កុំថាតែមនុស្សស្រី ដែលរសើដៃគូជីវិត ព្រោះខ្លាចរៀបការជាមួយនឹងមនុស្សខុស។ តែជាក់ស្ដែង សម្រាប់បុរសមួយចំនួន ក៏គាត់ត្រូវការជ្រើសរើសប្រពន្ធខ្លាំងណាស់ដែរ មិនមែនឱ្យតែមនុស្សប្រុស សុទ្ធតែចង់បានប្រពន្ធស្អាត រាងឡូយ នោះឡើយ។
ដូច្នេះខាងក្រោមនេះ បង្ហាញថា មនុស្សស្រីទាំង៥ប្រភេទ ដែលមនុស្សប្រុសខ្លាច មិនចង់ជួប ក៏មិនចង់បាននាងជាគូជីវិតនោះដែរ បើទោះបីជានាងមានរូបសម្រស់ស្រស់ស្អាត ឆ្លាត ពូកែធ្វើការ រកលុយ ឬក៏ជាកូនអ្នកមានប៉ុនណាក៏ដោយ។
១. ស្ត្រីដែលមានគំនិតអាក្រក់
បុរសខ្លាចបំផុតចំពោះស្ត្រីដែលមិនចេះនិយាយស្ដីឱ្យល្អ ឬពីរោះ ជាហេតុដែលធ្វើឱ្យគាត់ កាន់តែមិនចង់និយាយរកនាងឡើយ។ ពីព្រោះលក្ខណៈរបស់មនុស្សស្រីបែបនេះបង្ហាញពីលក្ខណៈនៃការនិយាយ និងកម្រិនៃការយល់ដឹងក្នុងការនិយាយផងដែរ។ ពាក្យល្អ ៗ តែងតែងាយយល់ចិត្តជាងការជេរប្រមាថ ស្រែកគំហក និងការនិយាយអាក្រក់ ៗ ។
មិនត្រឹមតែក្នុងការជ្រើសរើសដៃគូប៉ុណ្ណោះទេ ថែមទាំងក្នុងទំនាក់ទំនងធម្មតា យើងក៏មិនចង់ដើរទៅមុខជាមួយមនុស្សប្រភេទណាដែលនិយាយអ្វីដែលអាក្រក់ ដោយមិនឆ្លងកាត់ការគិតនោះផងដែរ។
២. ស្ត្រីពូកែចែចង់
មនុស្សស្រីខ្លាចមនុស្សប្រុសដែលពូកែផុសផុល ញ៉ែញ៉ង បុរសក៏ខ្លាចនារីលេចធ្លោ មានមន្តស្នេហ៍ផងដែរ មនុស្សគ្រប់គ្នាអាចសើចដោយសេរី សម្លឹងមើលស្នេហាដោយមិនដឹងពីរបៀបរក្សាចិត្តចំពោះគ្នា។ ចំណុចរួមរបស់ពួកគេ គឺថាពួកគេងាយចែចង់មានទំនាក់ទំនងមិនច្បាស់ជាមួយមនុស្សភេទផ្ទុយ។
ដំបូងបុរសប្រហែលជាត្រូវបានទាក់ទាញចំពោះបុគ្គលិកលក្ខណៈ និងភាពក្លាហាននេះនៅពេលដំបូង ប៉ុន្តែពួកគេធុញទ្រាន់ភ្លាមៗនៅពេលពួកគេចូលចិត្ត។ ដូច្នេះ មនុស្សប្រុសក៏ខ្លាចបំផុត មនុស្សស្រីប្រភេទនេះ ងាយនឹងបោះបង់មនុស្សប្រុសចោលណាស់។
៣. ស្ត្រីចូលចិត្តគ្រប់គ្រង
បុរសចង់នៅជាមួយមនុស្សដែលផ្តល់ឱ្យពួកគេនូវការលួងលោម និងការយកចិត្តទុកដាក់ មិនមែនជាការត្រួតត្រា ឈឺក្បាលពេញមួយថ្ងៃដោយសារតែការខឹង រករឿង ដែលតជ្រុលហួសហេតុ ធ្វើឱ្យបរិយាកាសកាន់តែអាប់អួរ។ ដើម្បីរក្សាអាពាហ៍ពិពាហ៍ឱ្យរឹងមាំ ការជឿទុកចិត្តគឺជាកត្តាសំខាន់ណាស់ ប្រសិនបើស្ត្រីចូលចិត្តគ្រប់គ្រងស្វាមីនោះ គម្លាតរវាងអ្នកទាំងពីរនឹងកាន់តែឆ្ងាយទៅៗមិនខាន។
៤. ស្ត្រីនិយាយច្រើន ពូកែរអ៊ូរទាំ ឬនិយាយដើមគេ
មនុស្សស្រីដែលពូកែរអ៊ូរទាំ និងនិយាយច្រើន ជាពិសេស គឺមនុស្សស្រីដែលពូកែតែនិយាយដើមគេ មនុស្សប្រភេទនេះ គ្មានបុរសណាចង់បាននោះឡើយ។
ជំនួសឱ្យការរង់ចាំ បុរសត្រូវការដៃគូដែលចេះយកចិត្តទុកដាក់ ចិញ្ចឹមបីបាច់ក្រុមគ្រួសារ ក៏ដូចជាចំណាយពេលធ្វើអ្វីៗដែលវិជ្ជមាន និងមានប្រយោជន៍ ច្រើនជាងមនុស្សស្រីដែលតែងតែនិយាយដើមគេ ចំណាយពេលអត់ប្រយោជន៍ មិនគិតគូរធ្វើការងារអ្វីសោះ។
៥. ស្ត្រីដែលចេះតែដេកស្រមៃ គ្មានអ្វីដែលជាការពិតសោះ
បុរសឱ្យតម្លៃលើស្ត្រីដែលរស់នៅក្នុងការពិត មិនមែនដេកគិតស្រមៃ យល់សប្តិអត់ប្រយោជន៍នោះឡើយ។ ប៉ុន្តែសម្រាប់ស្ត្រីដែលមានភាពប៉ិនប្រសព្វ ដែលចូលចិត្តពឹងផ្អែកលើអ្នកដទៃ បុរសនឹងគ្រាន់តែចង់នៅឆ្ងាយបំផុតតាមដែលអាចធ្វើទៅបាន។ ព្រោះប្រសិនបើអ្នកនៅជាមួយក្មេងស្រីបែបនេះ នោះប្រាកដជារឿងស្នេហានឹងផ្លាស់ប្តូរទៅតាមសមត្ថភាពហិរញ្ញវត្ថុរបស់ក្មេងប្រុសមិនខានឡើយ។
ខាងលើនេះ អាចជាមូលហេតុដែលមានមនុស្សស្រីដែលមិនមានសម្រស់ស្រស់ស្អាត ប៉ុន្តែនៅតែធ្វើឱ្យបុរសមានអារម្មណ៍ និងចង់បាននាងជាគូ។ ការក្លាយជាស្ត្រីដែលត្រូវបានគេគោរព និងឱ្យតម្លៃ មិនមែនជាការលំបាកទេ វាអាស្រ័យលើអាកប្បកិរិយារបស់អ្នកជាចំណុចគោលបំផុត៕
ប្រភព ៖ Bestie / ប្រែសម្រួល ៖ Knongsrok