ជារឿងពិតមួយកើតឡើងក្នុងប្រទេសវៀតណាម ដោយមានការចែកចាយលើប្រព័ន្ធអ៊ីនធឺណិតក្រោមអត្ថន័យថា៖ “ខាងស្រីមានមិត្តប្រុសហើយ តែចូលចិត្តផុសលើ Facebook ថាខ្លួន Alone ទីបំផុតចុងក្រោយខាងប្រុសសុំបែក”។
រឿងនេះអាចចាក់ដោតដល់ស្នេហាយុវវ័យមួយចំនួន ដែលចូលចិត្តលាក់បាំងឬយើងនិយមហៅថា ស្នេហា Private ពោលគឺគូស្នេហ៍ប្រភេទនេះទៅណាមកណាមិនហ៊ានបើកចំហនោះទេ ហើយត្រឹមផុសធ្វើខ្លួនធម្មតាៗ ល្មមអ្នកខ្លះមើលមក គេច្រឡំថានៅ Single ទៀតផង។
នៅឯប្រទេសវៀតណាមឯណោះវិញ គូស្នេហ៍មួយគូបានបែកបាក់គ្នាដោយសារតែបញ្ហាចង់ Private នេះឯង ដោយរៀងរាល់ការចេញក្រៅណាត់ជួប ខាងស្រីត្រឹមបង្ហោះរូបភាពរបៀបទៅមកតែម្នាក់ឯង ធ្វើឲ្យខាងប្រុសទប់ចិត្តលែងបាន ហើយសុំបែកគ្នាទាំងមិនញញើតសោះឡើយ ណាមួយគឺដោយសារទម្លាប់បែបនោះមិនមែនទើបតែម្តងទេ ពោលគឺតាំងពីយូរណាស់មកហើយ។
ជាសារណែនាំដ៏ល្អមួយ ប្រសិនអ្នកស្រលាញ់គ្នាពិតប្រាកដ មានភាពច្បាស់លាស់ជាមួយគ្នា ហើយច្បាស់ថាអាចចាប់ដៃគ្នាសាងអនាគត និងមិនដើរហួសព្រំដែនខុសឆ្គងមុនរៀបការ ពោលគឺគ្មានអ្វីគួរឲ្យខ្លាចនោះទេ ក្នុងការបង្ហាញទៅកាន់ពិភពខាងក្រៅថាអ្នកជាគូស្នេហ៍របស់នរណា
ឬស្រលាញ់នរណាពិតប្រាកដនោះ ណាស់តែប្រភេទមនុស្សមួយចំនួនចូលចិត្តលាក់បាំង ព្រោះគិតថាខ្លួនមិនច្បាស់នឹងគេ ឬយកគេត្រឹមកង់ស្រគួរទេតើ ទើបធ្វើបែបហ្នឹង អ៊ីចឹងសូមអាណិតចិត្តគ្នាអ្នកដាក់ចិត្តស្រលាញ់ស្មោះផង៕