ផ្កា ក្រៅពីលម្អសោភណ្ឌភាព តែវាក៏ធ្វើឱ្យអារម្មណ៍មនុស្សយើងសប្បាយរីករាយស្រស់ស្រាយដែរ ដោយផ្កាភាគច្រើនននៅក្រៅប្រទេសគេនិយមដាំជាចំការធំៗមានផ្កាដុះជាជួរៗ ទទួលភ្ញៀវទេសចរណ៍មកកម្សាន្តផង និងរូបរូបលេងទុកជាអនុស្សាវរីយ៍ផង។
ដោយឡែកពេលនេះពូជផ្កាបរទេសដែលយើងតែងតែនិយមឃើញនៅស្រុកគេ បានត្រូវយកមកដាំនៅស្រុកខ្មែរយើងហើយពោលគឺស្ថិតនៅក្នុងខេត្តបាត់ដំបងតែម្តង.ដោយដំណឹងនេះបានធ្វើឱ្យអ្នកដែលស្រលាញ់ផ្ការីករាយជាខ្លាំងថែមទាំងត្រៀមខ្លួនថតរូបកម្សាន្តផងដែរ ជាពិសេសគឺអ្នកដែលមានបំណងថតរូបរៀបការ Pre-Wedding តែម្តង។
តាមរយៈម្ចាស់គណនីហ្វេសប៊ុក Meach Kong Huy ឱ្យដឹងថា៖ « ចំការ ផ្កា ស្រស់ របស់ ហាង ផ្កា នឹង ហាង នំខេក (ឡាអេសេវិន)នឹង បេីក ទទួលភ្ញៀវ ទេសចណ៍ ថតរូប លេង កម្សាន្ត នៅ ចុង ខែ ធ្នូនេះហេីយ សូម ធ្វេីការ កក់ ទុក សំរាប់ អតិថិជន ដែល មាន បំនង ចង់ ថត រូប pre wedding# ចំងាយ ៥០០ ម៉ែត្យ ពីរង្វង់មូល ដៃ ប្រាំបី ទៅខាង ជេីង ជិត ផ្សា ពោធិវង្ស ខេត្ត បាត់ដំបង»។
យ៉ាងណាមិញមកទល់ពេលនេះ ចម្ការផ្កាដ៏ស្រស់ស្អាតនេះមិនទាន់អនុញ្ញាតិឱ្យភ្ញៀវចូលមកលេងកម្សាន្តឡើយ ដោយមានការទទួលកក់ទុកមុនសម្រាប់អ្នកចងើមកថតរូបអាពាហ៍ពិពាហ៍សិនប៉ុណ្ណោះ ដោយតាមម្ចាស់ចម្ការខាងលើបានឱ្យដឹងថាផ្កានេះ នឹងរីកស្គុះស្គាយខ្លាំងនៅចុងខែ ១២ ឬយ៉ាងយូរ ដើមខែ ១ ឆ្នាំ ២០២១ នេះ ៕
ប្រភពរូបភាព និងព័ត៌មាន៖ Meach Kong Huy
