ភ្លើងឆេះព្រៃនៅខេត្តស៊ីឈួនប្រទេសចិន បានធ្វើឱ្យក្រុមអ្នកពន្លត់អគ្គិភ័យចំនួន ១៨នាក់ និងមគ្គុទេសម្នាក់ ស្លាប់នៅក្នុងភ្លើងឆេះនោះ

ប្រព័ន្ធផ្សព្វផ្សាយរដ្ឋបានរាយការណ៍ឱ្យដឹងថា ក្រុមអ្នកពន្លត់អគ្គិភ័យចំនួន ១៨នាក់ និងមគ្គុទេសក៍របស់ពួកគេបានស្លាប់នៅពេលកំពុងប្រយុទ្ធនឹងភ្លើងឆេះព្រៃនៅខេត្តស៊ីឈួនប្រទេសចិន។

ទីភ្នាក់ងារសារព័ត៌មានចិនស៊ីនហួបាននិយាយថា ការផ្លាស់ប្តូរទិសដៅខ្យល់ភ្លាមៗបាននាំឱ្យក្រុមនេះជាប់នៅក្នុងព្រៃឈើដែលកំពុងតែឆេះនាព្រឹកថ្ងៃអង្គារិ៍នេះ។

អគ្គិភ័យនៅខេត្ត Liangshan ពេលនេះបានរាលដាលគ្របដណ្ដប់ពេញផ្ទៃដី ១០០០ ហិកតា។

អ្នកពន្លត់អគ្គិភ័យ និងអ្នកជួយសង្គ្រោះជាង ២.០០០ នាក់ត្រូវបានបញ្ជូនទៅតំបន់នោះ ហើយមនុស្ស ១.២០០ នាក់ត្រូវបានជម្លៀសចេញ។

អគ្គិភ័យបានចាប់ផ្តើមកាលពីថ្ងៃច័ន្ទនៅឯកសិដ្ឋានក្នុងស្រុកមួយ។ មានខ្យល់បក់យ៉ាងខ្លាំង និងអណ្តាតភ្លើងរាលដាលយ៉ាងលឿនទៅដល់ភ្នំក្បែរ ៗ ។

ក្រុមអ្នកពន្លត់អគ្គិភ័យដែលបានស្លាប់ ស្ថិតក្នុងចំណោមក្រុម ២២ នាក់ រួមទាំងកម្មករកសិដ្ឋានម្នាក់ ដែលជាមគ្គុទេសក៍របស់ពួកគេដែលបានបាត់ខ្លួន។ អ្នកនៅរស់រានមានជីវិត ៣ នាក់ត្រូវបានគេរកឃើញហើយត្រូវបានគេបញ្ជូនទៅមន្ទីរពេទ្យ។

ប្រព័ន្ធផ្សព្វផ្សាយក្នុងស្រុករាយការណ៍ថាផ្សែងពពកយ៉ាងខ្លាំងបានរសាត់ទៅទីក្រុង Xichang ក្បែរនោះ។

ឧប្បត្តិហេតុនេះកើតឡើងស្ទើរតែមួយឆ្នាំ បន្ទាប់ពីមានភ្លើងឆេះព្រៃនៅផ្នែកផ្សេងទៀតនៃខេត្ត Liangshan ដែលបានសម្លាប់អ្នកពន្លត់អគ្គិភ័យចំនួន ៣០ នាក់។

ប្រភព ៖ bbc.com/news