នៅក្នុងបរិយាកាសការិយាល័យសព្វថ្ងៃ កម្មវិធីផ្ញើសារដូចជា Telegram ឬ Facebook ជួយមិត្តរួមការងារភ្ជាប់ទំនាក់ទំនងយ៉ាងរហ័ស និងងាយស្រួល។ ទោះជាយ៉ាងណាក៏ដោយ ប្រសិនបើអ្នកបង្វែរវាទៅជាកន្លែងនិយាយដើមគេ ឬ ផ្សព្វផ្សាយពាក្យចចាមអារ៉ាម អ្នកអាចប្រឈមមុខនឹងបញ្ហាដែលមិនអាចទាយទុកជាមុនបាន សូម្បីតែប៉ះពាល់ដល់អាជីពរបស់អ្នកដោយផ្ទាល់ក៏ដោយ។
នេះជាហេតុផល ៣ យ៉ាងដែលអ្នកមិនគួរជេរ ឬ និយាយដើមមិត្តរួមការងាររបស់អ្នកនៅលើកម្មវិធីផ្ញើសារ៖
១.ប្រសិនបើអ្នកភ្លេចលុបវា ពាក្យអវិជ្ជមានដែលអ្នកបានផ្ញើនឹងនៅជាប់ក្នុងនោះជារៀងរហូត។ ទោះបីជាអ្នកនឹកឃើញរួចលុបសារទាំងនោះក៏ដោយ ប៉ុន្តែដៃគូម្ខាងទៀតនៅតែអាចថតអេក្រង់ ឬ រក្សាទុកបានយ៉ាងងាយស្រួលក្លាយជាភស្តុតាងប្រឆាំងនឹងអ្នក និងជះឥទ្ធិពលអវិជ្ជមានដល់អាជីពរបស់អ្នក។
២.ងាយយល់ច្រឡំ ឬ បំភ្លៃនៅពេលផ្ញើសារ ព្រោះវាជាអក្សរដែលគ្មានធាតុអារម្មណ៍ទាំងអស់ដូចជា ទឹកមុខ ឬ កាយវិការមិនបានបញ្ជាក់ក្នុងនោះឡើយ។ ប្រយោគខ្លីអាចត្រូវបានគេយល់ច្រឡំ សូម្បីតែកាត់ និងដកស្រង់ខុស។ ថ្វីបើអ្នកនិយាយដើមគេត្រឹមរឿងតូចតាចក៏អាចនាំឲ្យមានជម្លោះ ការមិនចុះសម្រុងគ្នា និងបាត់បង់ទំនុកចិត្តក្នុងបរិយាកាសការងារបានដែរ។
៣.ហានិភ័យខ្ពស់នៃការលេចធ្លាយព័ត៌មាន សារឯកជនជាមួយមិត្តរួមការងារជិតស្និទ្ធមិនមានសុវត្ថិភាពទេ។ ពួក Hacker ឬ មនុស្សខ្លះអាចលបមើលសាររបស់អ្នកបាន នៅពេលដែលអ្នកភ្លេចខ្លួន ឬ ប្រហែសបើកឆាតចោល វានឹងបង្កឱ្យមានផលវិបាកមិនអាចគ្រប់គ្រងបាន។
អ្វីដែលត្រូវធ្វើនៅពេលជម្លោះកើតឡើងជាមួយមិត្តរួមការងារ?
យោងតាមអ្នកជំនាញធនធានមនុស្ស មធ្យោបាយដ៏ឆ្លាតវៃបំផុតក្នុងការដោះស្រាយវាគឺការសន្ទនាដោយផ្ទាល់។ ការសន្ទនាទល់មុខគ្នាជួយឱ្យភាគីទាំងពីរបង្ហាញទស្សនៈរបស់ពួកគេយ៉ាងច្បាស់ ខណៈពេលដែលកាត់បន្ថយការយល់ច្រលំដោយសារតែខ្វះបរិបទ ឬ កាត់ និងបិទភ្ជាប់ព័ត៌មាន។
ប្រសិនបើការប្រជុំទល់មុខគ្នាមិនអាចធ្វើទៅបាន និយោជិតគួរតែជ្រើសរើសបណ្តាញទំនាក់ទំនងសម្ងាត់ខ្ពស់ រក្សាសារខ្លីៗ គោលបំណង និងជៀសវាងការអនុញ្ញាតឱ្យអារម្មណ៍គ្របដណ្តប់។ យ៉ាងណាមិញ បរិយាកាសការងារប្រកបដោយប្រសិទ្ធភាពត្រូវបានបង្កើតឡើងនៅលើមូលដ្ឋាននៃការគោរព និងការជឿទុកចិត្តគ្នាទៅវិញទៅមក។ ជំនួសឱ្យការនិយាយដើមគេពីក្រោយខ្នង ជ្រើសរើសទំនាក់ទំនងដោយបើកចំហ និងស៊ីវិល័យ ដើម្បីដោះស្រាយបញ្ហា និងរក្សាសាមគ្គីភាពក្នុងក្រុម៕