ប្រិយមិត្តប្រាកដជាបានស្គាល់ហើយនូវវត្តមានរបស់តារាចម្រៀងកម្ពុជាក្រោម ដែលច្រកក្នុងផលិតកម្ម សាន់ដេ គឺ លោក ខាន់ ស៊ីអឿន។
លោក ខាន់ ស៊ីអឿន ជាតារាចម្រៀង កម្ពុជាក្រោមមួយរូបដែលមានឈ្មោះបោះសម្លេងខ្លាំងនៅក្នុងព្រះរាជាណាចក្រកម្ពុជា តាមរយៈបទចម្រៀងមួយបទដែលមានចំណងជើងថា “ស្រលាញ់គ្នាយូរម៉េចស្ទាវ” ដែលមានការគាំទ្រខ្លាំងមែនទែនក្នុងកំឡុងឆ្នាំ២០១៩។ បើគិតមកដល់ពេលបច្ចុប្បន្ន បទ ស្រលាញ់គ្នាយូរម៉េចស្ទាវ របស់លោក ខាន់ ស៊ីនអឿន មានការទស្សនារហូតដល់ជាង ម្ភៃប្រាំលានដង (25M views)។
ចាប់តាំងពីលោក ខាន់ ស៊ីអឿន ឈានជើងចូលក្នុងផលិតកម្ម សាន់ដេ សង្កេតឃើញថា ភាគច្រើនលោកចាប់ដៃគូច្រៀងជាមួយលោក ចឺម ។ សន្ទុះនៃការគាំទ្ររបស់លោកក៏មានកាន់តែខ្លាំង និង មានអ្នកស្គាល់កាន់តែច្រើនផងដែរ។ ដូចជាបទ សប្បាយយំ ជាដើម គឺមានការគាំទ្រខ្លាំងដោយមានអ្នកទស្សនារហូតដល់ជិត ដប់ពីរលានដង (12M views) ក្នុងរយៈពេលត្រឹមតែប្រាំខែប៉ុណ្ណោះ។
ហើយថ្មីៗនេះផងដែរ បទ កម្ពស់មួយម៉ែត្រពីដី របស់តារាចម្រៀងទាំងពីរដួងនេះ ក៏បានចេញ Music Video ជាផ្លូវការ ដោយភាពភាពប្លែកខ្លាំង អមទៅដោយទេសភាពស្រស់ស្អាតថែមទៀតផង។
កុំឲ្យខាតពេលយូរ សូមទស្សនាវីឌីអូនៅខាងក្រោមទាំងអស់គ្នា៖
អត្ថបទដោយ៖ Mr. Fun Cambodia