យោងតាមសាកលវិទ្យាល័យ Johns Hopkins បានឱ្យដឹងថា បច្ចុប្បន្នមានករណីដែលត្រូវបានបញ្ជាក់ថា ចំនួនអ្នកឆ្លងជំងឺ COVID-១៩ កើនឡើងដល់ជាង ៣ លានករណីហើយនៅទូទាំងពិភពលោក និងមានចំនួនអ្នកស្លាប់ ២១០.០០០ នាក់។
កាលពីមុន វាបានចំណាយពេលជិតបួនខែ ដើម្បីឱ្យមេរោគឆ្លងដល់មនុស្ស ១ លាននាក់ ហើយបន្ទាប់មកមានតែ ១២ ថ្ងៃប៉ុណ្ណោះ ដែលចំនួននេះកើនឡើងទ្វេដងនៅពេលដែលវីរុសត្រូវបានបញ្ជាក់ថាជាជំងឺរាតត្បាត។ ប៉ុន្តែព្រឹត្តិការណ៍ចុងក្រោយបានកើតឡើង ១៣ ថ្ងៃ បន្ទាប់ពីវាត្រូវបានប្រកាសថាមានមនុស្ស ២ លាននាក់បានឆ្លង។
កាលពីយប់មិញ លោកវេជ្ជបណ្ឌិត Tedros Adhanom Ghebreyesus ប្រធានអង្គការសុខភាពពិភពលោកបានមានប្រសាសន៍ថា “ ពិភពលោកគួរតែស្តាប់” ព្រោះពេលនេះ ជំងឺរាតត្បាតមួយនេះ នៅតែបន្តរីករាលដាលនៅឡើយ។
ប៉ុន្តែផ្ទុយទៅវិញ នៅតាមបណ្ដាប្រទេសមួយចំនួន ហាក់ព្រងើយកន្តើយនឹងការរឹតបន្ដឹងការចាក់សោរ និងគម្លាតពីសង្គម ដោយធ្វើការបើកប្រទេសជាផ្លូវការ ព្រោះតែប្រទេសខ្លះ មានអត្រាឆ្លង និងស្លាប់ថយចុះ។
ព្រោះតែបញ្ហាព្រងើយកន្តើយនេះហើយ បានធ្វើឱ្យប្រធានអង្គការសុខភាពពិភពលោក បានធ្វើការព្រមាន និងព្រួយបារម្ភជាខ្លាំង ចំពោះការខ្លាចជំងឺនេះ នឹងអាចឆ្លងជាសកលសាជាថ្មីម្ដងទៀត៕
ប្រភព ៖ Daily Mail