ឯកឧត្ដម ស៊ីយ៉ុន សុភារិទ្ធ អគ្គនាយកនៃអគ្គនាយកដ្ឋានបច្ចេកទេសវប្បធម៌ អញ្ជើញដឹកនាំកិច្ចប្រជុំដើម្បីពិនិត្យបញ្ហាប្រឈមរបស់ផ្នែកឯកជនក្នុងវិស័យភាពយន្ត ក្នុងវិបត្តិជំងឺកូ.វី.ដ-១៩
នាព្រឹកថ្ងៃទី២២ ខែមីនា ឆ្នាំ២០២១ កិច្ចប្រជុំមួយបានរៀបចំឡើងតាមប្រព័ន្ធអនឡាញ ZOOM ដើម្បីពិនិត្យពិភាក្សាលើបញ្ហាប្រឈមនានារបស់ផ្នែកឯកជនក្នុងវិស័យភាពយន្ត ចំពោះមុខវិបត្តិជំងឺកូ.វី.ដ-១៩ ដែលកំពុងរីករាលក្នុងព្រះរាជាណាចក្រកម្ពុជា ។ កិច្ចប្រជុំអនឡាញតាមប្រព័ន្ធ ZOOM នេះបានប្រព្រឹត្តទៅក្រោមអធិបតីភាពឯកឧត្ដម ស៊ីយ៉ុន សុភារិទ្ធ អគ្គនាយកនៃអគ្គនាយកដ្ឋានបច្ចេកទេសវប្បធម៌ នៃក្រសួងវប្បធម៌និងវិចិត្រសិល្ប: និងមានការអញ្ជើញចូលរួមពីសំណាក់ផលិតករភាពយន្ត អាជីវករ ម្ចាស់រោងភាពយន្ត តំណាងសមាគមភាពយន្ត និងតំណាងសមាគមសិល្បករកម្ពុជា។
ប្រភព៖ Cambodia Cinema Department