ក្រសួងសុខាភិបាលកម្ពុជា បានចេញសេចក្ដីប្រកាសអំពីលទ្ធផលធ្វើតេស្តរកវិជ្ជមានជំងឺ Covid-១៩ លទ្ធផលសម្រាប់ថ្ងៃទី ២២ កក្កដា ២០២០ គឺរកឃើញវិជ្ជមាចំនួន ១ករណីថ្មីបន្ថែមទៀត និងមានអ្នកព្យាបាលជាសះស្បើយចំនួន ២នាក់បន្ថែម។
គួរបញ្ជាក់ផងដែរថា ១ករណីថ្មីនេះដែរ គឺជាបុរស អាយុ ២៨ឆ្នាំ ជាអ្នកដំណើរធ្វើដំណើរមកពីប្រទេសរុស្ស៊ី មកដល់កម្ពុជាកាលពីថ្ងៃទី ១៩ កក្កដា ២០២០។
សរុបចំនួនអ្នកមានវិជ្ជមានជំងឺ Covid-១៩ ទាំងអស់នៅកម្ពុជាគឺមាន ១៩៨នាក់ (ស្ត្រី ៤៣នាក់ និងបុរស ១៥៥នាក់) និងអ្នកកំពុងសម្រាកព្យាលបាលមានចំនួន ៥៤នាក់ អ្នកដែលព្យាបាលជាសះស្បើយមានចំនួន ១៤២នាក់៕
