ប្រិយមិត្តប្រាកដជាបានដឹងហើយ ពាក់ព័ន្ទជាមួយនឹងបញ្ហាគ្រួសាររបស់លោក ដួង ឆាយ ដែលកក្រើកប្រទេសក្នុងរយៈពេលពីរថ្ងៃនេះ ដោយចាប់ផ្តើមពីអតីតប្រពន្ធលោក ដួង ឆាយ បានបង្ហោះជាវីឌីអូដែលថតដោយ Camera សុវត្ថិភាព នាថ្ងៃទី១៥ខែមីនាឆ្នាំ២០២១ នូវអំពើហឹង្សាររបស់លោកដួងឆាយ ធ្វើមកលើអតីតភរិយា។ បន្ទាប់ពីមានការបង្ហោះនូវវីឌីអូនោះភ្លាម ធ្វើឲ្យមហាជនទូទាំងផ្ទៃប្រទេស ជេរប្រមាទលោក ដួង ឆាយ ជាខ្លាំង ទោះបីជាមិនបានដឹងរឿងរបស់គេច្បាស់ក៏ដោយ។ រំលងបានមួយថ្ងៃ មកដល់ថ្ងៃទី១៦ខែមីនាឆ្នាំ២០២១ លោក ដួង ឆាយ ក៏បានLive Video តាម Facebook បកស្រាយនូវរឿងរ៉ាវមួយចំនួន ទោះបីលោកដឹងថា មហាជនកំពុងតែស្អប់លោកក៏ដោយ។ រហូតមកដល់ថ្ងៃនេះ ត្រូវនឹងថ្ងៃទី ១៧ខែមីនា ឆ្នាំ ២០២១ លោក ដួង ឆាយ ក៏ត្រូវបាន សម្តេចវិបុលសេនាភក្តី សាយ ឈុំ ប្រមុខរដ្ឋស្តីទី ទូលស្នើសុំបញ្ចប់គោរមងារ «ឧកញ៉ា» ពី ឧកញ៉ា ឌួង ឆាយ ។
បន្ទាប់ពីបានដឹងនូវព័ត៌មាន នៃការបញ្ចប់ងារ «ឧកញ៉ា» ពី ឧកញ៉ា ឌួង ឆាយ ដែលល្បីកក្រើកបណ្តាញសង្គមFacebookហើយ ស្រាប់តែនាយ ពែក មី បានពោលពាក្យមួយឃ្លាថា៖
ក្នុងនាមខ្ញុំ ជាអ្នកធ្លាប់ស្គាល់ ធ្លាប់រាប់អានគ្នា ទោះក្នុងកាល:ទេស:បែបណា ក៏នៅតែស្គាល់នឹងរាប់អានដែ 🙏 ខ្ញុំសូមចូលរួមសោកស្តាយ នៅអ្វីគ្រប់យ៉ាងដែលបានបាត់បង់ ចំពោះប្អូន ដួងឆាយផង 🙏 នេះជាបទពិសោធន៏ជីវិតគ្រួសារ សម្រាប់យេីងទាំងអស់គ្នា 🙏 សូមជូនពរអោយប្អូនបានជួបនឹងរឿងល្អរៗ នៅថ្ងៃខាងមុខ នឹងមានសុខភាពល្អ 🙏
អត្ថបទដោយ៖ Mr. Fun Cambodia