អាមេរិក អនុម័តការលក់អាវុធទៅកូរ៉េខាងត្បូង ប្រេស៊ីល កាណាដា ក្រូអាស៊ី អារ៉ាប៊ីសាអូឌីត និងលីបង់ក្នុងពេល​តែមួយ

ក្រសួងការបរទេសសហរដ្ឋអាមេរិកបានអនុម័តការលក់អាវុធដល់ប្រទេសចំនួន ៦ ដែលមានទឹកប្រាក់សរុបជាង ១,៥ ពាន់លានដុល្លារ។

មុខទំនិញដែលមានតម្លៃខ្ពស់បំផុតនៃការលក់ទាំង ៦ នោះគឺការធ្វើទំនើបកម្មយោធារបស់ប្រទេសក្រូអាស៊ីនូវរថយន្ដប្រយុទ្ធ M2A2 សម្រាប់ប្រតិបត្ដិការនៅលើវាលខ្សាច់ ដែលមានទឹកប្រាក់ប្រមាណ ៧៥៧ លានដុល្លារ។

ប្រទេសនៅតំបន់ឧបទ្វីបបាល់កង់មួយនេះ បានស្នើសុំទិញកាំភ្លើងយន្តម៉ាក 84 M240 កាំជ្រួចមីស៊ីលប្រឆាំងរងក្រោះ TOW ជិត ២,០០០ គ្រាប់ កាំណុងបាញ់កាំជ្រួចផ្សែង M257 smoke grenade launchers ជើងទម្របាញ់ម៊ីស៊ីល និងHunter/Killer technology។ អ្នកម៉ៅការសំខាន់សម្រាប់ការរៀបចំ​អាវុធ​ទាំងនេះ​គឺ​ក្រុមហ៊ុនអាវុធ BAE Systems and Raytheon។

ប្រទេសទី២គឺប្រទេសអារ៉ាប់ប៊ីសាអូឌីត។ ពួក​គេបាន​ដាក់ស្នើសុំថវិកាចំនួន ៣៥០ លានដុល្លារបន្ថែមទៀតសម្រាប់បេសកកម្មបណ្តុះបណ្តាលបច្ចេកវិទ្យាយោធាអាមេរិកដល់អារ៉ាប៊ីសាអូឌីត (USMTM) សម្រាប់រយៈពេល ៥ ឆ្នាំបន្ថែមទៀត។

គោលបំណងរបស់ USMTM គឺដើម្បីបណ្តុះបណ្តាលណែនាំ និងជួយដល់កងកំលាំងប្រដាប់អាវុធអារ៉ាប៊ីសាអូឌីតក្នុងការកសាងសមត្ថភាព និងសមត្ថភាពការពារជាតិតាមរយៈការធ្វើសមយុទ្ធយោធា និងការអប់រំយោធាប្រកបដោយវិជ្ជាជីវៈ។

USMTM ធ្វើការមិនផ្ដោតលើប្រយុទ្ធ ហើយនិងធ្វើការផ្តល់យោបល់ជាស្ថាប័នដែលជួយដល់ MOD ក្នុងការអភិវឌ្ឍបណ្តុះបណ្តាល និងទ្រទ្រង់នូវសមត្ថភាពរារាំងដល់ការគំរាមកំហែងក្នុងតំបន់។

ប្រទេសកាណាដាកំពុងស្វែងរកនិរន្តរភាពយន្តហោះដឹកជញ្ជូន C-17 និងឧបករណ៍ពាក់ព័ន្ធក្នុងតម្លៃប្រមាណ ២៧៥ លានដុល្លារ។

ប្រទេសប្រេស៊ីលបានស្នើសុំទិញកាំជ្រួចម៉ាក MK 54 និងឧបករណ៍ដែលពាក់ព័ន្ធសម្រាប់ឧទ្ធម្ភាគចក្រនិងនាវាលើទឹក Sikorsky S-70B Seahawk របស់ខ្លួន។ អ្នកម៉ៅការសំខាន់លើកិច្ចព្រមព្រៀងដែលមានទឹកប្រាក់ ៧០ លានដុល្លារនោះគឺក្រុមហ៊ុន Raytheon ។

សហរដ្ឋអាមេរិកក៏បានលក់បង្ហើយនូវរថយន្ដយោធា M1152 High Mobility Multi-purpose Wheeled Vehicles (HMMWVs) ៣០០ គ្រឿង និងគ្រឿងបរិក្ខារពាក់ព័ន្ធទៅប្រទេសលីបង់ក្នុងតម្លៃប្រមាណ ៥៥.៥ លានដុល្លារ។​យោងតាមក្រសួងការបរទេសលីបង់ នឹងមិនមានការលំបាកក្នុងការស្រូបយកគ្រឿងបរិក្ខារ និងសេវាកម្មបន្ថែមនេះទៅក្នុងកងកម្លាំងប្រដាប់អាវុធរបស់ខ្លួនទេ ខណៈដែលពួកគេបច្ចុប្បន្នប្រតិបត្តិការរថយន្ត HMMWVs នេះជាង ១.០០០គ្រឿង។

សាធារណរដ្ឋកូរ៉េ(កូរ៉េខាងត្បូង)បាន​ចំណាយ​លុយ​ទិញប្រព័ន្ធប្រឆាំងមីស៊ី​លបំពាក់លើ​នាវា MK 15 MOD 25 Phalanx Close-In Weapons System (CIWS) Block 1B Baseline 2 (IB2) និងឧបករណ៍ពាក់ព័ន្ធក្នុងតម្លៃប្រមាណ ៣៩ លានដុល្លារ។

ទីបំផុតសាធារណរដ្ឋកូរ៉េបានស្នើសុំទិញ MK 15 MOD 25 Phalanx Close-In Weapons Systems (CIWS) ចំនួន ២ គ្រឿងសម្រាប់ដំឡើងនៅលើនាវាពិឃាត KDX III Batch II Aegis លើកដំបូងរបស់ខ្លួន ដែលនឹងត្រូវប្រគល់ជូនដោយក្រុមហ៊ុន Hyundai ឧស្សាហកម្មធុនធ្ងន់នៅឆ្នាំ ២០២៤ ។

ប្រទេសកូរ៉េខាងត្បូងក៏បានស្នើសុំទិញគ្រាប់កាំភ្លើងធំម៉ាក 20MM cartridge API ចំនួន ៤.០០០​គ្រាប់និងឧបករណ៍ពាក់ព័ន្ធក្រោមកិច្ចព្រមព្រៀងដែលនឹងមានតម្លៃប្រមាណ ៣៩ លានដុល្លារ៕