មនុស្សម្នាក់ៗ សុទ្ធតែមានស្លាកស្នាមក្នុងចិត្ត មានរឿងអតីត និងស្រមោលខ្មៅនៅក្នុងចិត្តរៀងៗខ្លួន និងផ្សេងៗគ្នា។ តោះ សាកល្បងជ្រើសរើសរូបមួយទាំងអស់គ្នា ដើម្បីធ្វើតេស្តតាមបែបចិត្តសាស្ត្រ តើវាពិតជាត្រូវទៅនឹងរឿងក្នុងចិត្តរបស់អ្នកដែរឬទេ?
១. អារម្មណ៍ឯកា
បើអ្នកជ្រើសរើសរូបទី១ នោះមានន័យថា ចិត្តអ្នកពេលនេះ កំពុងតែមានរបួស ស្លាកស្នាមនៃភាពឯកា មានអារម្មណ៍ថា ដូចកំពុងតែបាត់បង់អ្វីម្យ៉ាង ឬអារម្មណ៍ដែលត្រូវគេបោះបង់ចោល។
អាចនិយាយបានថា របួសនេះអាចកើតឡើងតាំងពីកុមារភាព ឬពេលអ្នកធំឡើង។ ប៉ុន្តែមិនថាវាកើតឡើងតាំងពីពេលណាទេ តែវានៅតែជាដំបៅជ្រៅនៅក្នុងបេះដូងរបស់អ្នក ដែលពិបាកនឹងគេចវេសណាស់។ ប្រហែលជាមានមនុស្សម្នាក់ដែលអ្នកធ្លាប់គិតពិចារណាគ្រប់យ៉ាង ប៉ុន្តែបញ្ចប់ដោយទុកឱ្យអ្នកនៅម្នាក់ឯង ដើម្បីប្រឈមមុខនឹងការលំបាក និងឧបសគ្គទាំងអស់។
ដើម្បីជាសះស្បើយមុខរបួសនេះ សូមបំភ្លេចរឿងចាស់ចោលឱ្យអស់ទៅ ហើយបើកបេះដូងអ្នកឡើងវិញ មានជំនឿលើខ្លួនឯង កុំមានអារម្មណ៍ឯកោ ឬព្យាយាមស៊ូទ្រាំនឹងទុក្ខវេទនាណាមួយតែម្នាក់ឯង ចូរព្រលែងចោលនូវរឿងអតីតដែលមិនល្អ ទើបជីវិតអ្នកអាចមានសេរីភាពឡើងវិញ។
២. អារម្មណ៍រងអយុត្តិធម៌
បើអ្នកជ្រើសរើសយកកាតទី ២ នេះបង្ហាញថា ស្នាមរបួសនៃបេះដូងរបស់អ្នក ដែលអ្នកបានយកមកជាមួយអ្នកអស់រយៈពេលជាយូរមកហើយ គឺអារម្មណ៍រងនូវភាពអយុត្តិធម៌អយុត្តិធម៌។
ប្រាកដណាស់ យើងរស់នៅក្នុងពិភពលោកមួយ ជាកន្លែងដែលសេចក្តីសុចរិតមិនត្រូវបានគេយល់ថាត្រឹមត្រូវ និងយុត្តិធម៌នោះទេ។ ទោះជាយ៉ាងណាក៏ដោយ ការប្រតិកម្មទៅនឹងស្ថានភាពនេះដោយដកថយ ឬ បណ្ដុះបណ្ដាល ការអាក់អន់ចិត្ត និងការសងសឹក មិនមែនជាវិធីល្អបំផុត ដើម្បីដឹកនាំជីវិតឱ្យមានភាពល្អ ឬរីករាយបានឡើយ។
អ្នកបានក្លាយជាមនុស្សដែលអាចបត់បែនបាន កាន់តែបើកចំហបេះដូងរបស់អ្នក ហើយបន្តធ្វើការព្យាយាមរស់នៅដោយគ្មានការសោកស្តាយអំពីអ្វីដែលអ្នកធ្លាប់ប្រឈមមុខ។ ជាមួយនឹងការខិតខំប្រឹងប្រែង អ្នកពិតជានឹងឆ្លើយតបទៅនឹងការខិតខំឥតឈប់ឈររបស់អ្នក។
៣. ការផិតក្បត់
បើអ្នកជ្រើសយកកាតទី៣ បង្ហាញថាការក្បត់ផិត គឺជាស្នាមរបួសនៅខាងក្នុងបេះដូងរបស់អ្នកជានិច្ច វាពិតជាគួរឱ្យឈឺចាប់ណាស់ គ្រប់ពេលដែលអ្នកនឹកដល់វាម្ដងៗ។
វាមិនត្រឹមតែក្បត់នៅក្នុងរឿងស្នេហាប៉ុណ្ណោះទេ ប៉ុន្តែវាអាចជាមិត្តភាព ឬដៃគូសហការណ៍ផងដែរ។ អ្នកតែងតែប្រឈមមុខនឹងការក្បត់ពីអ្នកដទៃជារឿយៗ
អ្នកពិតជាមិនដែលស្មានដឹងទេថា ពួកគេបោកប្រាស់ និងក្បត់ការទុកចិត្តរបស់អ្នកឡើយ។ ដូច្នេះអ្នកបាត់បង់ជំនឿលើសេចក្តីស្រឡាញ់ និងការរាប់អានក្នុងជីវិតបន្តិចម្តងៗ ។
ការប្រុងប្រយ័ត្ន និងឯករាជ្យគឺល្អ ប៉ុន្តែអ្នកមិនគួរទុកឱ្យខ្លួនឯងរស់នៅក្នុងភាពមិនជឿជាក់ ឬផ្ដាច់ខ្លួនពីអ្នកដទៃបែបនេះឡើយ។ ចូររក្សាភាពក្លាហាន រក្សាការស្រឡាញ់ ដើម្បីទទួលបានសេចក្ដីស្រឡាញ់ពីមនុស្សជុំវិញខ្លួនមកវិញ។ អ្នកគួរតែទទួលយកថា ការក្បត់គឺគ្រាន់តែជាមេរៀនតិចតួច ដែលចាំបាច់នៅក្នុងជីវិតរបស់អ្នក នៅពេលដែលអ្នកព្រមទទួលយកការពិត ហើយសិក្សាពីអ្វីដែលអ្នកបានជួបប្រទះ ជាពិសេសគឺ ការក្បត់ពីមនុស្សមួយចំនួន អ្នកនឹងទទួលបានជិវិតមួយដែលល្អ ពោរពេញដោយបទពិសោធន៍ និងចេះមើលមនុស្សបានកាន់តែច្បាស់៕
ប្រភព ៖ iOne / ប្រែសម្រួល ៖ ភី អេក (ក្នុងស្រុក)