របាយការណ៍កាសែត L’Equipe របស់បារាំងបាននិយាយថាការបន្តកុងត្រារបស់ Neymar នៅ Paris Saint-Germain នឹងត្រូវប្រកាសនៅថ្ងៃសៅរ៍ទី ៨ ខែឧសភានេះ។
កីឡាករសញ្ជាតិប្រេស៊ីលនឹងបន្តកុងត្រាថ្មីជាមួយ PSG ដែលអាចឲ្យគាត់បន្តស្នាក់នៅកីឡដ្ឋាន Parc des Princesដល់ឆ្នាំ២០២៦។កុងត្រាថ្មីនេះនឹងឲ្យ Neymar ទទួលបានប្រាក់ឈ្នួលប្រចាំឆ្នាំ៣០លានអឺរ៉ូ។
ទន្ទឹមនឹងនេះដែរ! ប្រភពព័ត៌មាននៅអេស្ប៉ាញបានរាយការណ៍ថាក្រុម Barcelona បានធ្វើឱ្យ Neymar ក្លាយជាគោលដៅផ្ទេរដ៏សំខាន់សម្រាប់រដូវក្តៅនេះ ដោយពួគគេអះអាងថាគាត់នឹងបើកចំហសម្រាប់ការវិលត្រឡប់មកកាន់កីឡដ្ឋាន Camp Nou វិញ ខណៈដែលគាត់ចង់ភ្ជាប់ទំនាក់ទំនងជាមួយ Leo Messi ម្តងទៀត។
តែយ៉ាងណា! នេះហាក់មិនអាចទៅរួចនោះទេ។ Neymar បានចូលរួមជាមួយ PSG ក្រោយចាកចេញពី Barca ក្នុងឆ្នាំ ២០១៧ ក្នុងតម្លៃខ្លួន ២២២ លានអឺរ៉ូដែលជាកំណត់ត្រាក្នុងប្រវត្តិសាស្រ្តដោះដូរកីឡាករ៕