កងរាជអាវុធហត្ថរាជធានីភ្នំពេញបានចុះបង្ក្រាបក្រុមឧក្រិដ្ឋជនដែលរៀបផែនការជម្រិតយកប្រាក់មួយលានដុល្លារពីផ្ទះមួយកន្លែងនៅបុរីអង្គរភ្នំពេញ

ក្តៅៗទាក់ទងនឹងការរៀបគម្រោងជម្រិតប្លន់យកប្រាក់មួយលានដុល្លារ ($1,000,000) ពីគ្រួសារមួយដែលរស់នៅក្នុងបុរីអង្គរភ្នំពេញ ប៉ុន្តែមិនបានសម្រេច ដោយសារត្រូវបានកម្លាំងកងរាជអាវុធហាត់រាជធានីភ្នំពេញចុះបង្រ្កាបទាន់ពេលវេលា។

នោះបើយោងតាមការpost របស់ Page Phnom Penh Gendarmerie កាលពីរសៀលថ្ងៃទី១ខែមីនាឆ្នាំ២០២១។ ហើយខាងក្រោមនេះជាអត្ថបទទាំងស្រុងដែលPage Phnom Penh Gendarmerie បាន post ទាក់ទងនឹងការជម្រិតប្លន់ទាប្រាក់ មួយលានដុល្លារ។

មុននេះបន្តិច មានករណីឧក្រិដ្ឋជន០៤នាក់ បានចូលប្លន់ក្នុងផ្ទះមួយកន្លែងនៅបុរីអង្គរភ្នំពេញ ដោយរៀបផែនការជម្រិតយកប្រាក់១លានដុល្លារជាមុនទើបប្លន់សម្លាប់ម្ចាស់ផ្ទះទាំងប្តីប្រពន្ធនិងកូនឈ្នួល០២នាក់ ជាក្រោយ តែត្រូវសមត្ថកិច្ចអាវុធហត្ថរាជធានីភ្នំពេញដឹកនាំដោយ លោកឧត្តមសេនីយ៍ឯក រ័ត្ន ស្រ៊ាង ផ្ទាល់ បើកប្រតិបត្តិការចុះបង្ក្រាបក្រុមឧក្រិដ្ឋជនទាំងនោះ ដែលក្នុងករណីប្លន់នេះ ឧក្រិដ្ឋជនទាំង០៤នាក់ បានប្រើប្រាស់កាំភ្លើងវែងAK ០១ដើម និងកាំភ្លើងខ្លី០២ដើម បាញ់ស្រោចមកលើកម្លាំងកងរាជអាវុធហត្ថរាជធានីភ្នំពេញ ហើយកម្លាំងអាវុធហត្ថបានប្រើសិទ្ធិការពារខ្លួន បាញ់តបតត្រឡប់ទៅវិញ បណ្តាលឲ្យក្រុមឧក្រិដ្ឋជនទាំង០៤នាក់ ស្លាប់នៅនឹងកន្លែង។
#PhnomPenhGRK

ប្រភព៖ Phnom Penh Gendarmerie

អត្ថបទដោយ៖ Mr. Fun Cambodia