យោងតាមព្រះរាជក្រឹត្យ ដែលឡាយព្រះហស្តលេខាដោយ ព្រះករុណា ព្រះបាទ សម្ដេច ព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា ដោយបានត្រាស់បង្គាប់តែងតាំងមុខតំណែង អនុរដ្ឋលេខាធិការ នៃក្រសួងពាណិជ្ជកម្ម ដល់កញ្ញា សេរី បូរាពេជ្រ។
ក្នុងព្រះរាជក្រឹត្យរបស់ព្រះមហាក្សត្រ បានបញ្ជាក់ថា ៖
– មាត្រា១ ៖ តែងតាំងមុខតំណែង លោកជំទាវ សេរី បូរាពេជ្រ ជាអនុរដ្ឋលេខាធិការ នៃក្រសួងពាណិជ្ជកម្ម
– មាត្រា២ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ត្រូវទទួលបន្ទុកអនុវត្តព្រះរាជក្រឹត្យនេះ ចាប់ពីថ្ងៃឡាយព្រះហស្តលេខាតទៅ។
គួរបញ្ជាក់ផងដែរ តាមការឱ្យដឹងពីសំណាក់អ្នកលេងបណ្ដាញសង្គមបានឱ្យដឹងថា “កញ្ញា សេរី បូរាពេជ្រ គឺបានរៀនចប់អនុបណ្ឌិតផ្នែកហិរញ្ញវត្ថុ និងវិនិយោគអន្តរជាតិពីប្រទេសអង់គ្លេស ហើយទទួលបាននិទ្ទេសខ្ពស់ និងសាលាបានផ្ដល់អាហារូបករណ៍បន្តបណ្ឌិតទៀត និងបានអនុញ្ញាតឱ្យបង្រៀននៅសកលវិទ្យាល័យនោះទៀតផង”៕
