តារាចម្រៀងលោក Justin Bieber និងកញ្ញា Ariana Grande ដែលពួកគេទាំង២ធ្លាប់តែមានទំនាន់ទំនងយ៉ាងល្អនិងគ្នា ហើយពួកគេក៏ធ្លាប់បានចេញនូវបចម្រៀងរួមគ្នាជាច្រើនផងដែរ ។
កាលពីពេលថ្មីៗនេះ នៅក្នុងបណ្តាញសង្គមអ៊ីធើណេត ពួកគេទាំង២ក៏បានបង្ហោះនូវវីដេអូថ្មី អមជាមួយសារខ្លះៗដែលជួយលើកទឹកចិត្តដល់កុមារនិងជនរងគ្រោះដោយសារមេរោគ Covid 19 ដែលនៅក្នុងវីដេអូនោះ គឺជាបទចម្រៀងថ្មីរបស់ពួកគេ ដែលបទចម្រៀងថ្មីនោះគ្រោងនិងបញ្ចេញជាផ្លូវការនៅថ្ងៃទី ០៨ ខែឧសភា ឆ្នាំ ២០២០ ខាងមុខនេះ ដែលមានចំណងជើងថា “ Stuck With You ”។
គួរញ្ចាក់ផងដែរថាចំណូលដែលរកបានពីបទចម្រៀងថ្មីនេះនិងត្រូវឧបត្ថម្ភទៅដល់មូនិធិ ដើម្បីផ្តល់ជំនួយនិងអាហារូបករណ៏សម្រាប់កុមារនិងបុគ្គលិកថែទាំសុខភាពពីការរាត្បាតពីជំងឺCOVID19 គ្រូពេទ្យ ប៉ូលីស និងអ្នកពន្លត់អគ្គីសភ័យ ជាដើម។ នេះបើតាមការបញ្ជាក់តាមគណនី Instagram របស់លោក Justin Bieber
ចំណែកឯកញ្ញា Ariana Grande ឯណោះវិញក៏បានបង្ហោះសារមួយ ដែលកញ្ញាបាននិយាយថា “សូមប្រើប្រាស់វីដេអូនេះ ហើយចែកចាញនូវកម្មវិធីសប្បាយៗរបស់អ្នក អោយពួកយើងបានឃើញផង ត្រូវចាំថា ពេលវេលានេះគឺយើងទាំងអស់គ្នាត្រូវនាំគ្នាសំរាកនៅផ្ទះដើម្បីសុវត្តិភាព ដូច្នេះហើយបើទោះបីជាអ្នកស្នាក់នៅក្នុងផ្ទះម្នាក់ឯងក៏ដោយ ក៏អ្នកអាចស្វែងរកភាពរីករាយបានផងដែរ ហើយសូមអោយ Stuck With You គឺជាចំណែកមួយដែលធ្វើអោយអ្នករីករាយបានផងទៅចុះ ” ។
យ៉ាងណាមិញខាងលើនេះគ្រាន់តែជាឈុតខ្លីមួយរបស់បទចម្រៀង Stuck With You តែប៉ុណ្ណោះ ចំពោះបទចម្រៀងពេញយ៉ាងណានោះ យើងនិងបានស្តាប់កំសាន្តទាំងអស់គ្នានៅក្នុងថ្ងៃទី ០៨ ខែ ឧសភា ឆ្នាំ ២០២០ ខាងមុខនេះ ៕