ដើម្បីឱ្យ ក្រុមជម្រើសជាតិកម្ពុជា មានពេលវេលាត្រៀមខ្លួនបានពេញលេញសម្រាប់ការប្រកួត ASEAN HYUNDAI Cup™ ក្របខណ្ឌ Cambodian Premier League (CPL) បានសម្រេចពន្យារពេលការចាប់ផ្ដើមរដូវកាល ២០២៦/២៧ ប្រមាណ ១ ខែ។
តាមការប្រកាស រដូវកាលថ្មីនឹងចាប់ផ្ដើមនៅថ្ងៃទី ៥ ខែកញ្ញា ឆ្នាំ២០២៦ និងបញ្ចប់នៅថ្ងៃទី ២៩ ខែឧសភា ឆ្នាំ២០២៧។
ជារៀងរាល់ឆ្នាំ CPL តែងតែបើករដូវកាលនៅដើមខែសីហា។ ប៉ុន្តែលើកនេះ កាលវិភាគត្រូវបានកែសម្រួល ដើម្បីឱ្យកីឡាករជម្រើសជាតិអាចផ្តោតអារម្មណ៍លើការហ្វឹកហាត់ និងការប្រកួតតំណាងជាតិ ដោយមិនមានសម្ពាធពីការប្រកួតលីគក្នុងស្រុក។
ការសម្រេចចិត្តនេះ បង្ហាញពីការប្តេជ្ញាចិត្តរបស់ CPL ក្នុងការគាំទ្របេសកកម្មរបស់ក្រុមជម្រើសជាតិកម្ពុជា ដោយដាក់ផលប្រយោជន៍ជាតិជាអាទិភាព។ អ្នកគាំទ្រជាច្រើនក៏សង្ឃឹមថា ការផ្តល់ពេលវេលាបន្ថែមនេះ នឹងជួយឱ្យក្រុមជម្រើសជាតិមានការត្រៀមខ្លួនបានល្អជាងមុន និងទទួលបានលទ្ធផលល្អក្នុងការប្រកួតថ្នាក់តំបន់។
