ពិនិត្យមើលព័ត៌មានវិលជុំប្រចាំថ្ងៃរបស់ របស់ Knongsrok.com បង្ហាញអំពីរឿងរ៉ាវមួយចំនួនដែលប្រិយមិត្តមិនដឹងអំពី Man Utd ដែលកើតឡើងក្នុងសប្ដាហ៍នេះ៖
-អ្នកចាំទីដៃទីមួយមិនទាន់សម្រេ៣ចឲ្យច្បាស់នៅឡើយទេ៖
លោក Ole Gunnar Solskjaer មិនទាន់សម្រេចចិត្តថានរណានឹងក្លាយជាអ្នកចាំទីជម្រើសដំបូងរបស់គាត់សម្រាប់យុទ្ធនាការនៅសល់នៃរដូវកាល ២០២០/២១ ។ គ្រូបង្វឹកសញ្ជាតិន័រវេសរូបនេះបាននិយាយនៅមុនការប្រកួតជាមួយ Granada យប់នេះថា “ខ្ញុំពិតជាមានផាសុខភាពក្នុងការលេងជាមួយ David ឬ Dean ហើយខ្ញុំពិតជារីករាយដែលពួកគេទាំងពីររីករាយក្នុងការធ្វើជាកីឡាករបម្រុង។ ”
-Boca ស្វែងរកមធ្យោបាយដើម្បីផ្ដល់ប្រាក់ខែឲ្យ Cavani
Boca Juniors សង្ឃឹមថាក្លឹប Juventus សង់លុយមកខ្លួនពេលពួកគេទិញ Rodrigo Bentancur យកទៅកាលពីរដូវកាលមុនៗ នឹងអនុញ្ញាតឱ្យពួកគេចុះហត្ថលេខាលើ Edinson Cavani ។ យោងតាមសារព័ត៌មាន TNT Sports បានឱ្យដឹងថាក្លិបយក្សនៅក្របខណ្ឌ Serie A មិនទាន់ទូទាត់ប្រាក់សម្រាប់ការផ្ទេរនៅឆ្នាំ ២០១៧ ពេញលេញនៅឡើយទេ ហើយ Boca ចង់ប្រើប្រាក់សំណងរបស់ Juventus នេះ ដើម្បីទូទាត់លើប្រាក់ឈ្នួលរបស់ Cavani ។
De Gea ពិភាក្សាលក្ខខណ្ឌជាមួយ PSG
ដូចដែលបានរាយការណ៍ដោយ Le10 Sport ដែលជាសារព័ត៌មានបារាំងមិនសូវគួរឱ្យទុកចិត្ត Paris Saint-Germain ចាប់អារម្មណ៍ក្នុងការចុះហត្ថលេខាជាមួយ David De Gea នៅរដូវក្តៅនេះ។ ក្លិបយក្ស Ligue 1 ត្រូវបានគេជឿជាក់ថាបានចាប់ផ្តើមពិភាក្សាលក្ខខណ្ឌជាមួយអ្នកចាំទីអេស្ប៉ាញរូបនេះហើយុ។
Zidane Iqbal ចុះកុងត្រាថ្មីជាមួយបិសាចក្រហម
យុវជនវ័យជំទង់ Manchester United កីឡាករ Zidane Iqbal ដែលជាយុវជនមានទេពកោសល្យបានចុះកុងត្រាថ្មីជាមួយក្លឹបដោយជោគជ័យហើយ។ ខ្សែបម្រើប្រយុទ្ធវ័យ ១៧ ឆ្នាំរូបនេះបានលេងឱ្យក្រុមអាយុក្រោម ១៨ ឆ្នាំនេះប៉ុន្តែពេលនេះគាត់មានបញ្ហារបួស៕