ប៉ុន្មានថ្ងៃចុងក្រោយនេះ Dortmund បានរាយការណ៍ថាពួកគេមានបំណងដាក់លក់ខ្សែប្រយុទ្ធស្លាបស្ដាំរបស់ខ្លួនពោលគឺ Jadon Sancho ក្នុងរដូវក្ដៅនេះ។ Man Utd ដែលជាក្លិបនៅតែបន្តជាប់ទាក់ទងជាមួយកីឡាករម្នាក់នេះ ប៉ុន្តែយ៉ាងណាក្ដី! មានជម្រើសច្រើនជាងនេះទៀត។
Jadon Sancho នឹងមានសិទ្ធិជ្រើសរើសយកក្លឹបនៅ Premier League នៅរដូវក្តៅនេះ បើយោងតាមការលើកឡើងរបស់កាសែត Bild របស់អាឡឺម៉ង់។
ពេលនេះ Liverpool និង Chelsea បានកំពុងប្រជែងគ្នាផ្ទេរយកហត្ថលេខាកីឡាករអង់គ្លេស ដែលនៅសល់កិច្ចសន្យាជាមួយ Borussia Dortmund តែជាង ២ ឆ្នាំទៀតប៉ុណ្ណោះ។
ជាក់ស្តែង! ក្លឹបទាំងពីរជឿជាក់ថាការទិញកីឡាករវ័យ ២១ ឆ្នាំរូបនេះនឹងក្លាយជាការវិនិយោគមិនគួរឱ្យជឿមួយ ហើយក្លិបទាំងពីរចង់ប្រែក្លាយខ្សែបម្រើស្លាបរូបនេះឱ្យទៅជា“ កំពូលតារាបាល់ទាត់ក្នុងទសវត្សនេះ” ។
ក្រុមបិសាចក្រហមនៅតែចាប់អារម្មណ៍នឹង Sancho ដដែលជាដដែល ទោះបីជាពួកគេមិនចង់ចំណាយលុយតាមការកំណត់តម្លៃខ្លួន ១៣០លានអឺរ៉ូរបស់ Dortmund តែបើចុះថ្លៃប្រហាក់ប្រហែល៨០លានអឺរ៉ូអីអាចពិចារណាបាន៕