ប្រិយមិត្តមួយចំនួនប្រាកដជាបានជ្រាបខ្លះហើយជាមួយនឹងវត្តមានតារាចម្រៀងសម្លេងក្រអួន ពិរោះមុត លោក ហង្ស សុវណ្ណារិទ្ធ ដែលមានសំណាងបានឈានជើងចូលច្រកក្រោមទ្រនំ ផលិតកម្មទីក្រុងភាពយន្ត (Town Production) ដែលជាក្តីស្រមៃរបស់លោក តាំងពីយូរណាស់មកហើយ។
ហើយបទទីមួយរបស់លោក ហង្ស សុវណ្ណារិទ្ធិ ដែលបានចេញជាផ្លូវការនាថ្ងៃទី០៩ខែឧសភា ឆ្នាំ ២០២១ នៅក្នុង ផលិតកម្មទីក្រុងភាពយន្ត (Town Production) មានចំណងជើងថា “ឆ្អែត”។ បទ ឆ្អែត របស់លោក ហង្ស សុវណ្ណរិទ្ធិ មួយបទនេះផងដែរ គ្រាន់តែចេញជាផ្លូវការនៅលើPage TOWN PRODUCTION ភ្លាម បានធ្វើឲ្យមហាជនភ្ញាក់ផ្អើលនឹកស្មានមិនដល់ ជាមួយនឹងវត្តមានរបស់លោក ហង្ស សុវណ្ណរិទ្ធិ ដែលជាតារាចម្រៀង ចំណូលថ្មីក្នុងផលិតកកម្មនេះ ព្រមទាំងមានការសរសើរជាមួយនឹងទឹកដមសំនៀងរបស់យ៉ាងច្រើនតែម្តង។
បញ្ជាក់ផងដែរថា លោក ហង្ស សុវណ្ណារិទ្ធ ជាតារាចម្រៀង ឯករាជ្យ ដែលមិនជ្រកក្រោមផលិតកម្មណាទាំងអស់ជាយូរណាស់មកហើយ ដោយសារតែលោក មានក្តីស្រមៃមួយចង់ក្លាយជាតារាចម្រៀងមួយដួងដែលបានចូលជ្រកនិងបង្ហាញសំនៀងរបស់ខ្លួននៅក្នុង ផលិតម្មទីក្រុងភាពយន្ត (Town Production)។
ហើយកន្លងមកបទចម្រៀងរបស់តារាចម្រៀងរូបនេះ ក៏មានការគាំទ្រយ៉ាងច្រើនសន្ធឹកសន្ទាប់ពីសំណាក់មហាជនទូរទាំងផ្ទៃប្រទេស ដោយមានការស្តាប់ជាមួយបទរបស់លោកដល់ខ្ទង់លានដងផងដែរ។ ខាងក្រោមនេះជាបទចម្រៀងមួយចំនួនរបស់លោក ដែលទទួលបានការគាំទ្រច្រើនកាលពីលោកនៅជាតារាចម្រៀងឯករាជ្យ។
ចង់ជ្រាបកាន់តែច្បាស់ថាបទចម្រៀងទីមួយរបស់ លោក ហង្ស សុវណ្ណារិទ្ធិ ក្នុងផលិតកម្មទីក្រុងភាពយន្ត (Town Production) ពិរោះនិងមានអត្ថន័យជ្រាលជ្រៅយ៉ាងណានោះ
សូមទស្សនាវីឌីអូខាងក្រោម៖
អត្ថបទ៖ Mr. Fun Cambodia