កាលពីថ្មីៗនេះ វីដេអូក្មេងស្រីវ័យក្មេងស្រស់ស្អាតមួយរូប ដែលស្លៀកពាក់ឈុតអ្នកទោសនៅក្នុងតុលាការ បានអង្រួនចិត្តអ្នកលេងបណ្តាញសង្គមឱ្យមានការភ្ញាក់ផ្អើលជាខ្លាំង ព្រោះមិនដឹងថាតើនាងមានទោសអ្វីទាំងវ័យក្មេង ពិសេសគឺស្តាយរូបសម្រស់នាងជាតារា តែបែរជាគ្រងភាពជាពិរុ ទ្ធជនបែបនេះទៅវិញ។
តែតាមរយៈប្រភពព័ត៌មានជាផ្លូវការបានឱ្យដឹងថា វីដេអូ និងរឿងរ៉ាវក្មេងស្រីដ៏ស្រស់ស្អាតនេះបានកើតឡើងជាច្រើនឆ្នាំមកហើយ ពោលគឺរឿងហេតុតាំងពីឆ្នាំ២០១៣ មកម្ល៉េះ តែទើបតែមកភ្ញាក់ផ្អើល និងល្បីល្បាញខ្លាំងនៅក្នុងប្រទេសកម្ពុជាយើងដោយសារតែកម្មវិធី Tik Tok ទៅវិញ។
រឿងហេតុដំបូងកើតឡើងកាលពី ៧ ឆ្នាំមុន ហើយជនជាប់ចោទដែលមានភាពល្បីល្បាញដោយសារតែសម្រស់មានឈ្មោះថា Isabella Guzman អាយុ ១៨ ឆ្នាំ រស់នៅក្នុងទីក្រុង Aurora នៃរដ្ឋ Colorado សហរដ្ឋអាមេរិក ដោយនាងបានសម្លាប់ម្ដាយបង្កើតរបស់នាងដោយប្រើកាំបិតចាក់គាត់ប្រហែល ៧៩ ដង ហើយនៅពេលចូលខ្លួនបំភ្លឺក្នុងតុលាការ នាងគ្មានអារម្មណ៍ដឹងខុសទេថែមទាំងញញឹមគួរអោយខ្លាចដាក់កាមេរ៉ា (តាមពិតបើតាមមើលវីឌីអូនោះ គាត់ញញឹមដោយភាពឈឺ ចាប់ម៉េចមិនដឹង ><)។
តែយ៉ាងណាបន្ថែមពីនេះ ដើមឡើយមានសេចក្ដីរាយការណ៍ថា ម្ដាយរបស់នាង ត្រូវបានចាក់សម្លាប់ចំនួន ៧៩ដង ដែលមានរបួស៣១កាំបិត នៅលើមុខ និង៤៨កាំបិត នៅលើ-ក ក៏ប៉ុន្តែ យោងតាមការធ្វើកោសល្យវិច័្ឆយបន្ថែម បានបង្ហាញថាមានស្នាមរបួសសរុបដល់ទៅចំនួន ១៥១ដងឯណោះ។
មានអ្នកនិយាយថា Isabella Guzman ត្រូវបានឪពុកចុងរំលោភ ហើយម្ដាយរបស់នាងប្រើអំ ពើហឹង្សា និងមានបំណងយកនាងទៅលក់ទៀតផង ប៉ុន្តែមិនមានពត៌មានច្បាស់ការណ៍ណាមួយបញ្ជាក់នោះទេ។
តែបើ តាមប្រភពពត៌មាន ABC News បានឱ្យដឹងថា៖
១. នាងបានសម្លាប់ម្ដាយរបស់នាងដោយសារការមិនចុះសម្រុងនឹងគ្នា ហើយនាងមិនពេញចិត្តនឹងម្ដាយរបស់នាងដែលបានរៀបការម្ដងទៀតក្រោយពេលបែកពីឪពុកបង្កើតរបស់នាង។
២. មុនពេលសម្លាប់ម្ដាយរបស់នាង ឪពុកបង្កើតរបស់នាងក៏បានជួយនិយាយជាមួយនាងដែរថាកុំអោយរឹង រូសដាក់ម្ដាយរបស់នាងអី។
៣. មួយថ្ងៃមុនពេលម្ដាយនាងស្លាប់ Isabella បានស្ដោះទឹកមាត់ដាក់ម្ដាយ ហើយផ្ញើរ Email ជាមួយនឹងអក្សរច្បាស់ៗថា ‘You will pay.’ (អ្នកនឹងត្រូវសងខ្ញុំវិញ)។
៤. នាងត្រូវបានគេពិនិត្យឃើញថាមានជំងឺសរសៃប្រសាទ នាងនៅតែនិយាយបានតែពាក្យមួយមាត់ថាម្ដាយរបស់នាង “មិនខុសពីបិសាច” ដែលត្រូវតែស្លាប់ដើម្បីសង្គ្រោះពិភពលោក។
៥. ថ្ងៃកើតហេតុនោះ ឪពុកចុងរបស់នាងបានលឺសម្លេងពីបន្ទប់ទឹក ហើយប្រញាប់រត់ទៅក៏ឃើញសាកសពម្ដាយរបស់ Isabella មានសុទ្ធតែឈាម ហើយ Isabella ឈរស្ងៀមទ្រឹងកាន់កាំបិតជាប់នឹងដៃ ជាមួយទឹកមុខស្មើរធេង។
ក្រោយពីកើតរឿង មិនមានអ្នកណាបានឃើញឪពុកចុងរបស់នាងទៀតទេ គ្រប់គ្នាគិតថាប្រហែលគាត់លែងត្រលប់ទៅទីនោះវិញទៀតហើយ។
យ៉ាងណាមិញ Isabella មិនបានជាប់ពន្ធធនាគារនោះទេ ដោយសារគេរកឃើញថានាងប្រ ព្រឹត្តអំពើមនុស្សឃាតដោយអចេតនា តែត្រូវបញ្ជូនទៅមន្ទីរពេទ្យវិកលចរិកជំនួសវិញ។ តែមកទល់ពេលនេះគេមិនបានដឹងពីដំណឹងនាងទៀតឡើយថានាងកំពុងតែរស់នៅឯណា ហើយនាងមានសេរីភាពឬនៅនោះទេ៕
ប្រភពព័ត៌មាន៖ Meloncheesetea
សូមទស្សនាវីដេអូខាងក្រោមនេះ៖