មនុស្សសម័យមុន ទោះជាមិនបានជឿនលឿនខ្លាំង និងរស់នៅដោយធម្មជាតិ តែមនុស្សភាគច្រើនសុទ្ធតែមានសុខភាពល្អ មានសុទិដ្ឋនិយមច្រើន ហើយពិសេសគឺមានអាយុវែងខុសពីមនុស្សសម័យនេះ។
បច្ចុប្បន្ននេះ មនុស្សហាក់មានការរីកចំរើនច្រើន បច្ចេកវិទ្យាក៏កាន់តែជឿនលឿន ហើយការរស់នៅក៏កាន់តែមានភាពងាយស្រួល តែចិត្តមនុស្សបែរជាប្រែប្រួលមិនសូវមានសាមគ្គីភាព មានការយោគយល់គ្នា ប្រទេសលើពិភពលោកមិនសូវមានសន្តិភាព ហើយដោយសារតែជីវិតហាក់មានភាពស៊ីវីល័យច្រើនមនុស្សចាប់ផ្តើមខ្ជិលច្រអូស និងធ្វើទង្វើជាច្រើនប្រឆាំនឹងកម្លាំងធម្មជាតិ ដែលនេះហើយបានជាជីវិតមនុស្សត្រូវបានធម្មជាតិដាក់ទោសទាំងបរិស្ថាន និងសុខភាពជីវិតមនុស្សដែលកាន់តែហោចទៅ។
ចូររស់នៅទៅតាមកម្លាំងធម្មជាតិ ដែលខាងក្រោមនេះជាមេរៀនខ្លីៗនៃធម្មជាតិដែលមិនអាចប្រកែកបាន ៖
-ចង់រកប្រភពទឹកស្អាតបរិសុទ្ធ ចូរផឹកទឹក ពីស្រះ ទន្លេ បឹង ដែលសេះផឹក ព្រោះសត្វសេះមិនដែលផឹកទឹកកខ្វក់ឡេីយ
-ចង់គេងលក់ស្រួល ចូររៀបចំដំណេក និងរក្សាឥរិយាបថលេីគ្រែគេង ឱ្យដូចសត្វឆ្មា អ្នកនឹងគេងលក់ស្កប់ស្កល់ដូចឆ្មា
-ចង់រកផ្លែឈើល្អ ចូរបរិភោគផ្លែឈេី ដែលត្រូវបានដង្កូវចោះ ព្រោះជាផ្លែឈេីធម្មជាតិគ្មានជាតិពុល ឬជាតិគីមីឡេីយ
-ភ័យមិនស្គាល់ប្រភេទផ្សិត? អ្នកអាចបេះយកផ្សិត ដែលមានសត្វល្អិតយកមកទទួលទានបាន ព្រោះវាបញ្ជាក់ថានេះជាប្រភេទផ្សិតដែលគ្មានជាតិពុលនោះទេ
-ចង់ធ្វេីដំណាំ និងចម្ការ តែមិនដឹងប្រភេទដី? ចូលដាំដំណាំទាំងនោះ នៅកន្លែងដែលសត្វកំពីងដូងជីក ឬធ្វេីជាជម្រក ទីនោះនឹងមានដីជីវជាតិល្អដែលអាចប្រេីប្រាស់បាន
-ស្វែងរកជម្រកល្អរស់នៅ និងមានផាសុកភាព! ចូរសង់ផ្ទះរបស់អ្នក នៅទីដែលធ្លាប់មានពស់រស់នៅ ព្រោះវានឹងធ្វេីឱ្យផ្ទះរបស់អ្នកមានភាពកក់ក្តៅខុសពីកន្លែងដទៃ
-ចង់ជីកស្រះ ឬទឹកទុកប្រេីប្រាស់មិនដឹងជីកនៅកន្លែងណា! ចូរជីករកប្រភពទឹកនៅកន្លែង ដែលបក្សីជ្រកកោនលាក់ខ្លួនពីកំដៅថ្ងៃ
-ចូលគេង ហើយភ្ញាក់ឡើងក្នុងពេលតែមួយជាមួយបក្សី អ្នកនឹងមានថាមពល និងស្មារតីរ៉ឹងប៉ឹងខ្លាំង ហេីយមានសុខភាពល្អដូចជាបក្សីដែរ
-ទទួលទានបន្លែ និងផ្លែឈេីដែលមានពណ៌បៃតងឱ្យបានច្រេីន អ្នកនឹងមានជេីង/រាងកាយរឹងមាំ និងបេះដូងមានសុខភាពល្អមាំមួន មិនខុសពីព្រៃឈេីទេ
-ហែលទឹកឱ្យបានញឹកញាប់ អ្នកនឹងមានអារម្មណ៍រីករាយ ហេីយរាងកាយរស់រវេីកដូចជាសត្វត្រីហែលនៅក្នុងទឹកអ៉ីចឹង
-សម្លឹងមើលទៅលើមេឃឱ្យបានញឹកញាប់តាមដែលអាចធ្វើទៅបាន នោះគំនិត និងខួរក្បាលរបស់អ្នកនឹងប្រែជាស្រស់ថ្លា ស្រស់បំព្រង និងធូរស្រាលពីភាពតានតឹងដូចពន្លឺស្រាលៗនៅលេីផ្ទៃមេឃ
-រក្សាភាពស្ងាត់ស្ងៀមឱ្យបានច្រេីន និយាយឱ្យកាន់តែតិច ហើយស្តាប់ឱ្យបានច្រេីន អ្នកនឹងកេីតមានភាពស្ងប់សុខនៅក្នុងចិត្ត ហើយព្រលឹងវិញ្ញាណរបស់អ្នកនឹងមានភាពស្ងប់ស្ងាត់ និងពោរពេញដោយសន្តិភាពផ្លូវចិត្ត ។
ខាងលើនេះអាចឱ្យយើងបានដឹងថា ការរស់នៅទោះបីជាជឿនលឿនយ៉ាងណា មនុស្សនៅតែមិនអាចប្រកែកបានទៅនឹងច្បាប់ធម្មជាតិដដែល គ្មានអ្វីដែលល្អជាងការហូបចុក រស់នៅ និងឥរិយាបថប្រចាំថ្ងៃសម្របទៅតាមធម្មជាតិពិតនោះទេ ការមិនគោរពតាមច្បាប់ធម្មជាតិមិនខុសពីការបំពានធម្មជាតិ ដែលជាការនាំទុក្ខទោសដល់ខ្លួនឯងនោះឡើយ៕
ប្រភពភាសាបរទេស៖ Saint Seraphim of Sarove
ប្រែសម្រួលបន្ថែម៖ ក្នុងស្រុក