«៩ ច្បាប់សម្ងាត់ របស់អ្នកមាន ដែលអ្នកគួរដឹងឥឡូវនេះ»

១. បង្កើនប្រាក់ចំណូលឲ្យលើសពីការចំណាយ

សេដ្ឋកិច្ចកំពុងរីកចម្រើន តម្លៃទំនិញក៏ឡើងថ្លៃជាមួយគ្នា។ បើប្រាក់ខែនៅតែដដែល តើអ្នកនឹងរស់នៅបានយ៉ាងម៉េច? បើអ្នកបង្កើនចំណូលបានខ្ពស់ជាងមុន អ្នកនឹងគ្រប់គ្រងហិរញ្ញវត្ថុបានល្អ សន្សំបានច្រើន និងមានសេរីភាពហិរញ្ញវត្ថុកាន់តែឆាប់។ ចាប់ផ្តើមពីការស្វែងរកប្រភពចំណូលបន្ថែមឥឡូវនេះ!

២. ទិញតែអ្វីដែលចាំបាច់ កុំទិញតែអ្វីដែលចង់បាន

ចង់បានរថយន្តថ្មី ទូរស័ព្ទថ្លៃៗ ឬសម្ភារៈប្រណិត ប៉ុន្តែផ្ទះក៏មិនទាន់មាន ចំណូលក៏មិនទាន់ខ្ពស់ នេះគឺជាគ្រោះថ្នាក់ហិរញ្ញវត្ថុដ៏ធំ។ ដាក់អាទិភាពលើតម្រូវការចាំបាច់ជាមុន ទើបអ្នកអាចសន្សំ វិនិយោគ និងក្លាយជាអ្នកមានបានលឿន។ ពេលមានលុយហើយ ទោះជិះម៉ូតូ ឬរថយន្តចាស់ ក៏សប្បាយចិត្ត ដរាបណាលុយនៅក្នុងហោប៉ៅ!

៣. សន្សំដើម្បីវិនិយោគ កុំសន្សំទុកឲ្យអស់តម្លៃ

ទោះចំណូលតិច ឬច្រើន ត្រូវសន្សំផ្នែកមួយដើម្បីវិនិយោគ មិនមែនទុកក្នុងធនាគាររង់ចាំអតិផរណាកាត់ថយនោះទេ។ ប្រាក់សន្សំសម្រាប់វិនិយោគមិនត្រូវប៉ះពាល់ លើកលែងតែមានបម្រុងទុកសម្រាប់អាសន្ន។ បន្ទាប់ពីច្រើនឆ្នាំ អ្នកនឹងមានទុនគ្រប់គ្រាន់ដើម្បីបង្កើតប្រភពចំណូលថ្មីៗ និងបង្កើនចំណូលឲ្យកាន់តែច្រើន!

៤. ជៀសវាងបំណុលដែលមិនបង្កើតចំណូល

កុំខ្ចីលុយដើម្បីទិញរបស់ដែលមិនបង្កើតប្រាក់ចូលវិញ (ដូចជាទិញទូរស័ព្ទ សម្លៀកបំពាក់ ឬរថយន្តលើសសមត្ថភាព)។ បើខ្ចី ត្រូវយកទៅវិនិយោគ ឬបង្កើតអាជីវកម្មដែលអាចបង្កើតចំណូលបន្ថែម។ អ្នកមានប្រើប្រាក់កម្ចីដើម្បីរកលុយបន្ថែម ចំណែកអ្នកក្រតែងតែខ្ចីដើម្បីចំណាយ ធ្វើឲ្យអ្នកមានកាន់តែមាន!

៥. ស្វែងរកលុយដូចហួងហែងគូស្នេហ៍

សេរីភាពហិរញ្ញវត្ថុជាបំណងប្រាថ្នារបស់មនុស្សគ្រប់គ្នា ប៉ុន្តែតែមនុស្សតិចតួចប៉ុណ្ណោះដែលដាក់វាជាអាទិភាព។ ចង់មានលុយ ត្រូវធ្វើឲ្យការរកលុយក្លាយជាអាទិភាពខ្ពស់បំផុត ដូចហួងហែងដៃគូស្នេហ៍។ លុយមិនដែលរត់មករកអ្នកទេ បើអ្នកមិនរត់ទៅរកវា។ អ្នកដែលមានលុយច្រើន គឺអ្នកដែលធ្វើឲ្យលុយក្លាយជាអាទិភាព!

៦. ពេលវេលាគឺជាមាសប្រាក់

លុយមិនប្រកាន់ថាយប់ថ្ងៃ ច័ន្ទអាទិត្យទេ វាមានគ្រប់ពេល។ អ្នកណាចេះប្រើពេលវេលាឲ្យអស់សមត្ថភាព នោះរកលុយបានច្រើន។ ក្រៅពីការងារប្រចាំថ្ងៃ សូមឆ្លៀតធ្វើការក្រៅម៉ោង ថែមម៉ោង ឬបង្កើតប្រភពចំណូលផ្សេង ដើម្បីបង្កើនចំណូលឲ្យលឿនជាងគេ។ លុយស្រលាញ់តែអ្នកណាដែលស្រលាញ់វា!

៧. ដាក់មហិច្ឆតារកលុយឲ្យកាន់តែធំជាលំដាប់

កុំខ្ទប់មហិច្ឆតាដោយគិតថា «រកបាន ១ សែនដុល្លារគ្រប់គ្រាន់ហើយ»។ មហាសេដ្ឋីល្បីៗគ្មានដែនកំណត់លើមហិច្ឆតាទេ។ ដាក់គោលដៅថា ៥ ឆ្នាំក្រោយ រកបាន ៥ ម៉ឺនដុល្លារ ទៅ ១០ ឆ្នាំក្រោយ រកបាន ៥ សែនដុល្លារ។ មហិច្ឆតាកាន់តែធំ កាន់តែល្អ ប៉ុន្តែត្រូវរក្សាតុល្យភាព និងជួយអ្នកជុំវិញខ្លួនឲ្យមានផងដែរ!

៨. លុបបំបាត់ទស្សនៈក្រីក្រ និងកំហុសខ្លួនឯង

ដូចលោក Bill Gates ធ្លាប់និយាយថា៖ «បើអ្នកកើតមកក្រ មិនមែនជាកំហុសរបស់អ្នកទេ។ ប៉ុន្តែបើស្លាប់ទៅនៅតែក្រ នោះជាកំហុសរបស់អ្នក»។ កុំយល់ថាកំណើតក្រគឺជាកំណត់ ត្រូវងើបឡើង ខិតខំ ស្វែងរកគន្លឹះ និងប្តេជ្ញាមិនស្លាប់ទៅជាមួយភាពក្រីក្រ!

៩. រៀនពីបទពិសោធន៍ និងយុទ្ធសាស្ត្ររបស់អ្នកមាន

មហាសេដ្ឋី និងអ្នកជំនួញជោគជ័យទាំងអស់ សុទ្ធតែជាគំរូដ៏ល្អ។ សិក្សា អានសៀវភៅ ស្តាប់បទសម្ភាសន៍ និងរៀនពីគន្លឹះ យុទ្ធសាស្ត្រ និងទម្លាប់របស់ពួកគេ។ នេះគឺជាស្ពានដ៏ខ្លាំងក្លាដែលនាំអ្នកចេញពីភាពក្រីក្រ ទៅក្លាយជាអ្នកមានបានលឿនជាងគេ។

អនុវត្ត ៩ គន្លឹះនេះជាប្រចាំ អ្នកនឹងឃើញការផ្លាស់ប្តូរយ៉ាងច្បាស់លាស់។ ចាប់ផ្តើមថ្ងៃនេះ កុំរង់ចាំ! 💪