ប្រិយមិត្តជាច្រើន ប្រហែលជាបានស្គាល់តារាចម្រៀងកម្ពុជាក្រោម លោក ខាន់ ស៊ីអឿន (Khanh Sioun) ម្ចាស់បទ « ស្រឡាញ់គ្នាយូរម៉េចស្ទាវ » ដែលធ្លាប់បានផ្ទុះយ៉ាងខ្លាំងនៅរដូវបុណ្យចូលឆ្នាំថ្មីប្រពៃណីខ្មែរកន្លងមក រហូតមានផលិតកម្មស្រុកខ្មែរល្បីទិញសិទ្ធមកច្រៀងឡើងវិញផងដែរ។
ហើយសម្រាប់រដូវបុណ្យភ្ជុំបិណ្ឌនេះ លោកស្រាប់តែបានចេញនូវចម្រៀងថ្មីមួយបទទៀតហើយ ដើម្បីបម្រើអារម្មណ៍ប្រិយមិត្តអ្នកគាំទ្រ មានចំណងជើងថា « សឹកសង្ឃអស់ហើយ » ដោយនៅក្នុងបទចម្រៀងមួយបទនេះ មានអត្ថន័យដុតផងអប់រំស្រីៗដែលចូលចិត្តស្លៀកខ្លីទៅវត្តផង ឱ្យបែរមកស្លៀកពាក់បែបប្រពៃណីវិញផងដែរ សូម្បីតែសាច់រឿងចម្រៀង (MV)ក៏មានភាពកំប្លុកកំប្លែង ក្នុងន័យជួយលើកតម្កើននូវប្រពៃណី និង តម្លៃនារីខ្មែរយើងទៀតផង។
គួរឱ្យដឹងផងដែរថា បទចម្រៀង « សឹកសង្ឃអស់ហើយ » ដែលកំពុងតែទទួលបានការចាប់អារម្មណ៍មួយបទនេះ ត្រូវបាននិពន្ធទំនុកច្រៀងដោយអ្នកនិពន្ធទំនុកចម្រៀង និងសាច់រឿងល្បី លោក យន ប៊ុនរាជ និងនិពន្ធបទភ្លេងថ្មី និង មេឡូឌីដោយលោក Chhit Tengrith ៕
ដើម្បីឱ្យកាន់តែជ្រាបច្បាស់ សូមទស្សនាវីដេអូខាងក្រោម៖
