ដោយយោងតាមគណនីហ្វេសប៊ុគឈ្មោះ សឹម សក្តិដា បានសរសេររៀបរាប់ ក៏ដូចជាផ្ញើសារសម្រាប់ដាស់តឿនជូនបងប្អូនទាំងឡាយ ជាពិសេសគឺ មិត្តៗនារីៗដែលធ្វើដំណើរដោយ Pass App តែម្នាក់ឯង សូមមានការប្រុងប្រយ័ត្ន ព្រោះអ្នករត់ Pass App មួយចំនួន គឺខិលខូច តែងតែឆ្លៀតឱកាស ប្រព្រឹត្តចោរកម្ម ឬបទល្មើសផ្សេងៗ។
យ៉ាងណាមិញ ខាងក្រោមនេះ ជាអត្ថន័យសារផ្ញើជូនមិត្តៗទាំងអស់បានដឹង និងទុកជាបទពិសោធន៍ កុំឱ្យមានករណីបែបនេះកើតឡើងទៀត ៖
អ្នកធ្វើដំណើរតាម Pass App ជាពិសេសនារីៗ សូមប្រយត្ន័ ប្រយែង ព្រោះអ្នករត់ Pass App មួយចំនួនតូច គឺមានល្បិចខ្ពស់ណាស់ ក្នុងការប្រព្រឹត្តចោរកម្ម និងបទល្មើសផ្សេងៗ ។
តួរយ៉ាងដូចបុរសប្រកបរបរ Pass App ម្នាក់ខាងលើនេះ គឺមានល្បិចខ្ពស់បំផុត ។
កាលពីថ្ងៃ 27 ខែឧសភា ខ្ញុំបានហៅ Pass App នេះតាម App ដោយធ្វើដំណើរពី បុរីទំនើប០១ ក្រោយទីលានវាយកូនហ្គោលជីបម៉ុង ទៅក្រោយផ្សារដេប៉ូពីរនាក់គ្រួសារខ្ញុំ ។ ជិះដល់ម្ដុំវត្តតាំងកសាងខាងត្បូង អ្នកបើកបរក៍ប្រាប់ថា ទូរសព្ទដាច់សេវាហើយ ឲ្យខ្ញុំគិតម៉ៅទៅ ឲ្យខ្ញុំ cancel app ទៅ ។ ដោយចិត្តអាណិតអាសូរ ខ្ញុំក៍ចុច cancel ទាំងទូរសព្ទខ្ញុំនៅដើរ app ធម្មតា ។ ក្រោយមកទៀតអ្នកបើកបរ ក៍ប្រាប់ថា យកលេខទូរសព្ទវាទៅ ព្រោះផ្ទះវានៅជិតហ្នឹងដែរ មិនបាច់ហៅតាម App ទេ ។ ដោយនឹកអាណិតម្ដងទៀត ក៍យកលេខដើម្បីកុំឲ្យក្រុមហ៊ុនកាត់ភាគរយគ្នា ឲ្យគ្នាបានកំរៃឲ្យច្រើនទៅចុះ ។នៅថ្ងៃទី២ ខែកក្កដា ម៉ោង៦ល្ងាច ដោយទើបត្រលប់មកពីខេត្ត ដោយគ្រួសារខ្ញុំមានធុរៈបន្ទាន់ ត្រូវទៅផ្ទះម្ដុំក្រោយផ្សារសាមគ្គី ហើយខ្ញុំមិនបានជូនទៅ គាត់ក៍ហៅ Pass app នេះម្ដងទៀតតាមលេខដែលវាឲ្យ ដោយនឹកឃើញថាធ្លាប់ជិះ ក៍ជិះទៅតែឯង ហើយក៍ជាលើកទី១ដែរ ដែលគាត់ហ៊ានជិះតែឯង ។ ដោយជិះចេញពីបុរីទំនើប០១ ដដែល ។ ជិះមកដល់ម្ដុំបុរីពិភពថ្មី ឈូកវ៉ា២ ខណៈមេឃកំពុងភ្លៀង កំពុងតែបើកសុខៗ pass app ក៍ឈប់ងក់
គ្រួសារខ្ញុំក៍សួរ ថាឈប់ធ្វើអី ? អ្នកបើកបរក៍ថា សុំឈប់ឈឺនោម ។ គ្រួសារខ្ញុំក៍បន្តសួរ ហេតុមកឈប់មិនប្រាប់អញ្ចឹង ? វាក៍អត់មាត់ដើរទៅក្រោយ Pass App មួយសន្ទុះ ក៍ដើរមកវិញ ហើយបើកកង្ហារលើដំបូល ទាំងមេឃកំពុងភ្លៀង គាត់ក៍ឲ្យបិទដោយប្រាប់ថារងា តែវាមិនបានបិទទេ ។ បានប្រហែល៣នាទី គ្រួសារខ្ញុំក៍ចាប់ផ្ដើមបាត់ស្មារតីបន្តិចម្ដងៗ និងមានអាការៈងងុយដេក ទន់ដៃជើងបន្តិច តែដោយគាត់ធ្លាប់ឆ្លងកាត់បទពិសោធន៍លើវិស័យវេជ្ជសាស្ត្រ គាត់បានដឹងពីអាការៈនៃថ្នាំសណ្ដំ គាត់ក៍បញ្ជាឲ្យអ្នកបើកបរឈប់ តែអ្នកបើកបរមិនព្រមឈប់ ហើយថែមទាំងស្រែកមិនឲ្យគ្រួសារខ្ញុំចុះទៀត ។ ជម្រើសចុងក្រោយ គ្រួសារខ្ញុំសម្រេចចិត្តលោតចុះ ដោយខ្លួនឯងហើយ ហើយរត់ចូលផ្ទះអ្នកជិតនោះឲ្យជួយ ។ ហើយប្រាប់គេថា គេសណ្ដំគាត់ ឲ្យជួយយកខ្ទឹមនិងក្រូចឆ្មាមកបញ្ច្រកគាត់ផង និងប្រាប់គេឲ្យជួយខលមកខ្ញុំ ។ ក្នុងចន្លោះពេលនោះអ្នកបើកបរបានបកមកវិញដោយសួររកគ្រួសារខ្ញុំ ហើយប្រាប់អ្នកជួយនោះថាកុំជឿរអ្វីដែលគ្រួសារខ្ញុំបាននិយាយ ហើយបានចោទថាប្រពន្ធខ្ញុំបោកវាទៅវិញ ។ ក្រោយពីអ្នកជួយបានខលមកខ្ញុំ ខ្ញុំក៍បានទាក់ទងទៅសមត្ថកិច្ច មូលដ្ឋានភ្លាមៗ រហូតឃាត់អ្នកបើកបរបាននៅនឹងកន្លែង និងបានយកទៅសាកសួរភ្លាមៗ ។ ក្រោយធ្វើការឆែកឆែររបស់សមត្ថកិច្ច ក៍បានរកឃើញមានដំបងហូតមួយដើមផងដែរ ដោយអ្នកបើកបរបានអះអាងម្ដងថាខ្លួនជាអ្នកកាសែត ម្ដងជាសន្តិសុខឯកជន ។ជាចុងក្រោយខ្ញុំបាទសូមថ្លែងអំណរគុណដល់ លោកអធិការនគរបាលខណ្ឌទួលគោក លោកអធិការនគរបាលខណ្ឌពោធិសែនជ័យ លោកមេប៉ុស្តិ៍ សំរោងក្រោម ដែលបានខ្នះខ្នែងជួយការពារសុវត្ថិភាពប្រជាជនបានយ៉ាងឆាប់រហ័ស ។ 🙏🏻🙏🏻🙏🏻
សូមអរគុណដល់បុគ្គលិក និងម្ចាស់ហាងម្លិះវាំងនន ពិភពថ្មីឈូកវ៉ា២ ដែលបានខ្នះខ្នែងជួយគ្រួសារខ្ញុំដោយសុទ្ធចិត្ត។ 🙏🏻🙏🏻🙏🏻នេះជាសារដាក់តឿន ឲ្យមានការប្រុងប្រយត្ន័ចំពោះនារីៗដែលចូលចិត្តធ្វើដំណើរតាម Pass App តែម្នាក់ឯង ។
