នៅកណ្តាលក្រុងសៀមរាបមានប្រព័ន្ធទឺកលូស្អុយមួយខ្សែ ត្រូវគេដឹងថាមិនអាចយកមកប្រើប្រាស់បាននោះទេ ថែមទាំងបង្កក្លិនស្អុយដល់ជុំវិញផងដែរ ដែលនាំឱ្យប៉ះពាល់ដល់អារម្មណ៍ភ្ញៀវទេសចរផងដែរ។ តែពេលនេះពិតជាគួរឱ្យរំភើបភ្ញាក់ផ្អើលនោះ ពេលនេះគណ:កម្មការអន្តរក្រសួង បាននឹងកំពុងតែធ្វើការសិក្សាពីការស្ថាបនាផ្លូវក្រុងសៀមរាប រៀបចំធ្វើការកែលម្អលូទកស្អុយនេះជា « ផ្លូវកោងកាងសាងស្នេហ៍ » ដោយគម្រោងដែលគូសចេញមកស្រស់ស្អាតទាក់ទាញខ្លាំងណាស់។
តាមរយៈគណនីហ្វេសប៊ុក Rasmey Ly បានឱ្យដឹងថា៖ « ជ្រុងមួយនៃផ្លូវលូទឹកស្អុយកណ្តាលក្រុងសៀមរាបដែលមិនអាចប្រើប្រាស់បាន និងមានក្លិនស្អុយ ត្រូវបានគណ:កម្មការអន្តរក្រសួង ដើម្បីសិក្សានិងស្ថាបនាផ្លូវក្រុងសៀមរាប រៀបចំធ្វើការកែលម្អ << ផ្លូវកោងកាងសាងស្នេហ៍>> ក្រុងសៀមរាប ឲ្យមានសង្គតិភាពនគរូបនីយកម្ម និងមានមេត្រីភាពជាមួយនឹងក្រុងទេសចរណ៍បេតិកភណ្ឌប្រវត្តិសាស្ត្រ នៃតំបន់អង្គរ។ អរគុណសន្តិភាព !»។
ជឿថាបើគម្រោងស្ថាបនាផ្លូវមួយនេះ ដំណើរការចេញជារូបរាងនោះ វាអាចបន្ថែមសោភណ្ឌភាពឱ្យក្រុងសៀមរាបកាន់តែមានភាពស្រស់ស្អាតទាក់ទាញ និងនាំឱ្យមានភ្ញៀវទេសចរណ៍ជាតិ រួមទាំងអន្តរជាតិកាន់តែមកទស្សនាទីក្រុងប្រវត្តិសាស្រ្តមួយនេះកាន់តែច្រើនបន្ថែមទៀត៕
សូមទស្សនាវីដេអូគម្រោងនៃការកែច្នៃលូទឹកស្អុយកណ្តាលក្រុងសៀមរាបដូចខាងក្រោមនេះ ៖
