កុំបណ្តោយឱ្យកូនធ្វើការងារទាំង៣ប្រភេទនេះ ព្រោះវាអាចធ្វើឱ្យពួកគេជាប់គាំងក្នុងភាពក្រីក្រ

យោងតាមអ្នកសង្គមវិទូជាច្រើន គ្រួសារក្រីក្រជាច្រើនមានទំនោរឱ្យកូនរបស់ពួកគេបន្តការងារ៣ប្រភេទដែលហាក់ដូចជាមានសុវត្ថិភាព។ ប៉ុន្តែទោះជាយ៉ាងណាក៏ដោយ ជម្រើសទាំងនេះធ្វើឱ្យពួកគេជាប់គាំងក្នុងវដ្តនៃភាពក្រីក្រ ដែលធ្វើឱ្យវាពិបាកក្នុងការរត់គេច។

១.ក្បួនដង្កូវនាង៖ ស្នាក់នៅស្រុកកំណើត ត្រូវស្កប់ស្កល់នឹងការងារតូចតាច

រឿងនេះកើតចេញពីការពិសោធដ៍ល្បីមួយដោយអ្នកជំនាញខាងកាយវិភាគសាស្ត្រ Fabre ។ គាត់បានដាក់ដង្កូវនាងនៅជុំវិញគែមនៃផើងផ្កាជារង្វង់ ដោយមានចានអាហារដែលពួកគេចូលចិត្តនៅខាងក្រៅ។ ទោះជាយ៉ាងណាក៏ដោយ ទោះបីជាអាហារនៅខាងក្រៅក៏ដោយ សត្វដង្កូវបានដើរជុំវិញផើងផ្ការហូត ហើយគ្មានដង្កូវណាមួយ ហ៊ានដើរចេញដើម្បីទៅយកអាហារនោះទេ។ នៅទីបំផុត ពួកគេទាំងអស់បានអស់កម្លាំង និងស្លាប់ ខណៈអាហារនៅក្បែរនោះដដែល។

ដូចគ្នានេះដែរ គ្រួសារក្រីក្រជាច្រើនមានទម្លាប់ទុកកូននៅស្រុកកំណើត ធ្វើការងារតូចតាច ត្រឹមមួយរស់ៗ ជាមួយទម្លាប់ដោយមិនហ៊ានផ្លាស់ប្តូរ ឬ ស្វែងរកឱកាសថ្មី។ វាគឺជាការភ័យខ្លាចនៃការផ្លាស់ប្តូរ និងការខ្វះភាពក្លាហានក្នុងការដើរចេញពីតំបន់សុខស្រួលរបស់ពួកគេ ដែលបានរារាំងពួកគេមិនឱ្យរួចផុតពីភាពក្រីក្រ។

នៅតាមជនបទ ឪពុកម្តាយជាច្រើននៅតែផ្តល់ដំបូន្មានដល់កូនៗថា៖ «នៅផ្ទះធ្វើស្រែចំការ និងហូបចុកគ្រប់គ្រាន់ទៅបានហើយ»។ ទោះជាយ៉ាងណា បើអ្នកពឹងផ្អែកលើដីស្រែប៉ុន្មានហិចតា នោះជីវិតនឹងពិបាកនឹងប្រសើរឡើងណាស់។ អ្នកដែលហ៊ានចាកចេញពីស្រុកកំណើត ហើយស្វែងរកឱកាសនៅក្នុងទីក្រុង ទោះបីជាត្រូវខំប្រឹងប្រែងហត់ និងពិបាកមែន តែនឹងមានប្រាក់ចំណូល និងអនាគតល្អជាង។ “គ្រួសារដែលនៅស្រុកកំណើត ទំនងជាក្រ អ្នកដែលហ៊ានទៅឆ្ងាយ ទំនងជាអ្នកមាន” – នោះជាច្បាប់ដែលមនុស្សជាច្រើនមិនទាន់បានដឹង។

២.ច្បាប់របស់បក្សីខៀវ៖ ជ្រើសរើសការងារងាយស្រួល ប្រាក់ចំណូលទាប តែប្រកួតប្រជែងខ្លាំង

នៅអាមេរិកខាងត្បូង បក្សីខៀវមានភាពល្បីល្បាញសម្រាប់ការបង្កើតសំបុកដ៏ធំបំផុត សូម្បីតែធំជាងទំហំដងខ្លួនរបស់វារាប់សិបដង។ នៅពេលដែលពួកគេឃើញសំបុកសត្វស្លាបផ្សេងទៀតកាន់តែធំ ពួកគេព្យាយាមពង្រីកសំបុករបស់ពួកគេរហូតដល់ពួកគេអស់កម្លាំង និងស្លាប់។

ដូចគ្នាដែរចំពោះមនុស្ស។ គ្រួសារក្រីក្រជាច្រើនបានអនុញ្ញាតឱ្យកូនរបស់ពួកគេធ្វើការងារងាយស្រួលដូចជាលក់ដូរតិចតួច បើកឡាន ឬ ដឹកជញ្ជូនទំនិញ ព្រោះពួកគេគិតថា “មានការងារគ្រប់គ្រាន់សម្រាប់រស់នៅប៉ុណ្ណឹងគឺបានហើយ”។ ទោះជាយ៉ាងណាដោយ ការងារទាំងនេះមិនទាមទារជំនាញខ្ពស់នោះទេ អ្នកណាក៏អាចធ្វើបាន ដែលនាំឱ្យការប្រកួតប្រជែងខ្លាំង និងប្រាក់ចំណូលទាប។

យុវជនម្នាក់អាចជាអ្នកដឹកជញ្ជូន ប៉ុន្តែប្រសិនបើគាត់ចេះឆ្លៀតពេលទំនេរពីការសិក្សា ប្រមូលជំនាញ និងបទពិសោធន៍ និងស្វែងរកឱកាសល្អៗ អនាគតរបស់គាត់នឹងខុសគ្នាទាំងស្រុង។ ផ្ទុយទៅវិញ បើគាត់ឈប់ត្រឹមតែការងារងាយស្រួល នោះជីវិតគាត់នឹងឈប់ត្រឹមតែពាក្យថា «ពិបាក»។

៣.ច្បាប់របស់សត្វលា៖ ការស្ទាក់ស្ទើរ ខ្វះការតាំងចិត្ត និងការងារឥតឈប់ឈរ

ទស្សនវិទូ Jean Buridan ធ្លាប់ប្រាប់រឿងមួយអំពីសត្វលារបស់គាត់។ ជារៀងរាល់ថ្ងៃ វាត្រូវបានផ្តល់ចំបើងដ៏ឈ្ងុយឆ្ងាញ់ចំនួនពីរដងដូចគ្នា ប៉ុន្តែដោយសារតែវាមិនដឹងថាត្រូវជ្រើសរើសមួយណាមុនគេ វាបានបន្តឈរនៅទីនោះដោយស្ទាក់ស្ទើររហូតដល់វាឃ្លានរហូតដល់ស្លាប់។

មនុស្សក៏ងាយនឹងធ្លាក់ក្នុងស្ថានភាពដូចគ្នាដែរ។ យុវជនជាច្រើន ជាពិសេសអ្នកដែលមកពីគ្រួសារក្រីក្រ តែងតែផ្លាស់ប្តូរការងារដោយសង្ឃឹមថានឹងអាចទទួលបានប្រាក់ខែខ្ពស់។ ប៉ុន្តែវាជាការស្ទាក់ស្ទើរ និងកង្វះការប្តេជ្ញាចិត្ត ដែលរារាំងពួកគេពីការប្រមូលផ្តុំជំនាញ និងស្ថិរភាពក្នុងជីវិត។

តាមពិតទៅ អ្នកដែលបន្តអាជីព បន្តអនុវត្ត និងបង្កើនជំនាញរបស់ពួកគេអស់រយៈពេលជាច្រើនឆ្នាំ ច្រើនតែទទួលបានភាពជោគជ័យយ៉ាងងាយស្រួល មានឋានៈ និងប្រាក់ចំណូលកាន់តែប្រសើរ៕