ឧត្តមសេនីយ៍ឯក ហ៊ុន ម៉ានិត ទទួលជំនួយសម្ភារៈវេជ្ជសាស្ត្រ ប្រឆាំងជំងឺកូ.វី.ដ-១៩ ពីអគ្គនាយកនៃស្ថាប័នចារកម្មយោធាម៉ាឡេស៊ី តំណាងរដ្ឋបាភិបាលនៃប្រទេសម៉ាឡេស៊ី

នៅព្រឹកថ្ងៃទី២៦ ខែមីនា ឆ្នាំ២០២១ ឯកឧត្តម DATUK ROSTAM AFFENDI BIN DATO’ SALLEH អគ្គនាយក ស្ថាប័នចារកម្មស៊ីវិលម៉ាឡេស៊ី និង ឯកឧត្តម ឧត្តមសេនីយ៍ឯក DATUK AHMAD NORIHAN BIN JALAL អគ្គនាយកនៃស្ថាប័នចារកម្មយោធាម៉ាឡេស៊ី តំណាងរដ្ឋាភិបាលនៃប្រទេសម៉ាឡេស៊ីបានធ្វើដំណើរទស្សនកិច្ចមកព្រះរាជាណាចក្រកម្ពុជា ដើម្បីនាំយកនូវជំនួយសម្ភារៈវេជ្ជសាស្ត្រ ប្រឆាំងជំងឺកូ.វី.ដ-១៩ ដែលក្នុងនោះរួមមាន ម៉ាស ពេទ្យ (០៣ ស្រទាប់), ស្រោមដៃពេទ្យទំហំ M និងL, របាំងមុខ ឈុតសម្រាក់បំពាក់ការពារជំងឺកូ.វិ.ដ (PPE), ឧបករណ៍តេស្តេរកមេរោគ និង ថវិការចំនួន ៥០,០០០ ដុល្លារ ជូនរាជរដ្ឋាភិបាលនៃព្រះរាជាណាចក្រកម្ពុជាតាមរយៈ ឯកឧត្តម ឧត្តមសេនីយ៍ឯក ហ៊ុន ម៉ានិត អគ្គនាយក នៃអគ្គនាយកដ្ឋានចារកិច្ច នៃក្រសួងការពារជាតិ។
ការជួយឧបត្ថម្ភនេះជាការគាំទ្ររបស់រដ្ឋាភិបាលម៉ាឡេស៊ី ដល់រាជរដ្ឋាភិបាលនៃព្រះរាជាណាចក្រកម្ពុជា ដើម្បីប្រយុទ្ធប្រឆាំងជំងឺកូ.វី.ដ-១៩។
ឯកឧត្តម ឧត្តមសេនីយ៍ឯក ហ៊ុន ម៉ានិត ក្នុងនាមរាជរដ្ឋាភិបាលកម្ពុជា និងក្រសួងការពារជាតិសូមថ្លែងអំណរគុណយ៉ាងជ្រាលជ្រៅ ដល់អគ្គនាយកនៃស្ថាប័នចារកម្មយោធាម៉ាឡេស៊ី តំណាងរដ្ឋបាភិបាលនៃប្រទេសម៉ាឡេស៊ីដែលបាននាំយកសំភារៈមកប្រគល់ជូននាពេលនេះ ដើម្បីប្រយុទ្ធប្រឆាំង នឹងជំងឺកូ.វី.ដ-១៩ នេះសបញ្ជាក់ឱ្យឃើញនូវកាយវិការប្រកបដោយសប្បុរសធម៌ និងជាវប្បធម៌ នៃការចែករំលែកទៅលើការជួយគ្នាក្នុងគ្រាលំបាកដែលកំពុងមានតម្រូវការចាំបាច់ សម្រាប់ប្រើប្រាស់ក្នុងប្រតិបត្តិការប្រយុទ្ធប្រឆាំងជំងឺកូ.វី.ដ-១៩។
ឯកឧត្តម បានបញ្ជាក់ថា អំណោយ ដែលបានផ្ដល់ជូននៅថ្ងៃនេះ និង​យកទៅចាត់ចែងប្រើប្រាស់ឲ្យចំទិសដៅ ក្នុងសកម្មភាពការបង្ការ ទប់ស្កាត់ការឆ្លងរាលដាលនៃជំងឺកូ.វី.ដ១៩ ស្របតាមបរិបទនាពេលបច្ចុប្បន្ន។
ដោយ: ទទក

ប្រភព៖ ទូរទស្សន៍ជាតិកម្ពុជា ទទក – TVK