានទម្រង់មុខជារាងពងក្រពើ មុខតូចទើបមានមន្តស្នេហ៍។ ប៉ុន្តែស្ត្រីដែលមានមុខរាងមូលច្រើនតែមានបុគ្គលិកលក្ខណៈស្មោះត្រង់ ឆ្លាត និងក្លាហាន ពួកគេថែមទាំងមានទេពកោសល្យច្រើនទៀតផង។ មនុស្សស្រីប្រភេទេនេះ ច្រើនតែទទួលបានជោគជ័យក្នុងជីវិតយ៉ាងធំធេង ព្រោះនាងជាមនុស្សដែលមានសំណាងពីកំណើត។

២. ច្រមុះខ្ទឹម / ច្រមុះនាគ

ច្រមុះតូចចង្អៀត និងខ្ទង់ច្រមុះខ្ពស់ត្រង់ គឺជាលក្ខណៈពិសេសដ៏ស្រស់ស្អាតពីទស្សនៈផ្នែកសោភណ្ឌទំនើប ខណៈអ្នកដែលមានច្រមុះធំ ស្លាបច្រមុះរីកនៅខាងក្រៅ គឺជាលក្ខណៈពិសេសយោងទៅតាមវិទូ។ ស្ត្រីជាច្រើននៅពេលដែលមានច្រមុះរីកធំ នាងតែងតែមានអារម្មណ៍មិនល្អចំពោះរូបរាងនេះឡើយ ព្រោះនាងគិតថាមិនស្អាត គួរឱ្យស្អប់។ ទោះយ៉ាងណា មុននឹងចង់ទៅកែកុនខ្ទង់ច្រមុះ បង្រួមឱ្យតូច ស្រួចស្អាត អ្នកត្រូវដឹងពីគុណសម្បត្តិរបស់ច្រមុះរីកធំជាមុនសិន។

ច្រមុះធំប្រហែលជាមើលទៅមិនស្អាតក៏ពិតមែន ប៉ុន្តែវាគឺជា “ដើមទុន” ដ៏ធំរបស់ទម្រង់មុខទាំងមូល ទាំងជួយទាក់ទាញទ្រព្យសម្បត្តិ ហើយក៏ជួយរក្សាទ្រព្យសម្បត្តិរបស់អ្នកផងដែរ។ ច្រមុះកាន់តែធំ ក្រាស់ និងរីកជាងមុន អាយុកាលកាន់តែយូរអាជីពកាន់តែរឹងមាំ កាជីវិតក៏រឹតតែមានភាពរីកចម្រើន និងរីករាយ។

ហើយជាពិសេស ប្រសិនបើច្រមុះធំជាងបបូរមាត់ខាងលើ វាពិតជាគួរឱ្យចាប់អារម្មណ៍ណាស់ វាជាទំនាញផ្នែកដីធ្លី អចលនទ្រព្យ។ លើសពីនេះទៅទៀត ស្ត្រីដែលមានទម្រង់ច្រមុះនេះត្រូវបានគេចាត់ទុកថាមានចរិតល្អ សម្ដីខ្លាំង មានអំណាច មានឆន្ទៈខ្ពស់ មានចរិតថ្លៃថ្នូរថែមទៀតផង។

៣. ជើង ឬភ្លៅធំ ត្រគាកធំ

បំណងប្រាថ្នារបស់ស្ត្រីជាច្រើន តែងតែប្រាថ្នាចង់បានជើងតូចស្រឡូន តាំងពីភ្លៅរហូតដល់ចុងជើង ព្រោះនាងយល់ថា ជើងបែបនេះ គឺពិតជាស្រស់ស្អាតណាស់។ ទោះយ៉ាងណាក៏ដោយ មិនមែនគ្រប់គ្នាសុទ្ធតែមានជើងវែងស្រស់ស្អាតបែបនេះទេ។

ជាទូទៅ ជើងធំ ភ្លៅធំ និងត្រគាកធំ គឺជាំសសរដ៏រឹងមាំសម្រាប់ស្ត្រី។ លើសពីនេះទៅទៀត ស្ត្រីដែលមានលក្ខណៈសម្បត្តិមួយនេះ ច្រើនតែមានអាយុកាលវែង ហើយអាចគ្រប់គ្រងរាល់កិច្ចការគ្រួសារបានយ៉ាងល្អ ដូច្នេះបើអ្នកមានប្រពន្ធមានភ្លៅធំកុំប្រញាប់រិះគន់នាងអី ព្រោះនេះជាចំណុចហុងស៊ុយដ៏ល្អរបស់នាង ដែលនឹងជួយយិតយោងស្វាមីថែមទៀតផង។

៤. ស្មាទៅនឹងម៉ាសសាច់ដុំ

អ្នកស្រាវជ្រាវខាងមនុស្សសាស្ត្រចង្អុលបង្ហាញថា ស្ត្រីដែលមានស្មាក្រាស់ គឺពូកែយកការងារពីឋានសួគ៌ដល់សមុទ្រ។ ពួកគេគឺជាអ្នកដែលរងទុក្ខច្រើន ពួកគេអាចរងទុក្ខលំបាករាប់មិនអស់ ប៉ុន្តែមនុស្សទាំងនេះ ដាច់ខាតមិនឱ្យអ្នកណាលំបាកជាមួយនាងឡើយ។ ក្នុងយុវវ័យពួកគេអាចជាការលំបាកខ្លាំងណាស់ ប៉ុន្តែនេះគឺជា “ការលំបាកដ៏រីករាយ” ពីព្រោះពួកគេដឹងថាការខិតខំប្រឹងប្រែង និងការតស៊ូទាំងប៉ុន្មាន នឹងជួយឱ្យពួកគេមានអនាគតល្អប្រសើរទៅថ្ងៃមុខ។

មែនហើយដោយសារភាពឧស្សាហ៍ព្យាយាម ការខិតខំរបស់ស្ត្រីទាំងនេះនាងរមែងទទួលបានលាភសំណាងជាច្រើន រួមទាំងលុយកាក់ ទ្រព្យសម្បត្តិ ក៏ដូជាគ្រួសារដ៏ពោរពេញដោយសុភមង្គលផងដែរ។

៥. ដៃធំ ម្រាមដៃខ្លីៗ

គេតែងនិយាយថាស្ត្រីដែលមានដៃតូច ម្រាមដៃវែងៗដូចបន្លាក្រូច និងស្គម គឺជាព្រះនាង ចំណែកស្ត្រីដែលមានដៃធំ ម្រាមដៃខ្លីច្រើនតែមានចរិតចចេសរឹងរូស។ នេះជាការពិត ប៉ុន្តែខ្វះទិដ្ឋភាពសំខាន់។ ស្ត្រីដែលមានដៃធំ និងម្រាមដៃខ្លី ពិបាកខ្លាំងណាស់ប៉ុន្តែបើនិយាយពីការរកលុយ និងការគ្រប់គ្រងគ្រួសារ គ្មាននរណាអាចប្រៀបធៀបជាមួយគេបានឡើយ។

ពួកគេមានឆន្ទៈ និងភាពរឹងមាំខ្លាំង ពួកគេជាមនុស្សមានការតស៊ូដើម្បីធំធាត់ និងក្លាយជាអ្នកមាន ហើយក៏ជាមនុស្សដែលតែងតែថែរក្សាក្រុមគ្រួសារ និងកូន ៗ របស់ពួកគេបានយ៉ាងល្អផងដែរ។ ស្ត្រីទាំងនេះ គឺជាមនុស្សដែលមានការខិតខំធ្វើការ ឆ្លាតវៃ ហើយភ័ស្តុភារនឹងមិនធ្វើបាបមនុស្សដែលខិតខំធ្វើការបែបនេះនាពេលអនាគតទេ។ “ថ្មប្រែទៅជាគុជខ្យង” លុយសម្ភារៈនឹងមកដល់ពួកគេមិនឈប់នាពេលអនាគតលើសពីនេះទៅទៀត ពួកគេមិនត្រឹមតែជាអ្នកមានប៉ុណ្ណោះទេ ប៉ុន្តែគ្រួសាររបស់ពួកគេក៏មានសេចក្តីរីករាយផងដែរ។

៦. ចិញ្ចើមមិនស៊ីមេទ្រី

ក្រឡេកមើលចិញ្ចើមមិនស្មើគ្នា មុខរបស់អ្នកបានបាត់បង់សម្រស់ពាក់កណ្តាលបាត់ទៅហើយ។ ប៉ុន្តែកុំសោកសៅ លក្ខណៈពិសេសនេះនាំមកនូវកេរ្តិ៍ឈ្មោះនៃសុភមង្គលដែលពោរពេញដោយភាពពេញលេញ។ ក្នុងជីវិតមិនត្រឹមតែជួបមនុស្សមានយសសក្តិប៉ុណ្ណោះទេ តែផ្លូវនៃសំណាងក៏មានភាពរីកចម្រើនផងដែរ ដោយទទួលបានជោគជ័យនៅលើផ្នែកប្រាក់កាស។

ប្រសិនបើរោមចិញ្ចើមប្រសព្វគ្នា ទ្រព្យសម្បត្តិនឹងរីកចម្រើនតាមពេលវេលា ឱកាសនៃភាពរុងរឿងមិនតិចទេ គ្រាន់តែទាមទារឱ្យអ្នកត្រូវខិតខំចាប់យកឱ្យសកម្មបំផុត ទើបអាចទទួលបានលុយកាក់ ទ្រព្យសម្បត្តិទាំងនោះ៕

ប្រភព ៖ Phunutoday / ប្រែសម្រួល ៖ Knongsrok